Matthew 12:15 - ASII LAKDAP Bible (BSI)

¹⁵ Jesuq raq apaiq tsea miitu matkii she süriitlo nguta tai raüta, apaiq ka kriiba wa ahin niishe tiido wawanto. Kiimaq nokmaiqse kong phong pahea raq apaiq jai ka phan wanto. Apaiq raq tsangshiq phong wa maiq atsi asiti thun ümchuwa sitaq kra wiita kunkun tiihea kuqto.

Hawa Naga Bible 2001

¹⁵ Kvkhoc dvnc yaq kuex Yesu rueq tuiuz vtueq, vganc nuex kvyenc woz wvnc tueq; miq paunghvlc rueq vpiq yix phvnx naungx wuez tueq. Vpiq rueq vthuiuz vsac jix lotlaz kuex tvhvlc kuq tueq.

Muklom

¹⁵ Jesu aa iri raaq raa sam eq, eshi mung tha shingchak eq chuwang ta. Daqhan miqtang aa ujiphanta etho piq aa thaji takasa tang sha taqhal ta.

Matthew 12:15 Referencias Cruzadas

Matthew 10:23

Namshiq ka chela ashi maq tiicham chao kiiphan jiila, chela ashi na juho lili ronglaq. Ngi chongpha. Namshiq raq traho bom chongke ka Israil mung chela thun lotli na michong kuq lot han shaq niili Maiq Se kriishe misaüho.”

Matthew 19:2

Mungmaiqse kong phong maiq pahea raq apaiq jai ka phan wanto. Kiimaq tsangshiq phong na maiq atsi asiti thun ümtinkhan wa sitlaq kra, apaiq raq wiita kunkun tiihea kuq wanto.

Mark 6:56

Krai mren, Jesuq ka hiqshong thun na, chela thun na, kiimaq wakram thun na wato. Apaiq ümbano saü wantlaq kiijaq, nokmaiqse raq, atsiti thun kriika, kejat tang chang ba na sheahoto. Raüta, apaiq nangnga akheani se na jiimin tiisham laq, nguta tiipaiqneato. Kiimaq atsiti ümchuro, apaiq raq samtlaq samtong jong ni na, jaq maq sham laptaq, kriiti thun ka wiita tiihea kuqto.

Luke 5:22

Kra tai raütiishe, Jesuq raq tsangshiq tsan mong na jamlai wa tiimatlaq, kra kunli asap. Kriikha miishe, apaiq raq tsangshiq ma, “Riita, namtsan mong na akhiika jaram wa tiima tlan?

Luke 6:12

Kiitincho ji, ranaiq shi, Jesuq ka hiqlam ashi na, achu jaüwa wawanto. Kiimaq apaiq ka rawa minru Shiikeawe jaq wa achu jaüto.

Luke 9:11

Nokmaiqse phong raq, apaiq ka saü wato nguta tai raüta, tsangshiq raq apaiq jai ka phan wanto. Apaiq raq tsangshiq ka aheawiq maq taoto. Raüta, tsangshiq ma Shiikeawe Mungtan tsütsa kra chongkuqto. Kiimaq atsiti thun kra tiihea kuqto.

John 11:54

Kriikha maq, Jesuq ka Jehudinok phong na rashra ka khumki mak she riito. Shatmaq, kra ba wa tiijin wan raüta, apaiq ka Ephraim chela niishe kihoto. Kra chela ka kumtsaiphii binjü tho na riito. Apaiq ka kiijaq ajaqshisetiim rai sikito.

John 7:1

Arjai maq, Jesuq ka Gelili wang na traho bom chongke wa wawanto. Kra bala apaiq ka Judia wang na trahokai kiro mak riito. Jamkhano ngukla, Jehudinok mung rümtibi raq, apaiq ka atsea baiq chang nguta mat kha ka tanshat she riito.

John 9:4

Rawü asi wiiwii, nashiq raq ngi tiikaiti we jaqsham arka sham wan ruq riichang. Ranyaq akhing she saü wan raüla, jurmin jaqsham wan lot mak she miraq.

Galatians 6:9

Riita, ija, ümchaü min, ara chong tiikai arai mren, nashiq ka ahea awa jaqsham wan kli she shiichaq rong i. Nashiq raq shamhea kaiwa ka thaq mai maq, shiichaq wan ruq sham hai jiika, akhing ashi na, nashiq raq tsam ka mijut wan rong i dongdii.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.