John 4:34 - ASII LAKDAP Bible (BSI)

³⁴ Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

Hawa Naga Bible 2001

³⁴ Yesu rueq, “Ngvy tvkay jix waz thuinroc lvmx shuimc phvnc nuiyc vpiq rueq kuq phuex yauk shuimc tvlot laz shuimc kuex ngvy phuiuz vsvy rvtueq.

Muklom

³⁴ Jesu aa ning ma batta, “I takattey tinuk o somlot sha etho ujaksom tahom sha iphaksat.

John 4:34 Referencias Cruzadas

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 40:8

Ngi raq ümtsanroro jaqsham ka kai lungwiitiikang, i Shiikeawe lei! ümniiraq ngi ma shrinkuqtlaü ka imongjii na shaqtiikang.”

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 3:15

Shatmaq Jesuq raq abom ka akha treto, “Ümchaü lak na riiwe ka ngi raq ümniima jamlai wa thaü tiikang, kli sham laq. Arka, Shiikeawe raq kechu jaqsham kiimung ümchuwa thapthi wantaq kra tiikupi wan jaqsham.” Riita, krai mren Johan raq apaiq ma jaq ka sham kuq wanto.

Matthew 9:19

Krai mren, Jesuq ka tiidopot raüta apaiq jai phanphan wawan damto. Kiimaq apaiq rai ajaqshisetiim kiimin nong shiinong wawan damto.

Luke 15:10

Ngi chongpha, tai ronglaq, ikhiisii hali, Shiikeawe rasetiim kiimin, ngarai maiqse ashi raq tsantsii klai raü la, kai michochi!”

Luke 19:10

Maiq Se saükitaq kriika, akha amo amii arki maiqse thun kra ritkai nai atiichhiike kai saükito.”

Luke 2:49

Kiijiishe Apaiq raq, “Riita namnai raq ngi ka jaram rit rea wa? Namnai raq, ngi ka i We jam na sichang nguta, sapman sha?” nguta tsangnai bom ka treto.

John 17:4

Ngi raq üm khushü jonglu ka mangjong hiq na tiichhi kuq kang she. Kiimaq ümniiraq ngi ma jaqsham athaü haü kriimin kun li shamkuq kang.

John 19:28

Jesuq raq apaiq jaqsham ka thumthum kun kang she nguta asap. Krai mren, Asii bomtsi na awaiq thü bomtsi kra shiiku wan miitu, apaiq raq, “Ngi kham nyangtsi,” nguta kham jaüto.

John 19:30

Jesuq raq, kra che kra shup nyang raütiishe, “Ümchaü ka thumto she!” nguta bomto. Kra bomri lishe, apaiq raq akhu ka hiq nü na kusaq riito, kiimaq alang tiipitto.

John 4:32

Shatmaq, apaiq raq, “Ngi raq phaq sia chang dung ka asi. Kriika namshiq raq sap man,” nguta tsangshiq bom ka treto.

John 5:30

“Ngi raq i tsiitsii maq tri raü ka sham mang. I We raq chongkuq tlaq kra phanphan li shin tiikang. Kriikha maq, ngi raq jamlai wa shin tiikang, kriika khaqkhaq shin tiikang. Ara jamkhano chongtiikang ngukla, ngi riika i mang jong miitu sham mang. Shatmaq, ngi tiikaiti we raq ahea nguta jamlai wa thimi tlaq, kriili sham tiikang.

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

John 6:33

Ara jamkhano chongtiikang ngukla, Shiikeawe raq kuqtlaq winsii ka ramungtan maq mangjong hiq na satkito she. Raüta, phiija maiqse ma rilung kuqtlo.”

John 6:38

Ara jamkhano chongtiikang ngukla, ngi ka ramungtan maq mangjong hiq na satkikang arka, i tsiitsii maq jaqsham kai akiha ka riimak. Shatmaq, ngi tiikaiti we Shiikeawe raq jamlai wa thapthi tlaq, kra shamkai kikang.

John 8:29

Kiimaq, ngi tiikaiti we ka ngi rai nong shiinong sishat. Apaiq raq ngi ka ümtiikiimin tiishaü baiq mak phan. Ara jamkhano chongtiikang ngukla, ngi riika apaiq raq jamlai wa lungwii tlaq kriili wranaiqtek sham tiikang.”

Acts 20:35

Ngi raq i jaq sham maq, namshiq ma phanrap lam lu ka tiichhiha kuq kang she. Nashiq raq aheng maq jaqsham shiikut laita, Tati Jesuq raq achongkuq bomtsi kra, nashiq tsan na tiitsang shat maq wepuq wese kra khrum kewan raa tlo nguta chongkuq kang she. Tati Jesuq raq nashiq ma, ‘Ajaüti nam ma aketi ma chochi apa miraq,’ nguta chong kuqto.”

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.