Luke 8:1 - ASII LAKDAP Bible (BSI)

¹ Kra jai maq heashi siraüta, Jesuq ka khumshkhum maq, chela thun nai hiqshong thun kiina wawanto. Raüta, Shiikeawe Mungtan Tsütsa Ahea kra chongkuq wanto. Apaiq rai ajaqshisetiim roqshi ri anai kiimin wadamto.

Hawa Naga Bible 2001

¹ Kvruex yimaq mtanc httax muq nuex Yesu rueq ghaqyungx nuiyc miqghaq htenc nuex khuemx kaz vtueq, Tishox Mungtan lvmx Thuix Thaungx Vhvlx htenc kuex tvluing kuq wvnc tueq. Sangac rokshiz rac waz nueyc muinz vpiq rulc khuemx naungx tueq.

Muklom

¹ Jesu aa samhaq na etho qhim na Shkewa mungtan tungtang aqhal raaq phanchan eq qhingta. Piq jamna ujiphantey tang wa asi wani angta.

Luke 8:1 Referencias Cruzadas

Matthew 11:1

Jesuq raq ajaqshisetiim roqshi ri wenai ma arthun tsii chongke bomtsi ara chongkuq lot raütiishe, apaiq ka kra hiqshong tro na chela ahin asi, kiina trahoke kai nai Shiikeawe bomtsi kra shrinkekai nguta kihoto.

Matthew 13:19

Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Matthew 9:35

Jesuq ka chela rap nai hiqshong rap thun na kunkun khum wanto. Raüta, sinagok thun na kiraüta, Ramungtan Tsütsa Ahea kra chongkuq wanto. Kiimaq phanrap phanrii thuptsi thatsi raq chamchao tlaqti thun kra wiita chhintsii kuq wanto.

Mark 1:39

Krai mren, apaiq ka Gelili wang hamli na khum raüta, sinagok thun na tsütsa ahea kra chongkuqto. Kiimaq tha ka maiq khum wa jobaiqto.

Luke 1:80

Kra no ka, han-ngam na, kiimaq wenyi na, kumchipo ikha phintsaq tsaq hea she chhanchhi jonglu wanto. Apaiq ka kumtsaiphii niili siwanto. Kra jai miishetiq, Israilnok mungmaiqse ma tra hokuq wanto.

Luke 20:1

Ranaiqshi Jesuq ka Shomjam na nokwe ma, Tsütsa Ahea shrinke rea nai traho bom chongke rea riito. Kra akhing na, ramwe jongbi nai Thungtri shrinketibi thun ka welabi rai adam na ri raüta, Jesuq phana wato.

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

Luke 9:6

Krai mren, ajaqshisetiim ka kihoto. Raüta maiqhiq shong thun ümchuwa sitaq kiijaq tiikham raüta kito. Raüta, Tsütsa Ahea kra chongkuq wan wan, trahokuq wanto. Kiimaq maiq atsi asiti thun ka barap wa tiihea kuqto.

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.

Acts 13:32

Riita, ümchaü naishiq arjaq saü wan kai arka, namshiq ma ara Tsütsa Ahea ara chongke wa nguta saü wan kai. Shiikeawe raq natitiim ma, jaqsham jonghea ashi misham kuq wanha nguta, man na pat na kiqkham kongphiq raüpot khakuq wantaq kra bomtsi ka, ümchaü nashiq tsangshiq lai-ala nguta sitiikai arma kiimaq maiq nanok ahinti wiita miitu she, Shiikeawe raq, Jesuq ka amaa wa tiidong kuq wantaq arshe kuwanto. Arka Shomshi lak anai na chongtlaq, kra phanphan she dea hongtha wanto. Kiijaq akha nguta chong tlo, ‘Ümniika i se she jo; Ümchaü ranaiq miiphat, ngi ka üm We she.’

Romans 10:15

Kiimaq, Shiikeawe raq apaiq tsütsa ahea kra, chiiriim raüta chongke wan miitu, bin na tsütsa chongke wantibi tiikai hü miika, juro michong kuq wan? Arka, Asii bomtsi na, “Tsütsa ahea chongke wantibi saü wan tlaq kriika, pinthum ahea riito!” nguta chong tlo.