Luke 1:53 - ASII LAKDAP Bible (BSI)

⁵³ Apaiq raq amang ale maiqse angu kra, wok phetaktak hea tiiphaqsiq wan tlo, shatmaq chiithe maiqse kra jaqmii maq tiiwa baiqtlo.

Hawa Naga Bible 2001

⁵³ Sungthuiuz rvmthuiuz rvhumc jix htenc muex tv-phoay rungx kuq vtueq, luizsuiuz waungsaz kuex shauk httuiz tvwaung gay tueq.

Muklom

⁵³ Piq aa chamlal tey tang sha jaqhal tangwang wang taphut ta etho tanglom tang sha jak changpol takat ta.

Luke 1:53 Referencias Cruzadas

Tvtsvmc 146:7

Apaiq raq chamchao litkotti lop na kha photlo; kiimaq amang aleiti ma tü adung kuqsiqtlo. Tatiwe raq phaqtek na siti tiidong kuqtlo.

Tvtsvmc 34:10

Hangsikong dongdii min amang chamchaotlo, shatmaq Tatiwe aming langtibi ka phanrap ahea awa phan lap wan ruqli misi.

EJEKIEL 34:29

Ngi raq tsangshiq ma hiqpo hiqwin hiqshong she mikuqha. Lata tsang mung na ram ka tiidong mang she mirha. Pong mungti thun raq tsangshiq ka thophi riiqphi shummii mak she miraq,

Matthew 5:6

“Jurwa Shiikeawe raq thapthi tlaq kra sham tsan tiitsitlaq kriiti ma chochi; Shiikeawe raq tsangshiq ma, tsan tiiheali mikuq!”

Luke 1:54

Apaiq bomkham natitiim ma achong kuq thü, tiihongkuq wanto she. Ümchaü apaiq ajaqshi se Israilnok khrum kekai saükito she.

Luke 6:21

“Namshiq juwa ümchaü ramtsi kriiti ma chochi; namshiq phetak she mirhan! “Namshiq juwa ümchaü aho riitlan; namshiq ka anai anai she mirhan!”

Luke 6:24

“Shatmaq, ümchaü juwa chiithe lüwa nguta sitlanti ma, phiiptsi chang jonghea asi. Namshiq ka ümchaü chamtraq peo lanta sitlan!”

John 6:35

Kiijiishe, Jesuq raq tsangshiq ma chongto, “Ngi ahata rilung tsitsü winsii. Juwa i puk na nyap tlaq, kriiti miika ram tsimak she miraq. Juwa ngi ma kam tlaq, kriiti ma khamnyang min tsimak she miraq.

1 Corinthians 1:26

Riita ija, phunainotiim lei, ümchaü namshiq raq tiima rong liishaq, Shiikeawe raq namshiq hea wantaq akhing na, namshiq ka jamkhiiwa siwan lan. Namshiq ka mangjong maiqse maklii na maiq atsapkoli phaqchi maiqse ikha, lo kiimaq ajong ala maiqse nguta lo, kiimaq welabi sitiikai nguta siwan lan.

1 Corinthians 4:8

Namshiq ma ümchuwa rong raa tlaq kra wiita she dea sha ong wan lan? Namshiq ka ngohea shaq chiithe jong siisaq she dea sha jawan lan? Naishiq riiwe kla hokham ka riimak. Shatmaq namshiq ka ngohea dea hokhambi miishe dea sha jawan lan? Kiimaq naishiq ahü maq jawan lan. Ngohea dea namshiq ka hokhambi siisaq ngu raü dea ahea riichang. Naishiq armin namshiq rai hokhambi ma jawan hai chang wa.

1 SAMUEL 2:5

Man na arong awinti thun ka ümchaü ningchang tham raüta, tiidung phaqtlo, Shatmaq amang ale siti ka, aramtsi mak she. Sehü nyung angu raq khoti asetiim wemiishi she humto, shatmaq asetiim jamshi anguti ashi min ahü she.