Luke 9:11 - Hawa Naga Bible 2001

¹¹ Nuk miqsaz htenc rueq kvruex tuiuz wuez vtueq, vpiq yix nuex phvnx wvnc naungx wuez tueq. Vpiq rueq tsuinghez kuex malc wvnc ruiux Tishox Mungtan lvmx jungphvnx kuq tueq, vthuiuz vsac jix muinz tvhvlc kuq tueq.

ASII LAKDAP Bible (BSI)

¹¹ Nokmaiqse phong raq, apaiq ka saü wato nguta tai raüta, tsangshiq raq apaiq jai ka phan wanto. Apaiq raq tsangshiq ka aheawiq maq taoto. Raüta, tsangshiq ma Shiikeawe Mungtan tsütsa kra chongkuqto. Kiimaq atsiti thun kra tiihea kuqto.

Muklom

¹¹ Miqtang aa eshi tung aa raaq tha tat eq ning ji tha phan ta. Jesu aa ning thaji tha wangphin ta halta, ning ma Shkewa Mungtan tung aa raaq batta, etho utang uqhal ma raa ta, ning tha taqhal ta.

Luke 9:11 Referencias Cruzadas

ISAIA 61:1

Johvlc Yehowa rueq ngaz kuex vpiq Siyac maq tvmvrc phuex. Htemc saz jix kox nuex thuix thaungx vhvlx gurc lvy tvkoc muinz, Thuinz vmungx bac jix muex thuinz tvhvlc kuy tvkoc muinz, Vthuq vruez laq jix htenc nuiyc khoktep nuex vshauk gay jix htenc kuex tvdungc tvkoc tvtay jungc muex Vpiq rueq ngaz kuex thvl vtueq nvr tvkaz phuex.

Matthew 12:15

Kvkhoc dvnc yaq kuex Yesu rueq tuiuz vtueq, vganc nuex kvyenc woz wvnc tueq; miq paunghvlc rueq vpiq yix phvnx naungx wuez tueq. Vpiq rueq vthuiuz vsac jix lotlaz kuex tvhvlc kuq tueq.

Matthew 14:14

Yesu kuex lix wawc dung kaz koq tueq, miq vkung vdaungx kuex khiz vtueq, tsuingshiq thuinz vmungx muex menjenc ningkhvnc nuex vthuiuz vsac jix htenc kuex tvhvlc kuq tueq.

Matthew 21:31

Kvruex vsaz wanueyc kvwawc mruex jix waz lac vwaz kvjaz tay jix?” ngoz tueq wiz tueq. Tsuingshiq rueq, “Vphuz waz jix kuex rvtueq,” ngoz tueq. Kvkhoc rvtueq Yesu rueq, “Ngaz rueq nuimshiq muex vsuing jungx kuq ix, muinghic jix hez nuiyc mephex nyuiuz tamx kuex nuimshiq max nuex raungx Mungtan nuex nyuip wvnc wuez tueq.

Matthew 21:43

“Kvkhoc rvtueq ngaz rueq nuimshiq muex jungx kuq ix, Tishox Mungtan kuex nuimshiq kox wawc vlvmz wvnc vtueq, vthuey vhvlx waq tvdung lot yaq miq kuq gay shuex.”

Luke 1:53

Sungthuiuz rvmthuiuz rvhumc jix htenc muex tv-phoay rungx kuq vtueq, luizsuiuz waungsaz kuex shauk httuiz tvwaung gay tueq.

Luke 5:31

Yesu rueq tvralc tueq, “Phumz shuimc jix ngoz yaq kuex miqhvlx jix tvkoc rax muq, vthuiuz vsac jix tvkoc dvyx rax yaq.

Luke 8:1

Kvruex yimaq mtanc httax muq nuex Yesu rueq ghaqyungx nuiyc miqghaq htenc nuex khuemx kaz vtueq, Tishox Mungtan lvmx Thuix Thaungx Vhvlx htenc kuex tvluing kuq wvnc tueq. Sangac rokshiz rac waz nueyc muinz vpiq rulc khuemx naungx tueq.

Luke 8:10

Yesu rueq, “Nuimshiq rueq Tishox Mungtan nuex seng vtueq thuiuz sungx hvlc vlvmz htenc kuex tuiuz vshuinx, miq vbez rueq kuex lawc ruiux muinz khiz muq, tay wvnc ruiux muinz tuiuz muq juing bomc tv-ngvlc maq jungx kuq yaq, ngoz tueq jungx kuq tueq.

Luke 9:10

Kamx waz hez kuex yek waung vtueq tsuinghez rueq shuimx wvnc tueq lvmx htenc kuex vpiq muex jungx kuq tueq. Vpiq rueq tsuinghez kuex shvlx wvnc vtueq Betsaida ngoz yaq ghaqyungx nuex woz wvnc tueq.

Luke 9:12

Shalx shex yac wvnc koq tueq sangac rokshiz rac wanueyc kuex vpiq kox nuex kvnvp kaz vtueq, “Vruex nuk miqsaz htenc kuex tvroz wawc miqghaq htenc nuiyc wuik vyvmx htenc nuex nyuip vtueq phuiuz vsvy mthuiyx phauk saq shuex tvkaz shuiuz, yvmx khoc lac ngoz ruiux kuex vruex baung kuex lvmx luz baung rvtueq,” ngoz tueq vpiq muex jungx tueq.

Luke 9:2

Kvruex yimaq Tishox Mungtan lvmx tvluingc kuy tvkoc nuiyc vthuiuz vsac jix tvhvlc kuy tvkoc nvr tvkaz tueq.

John 4:34

Yesu rueq, “Ngvy tvkay jix waz thuinroc lvmx shuimc phvnc nuiyc vpiq rueq kuq phuex yauk shuimc tvlot laz shuimc kuex ngvy phuiuz vsvy rvtueq.

John 6:37

Iwaz rueq ngaz muex kuq phuex lotlaz kuex ngvy kox nuex kaz wuez ruex. Ngvy kox nuex kay jix waz kuex ngaz rueq yurc gay shaungx rvmuq.

Acts 28:31

Tishox Mungtan lvmx kuex jungphvnx kuq ruiux, Taungjix Yesu Christu nuex seng yaq lvmx kuex tvhttoarc tv-phaungx khvmc thuinz vhttax maq jungphvnx tvluing kuq wvnc tueq.

Romans 10:14

Yuq muinz tsuingshiq kuex vpiq muex kvmluimx thuinz vguez ngoz ruiux yuq, yvmx khoc maq lac tsuingshiq rueq vpiq kox wawc thoz lot shvnx? Bomjungc kuex tay muq ngoz ruiux, yvmx khoc maq lac kvmluimx lot tvnx? Bomjungc kuex jungphvnc kuy jix vguez ngoz ruiux yuq yvmx khoc wawc lac tay wvnc lvp shvnx?

Romans 10:17

Kvkhoc rvtueq bomjungc kuex tay wvnc wuez vtueq, kvmluimx wvnc wuez tueq. Christu lvmz jungphvnc kuy ningkhvnc nuex bomjungc kuex tay wvnc wuez tueq.

Romans 15:3

Christu vpiq shauk pumz piauc liauc muq maq, Rumvrc luik nuex, “Mnoz muex yomnamc shummarc kvjaz kuex ngvy htauk nuex kvdaungc tuex,” ngoz tueq rulc rv-ngvlc Christu rueq vpiq thuinroc kuex phvnx muq.

2 Timothy 4:2

Bomjungc jungphvnc kuy tvkoc, tvtuiuz tvtay kuy tvkoc, mvrax tvkhic vtueq tvtharc tvkoc, thuinz vluz maq tvluingc kuy tvkoc (Vkhing aungx ruiux muinz, aungx muq ngoz ruiux muinz) hunglaungx hvt rvkuiuz, ngoz tueq ngaz rueq mnoz muex nvr vphaungx.

Hebrews 4:16

Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.