Matthew 21:43 - ASII LAKDAP Bible (BSI)

⁴³ Arthaq na tiitsuq saq she Jesuq raq tsangshiq ma, “Ara chong tiikang arai mren, ümchaü sanha, Shiikeawe Mungtan ka namshiq jaq wa anyeashe mirho. Raüta mung ahinti, atsi ahea tsingo wantinok miishe midi kuq wan.

Hawa Naga Bible 2001

⁴³ “Kvkhoc rvtueq ngaz rueq nuimshiq muex jungx kuq ix, Tishox Mungtan kuex nuimshiq kox wawc vlvmz wvnc vtueq, vthuey vhvlx waq tvdung lot yaq miq kuq gay shuex.”

Muklom

⁴³ “Ethirangma nga nim ma batphang, Shkewa Mungtan sha nim jakwang thawel chu chakna, etho utang jaqhal tingo na, eshi phan ma kochak na.

Matthew 21:43 Referencias Cruzadas

DUNGWVNC 19:6

Ngi miituli dongdii akiinongkuq wan maiqphan ashi mirhan. Kiimaq namshiq ka iramwenok ma jalanta Ngi mishkumpan han.”

ISAIA 26:2

Chela kilü thun ka dironglaq, raüta tsapsaü kapse maq siti mungti ka miwalaq, ümra mungti riiwa riikhaqli jaq shamtlaq kriiti miwalaq.

ISAIA 28:2

Tatiwe raq maiq weshi ra, ningkun henghea jonghea riimti tsangshiq khatkai ma tiijeje she thütlo. Maiq weshi ra ka tsakhiiq rok nong nong maq rathaiq henghea saühotlaq ikha, pükhaükham raü rajuntlaq ikha, jüchhang jonghea lüm wantlaq ikha, saü wan raüta tsangmung ka wiita milüm wan.

Matthew 12:28

Riimak! Beljebul raq riimak. Shatmaq Shiikeawe Wenyi ningkun maq, ngi raq tha ka jobaiq tiikang. Riita ara jaqsham tiikang ara riili she, Shiikeawe Mungtan ka namshiq khuthaq na saükito she dea nguta hakhi kuq tlo.”

Matthew 21:41

Kiijiishe tsangshiq raq apaiq bom ka, “Apaiq raq matwetiim ka wiita mijiip baiq. Raüta wak ka akheng riikhaqli akhing na keti maiq ahinti miishe mitiishiip kuq,” nguta treto.

Matthew 21:42

Kiijiishe Jesuq raq tsangshiq ma waito, “Riita namshiq raq Asii lakdap na akha chong tlaq arka phat man dea sha? ‘Longkaü ashi jamhaiti raq abi nguta ashthoq baiq wan ka, tarü thaq na pinthum akhek longkaü ma jakito. Riita arka Shiikeawe raq atiihong thü ahata; pinthum awang chang ashi!’

Matthew 21:44

Juwa ara longkaü na tiithaü wan tlaq, kriiti ka bunlak mibun wan; kiimaq ju dü niiwa ara longkaü ara dea jiiq, kriiti ka botkhulai ma mitiija baiq wan.”

John 3:3

Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

John 3:5

Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.

1 Corinthians 13:2

Ngi ka kamasham na ama maq siti, maiqse tsantsii ka tiinin lili chang, traho bom chongke min milot ha sham. Kiimaq phanrap apaü arthü bomtsi thun kriimin misap ha sham. Kiimaq i kamtsantsii jong ka, ku akin kriimin tiime lili chang khan min misi sham. Shatmaq i tsan mong na lungwiitsii ahü jiika, ngi ka thiihü miraq.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.