Luke 20:20 - ASII LAKDAP Bible (BSI) Kriikha miishe, tsangshiq raq apaiq tiishut miitu akhing ahea liishat miili she kheto. Krai mren, tsangshiq raq maiq ma tsiiqlap kuq raüta, asi asinti maiq ka Jesuq phana tiikito. Kra siwe jatibi ka maiqshaq ikha tiiman raüta, Jesuq phana bom waikai tiikito. Kriika tsangshiq bom thiikho tsan tlaq kiijaq, Jesuq ka tiithap ma nguta tiikito. Raüta, Jesuq ka Jehudinok welabi raq Roman Wanghupti we jaq na lapke ma nguta hangto. Raüta khahü na, tiitsea baiq miitu hangto. Hawa Naga Bible 2001 Kvkhoc rvtueq tsuingshiq rueq mvnuc yaq kuex thuiyx wuez tueq. Tsuingshiq rueq Yesu vpiq kvjaz maq mvrax thuiyx vtueq, vpiq kuex luimc vkawc vrangx vpangx vhttax Roma Mungx walaungx bix yauk nuex lekuy gay tvkoc tsuingrux muex kvlauc lawc jix htoksaz miq htenc muex khauloayc yauk noalc kuq vtueq vpiq kox nuex tvkaz tueq. Muklom Ethirangma ning aa ashey lam bita. Ning aa miqtang thima miq qhalta takhi eq Jesu ma raaq pit eq thalot ma ngin kota, irimal lam o ning aa Jesu tha Rome governor jaknáng khaphung kotma tathinta. |
Kra ningkhan, Joab raq jechak nyung ashi pinthum khonglaq, Tekoa hiq na siti nyung kra tiiheakai tiikito. Kriinyung ka saüwa kiitiishe, apaiq raq akha chongkuqto, “Ümniika maaho majü shiri rai tlaq nyung ikha jashalaq. Ümkhu ümkhea ka maaho manyi miirii khea kra samlaq. Ümkhu kiimin naqthaikiq. Ümniika rahiq luhea she maaho manyi shiri raitlaq nyung ikha tiihonjalaq.
Ngi tsea tan khanti raq ngi tiimin ma bi tsantlo, kiimaq ngi tiichamchao tanti raq ngi tiibunbaiq kli süriitlo; tsangshiq raq ngi tiideabaiq chang thiikho thuruqli thutlo.
Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.
Ngi ngengtinok raq tsanghaisitsi ma ikhaki na mibum wa; tsangshiq moho ka pattup pat-sa mihophaq wan.
Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”
Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”
Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”
Kiijiishe ngongwebi nai wanghuptibi raq Daniel tiideabaiq miitu, apaiq raq mung peng wan jaqsham tlaq kiijaq apaiq tiishut chang lampu she ritto. Shatmaq tsangshiq raq hummak dea. Jamkhano ngukla Daniel ka maiqkam sea chang kiimaq apaiq raq jamphan niimin shutphit mak kiimaq arot akiq klomak phan.
Tsangshiq raq apaiq ka ajaq ka raü maq kha raüta Roman Wanghupti we Pilat rung na hithoto.
Kiijaq ngati phong wa, maiq wiijamti raq, Jesuq ka tiishut haijaq nguta lamlu liishat ritto. Krai mren, tsangshiq raq Asii Niitiitsak ranaiq na, Jesuq raq kra atsiti we kra mitiihea kuq sha, tiihea kuq mak wa riijiiq nguta, khekham maq liito.
Tsangshiq raq apaiq ka, tsangshiq thiikho na tiithap haijaq, kiimaq phanshi ra na kiq tiishut hai jaq nguta khettot siqto.
Ara siwebi tiikitaq ariiraq, Jesuq ma bom ka akha waito, “Shrinketi we, ümniiraq jamlai wa chong tlaü kra nai jamlai wa shrinkuq tlaü kriika tengteng dea. Naishiq raq asap hai, ümniiriika maiq sham na lii laüta, maiqse ka tiikhothiq maü phan. Tengtlaq Shiikeawe bomtsi ka maiqse miitu chongke chang sitlaq kriili chongkuq tlaü.
Kriijaq tsangshiq raq nokwe makki na, Jesuq ka jamlai nyan niimin tiishut lot mak she riito. Kriikha maq, tsangshiq ka kaiqshak li she ngakito. Kiimaq, apaiq raq tsangshiq bom ka tiingathu she tretaq kra chhi raüta, awang rai li she riito.
Ara arot shrabi thun arka, shakaq kong siisaq. Arot kamasham bomtsi tri raü kra phanchan kuq raüta, tsangshiq miitu kampho amet pahea mitiidong. Shiikeawe raq tsangshiq ka man niiphü ashra baiq wan wishe. Raüta tsangshiq ka miqchup shiithen baiq wan miitu kha apho wishe thütlo. Shiikeawe ka kon mak. Asam! Apaiq raq chongthütaq krai mren, ümchaü kha ka apho kun she. Apaiq raq tsangshiq ka mitiichamchao wan she.