JEREMIA 11:19 - ASII LAKDAP Bible (BSI)

¹⁹ Ngi ka skuse arümti wokhong na tlam raüta haiseati kiiwa lapho raüta taphaq hotlaq ikha atseabaiq miitu tiikho thuto. Ngi ka tsangshiq raq jamlai wa abi thiikho thutlaq kra akhiismin hemang riikang. Tsangshiq liipan na akha riichongto, “Pechong ka aheawiq ajaq aji nüm wala, kra adaqli she riibaiq rong i na; nashiq raq apaiq ka tsatbaiq haijiika, maiq raq jurmin tsan na tiitsang mak she miraq.”

Hawa Naga Bible 2001

¹⁹ Ngaz kuex vthvy gay tvkoc tulx laq yaq khelbuenx saz ikhoc yaungx vtaungx; tsuingshiq rueq ngaz kuex khawc lvlc muex layx bac lvmx phvnx ruip saz kvmungx yaq kuex ngaz rueq tuiuz mauk. Tsuingshiq rueq, “Vjungx hvlc hvlc baunglaung dauk gay ix, washiz raung rueq muinz piq kuex mkaq muinz rvwvl muq mruez shueq, naungshiq rueq piq kuex thvt gay ix,” ngoz tueq jungx wuez tueq.

JEREMIA 11:19 Referencias Cruzadas

YOBA 28:13

Maiqse liipan na taksu tsii ka ahü hum mak; Taksu tsii thü ka jurmin sap mak.

Tvtsvmc 109:13

Asaü asetiim ka wiita mitsailaq, kiimaq apaiq mangchong ka jai pat na milaqbaiqlaq.

Tvtsvmc 112:6

Kechu maiqse rilung ka phanrap ongwan ruq; apaiq ka maiq raq pattup tiitsangshat miraq.

Tvtsvmc 116:9

Kra ningkhan ngi Tati man na khumtiikang atrati sichang mungtan na.

Tvtsvmc 142:5

Tati lei, ngi ka khrumjaü ümniimiili hoqsii tiikang; Tatiwe lei, ümniika ngi khupwongti; ngi ma irilung niika ümnaq sitlaü kli.

Tvtsvmc 27:13

Ngi raq asapha Tatiwe thuktsom ka ara ümchaü pat rilung niili michhi wanha.

Tvtsvmc 31:13

Ngi raq ijaqtibi pahea raq riishap shaütlaq kra taitiikang; ngi tro na phiiptsi chang siisaq sitlo. Tsangshiq raq ngi tseabaiq miitu mat raü süriitlo;

Tvtsvmc 35:15

Shatmaq ümtiikiiwa ngi ma chamchao saütaq, tsangshiq tarü kai chochisiqto kiimaq ngi tro na riitam raüta ngi ka slaisiqto; mang riisapmaiti raq ngi bukto.

Tvtsvmc 52:5

Arkha na Shiikeawe raq ümniika pattup miitu chongthum mitiijabaiq; apaiq raq ümniika milap raüta ümjam mong wa mikhotbaiq; apaiq raq ümniika atra maiqse phong wa alam she mirbaiq.

Tvtsvmc 83:4

“Warong ra,” nguta tsangshiq raq ngutlo, “Lo ta, nashiq raq tsang mung ka tiithenbaiq rong i, haüla Israil mung ka jurmin tiitsang mak she milaqbaiq.”

TAKSU LAK 10:7

Kechu maiqse mangchong ka, tsan na washasha miraq. Shatmaq ashut kloti mangchong ka, maiq raq laqbaiq saqli miraq.

TAKSU LAK 24:15

Thiimeaq ma jalaüta, kechu maiqse ka naqthümkiq. Kiimaq apaiq jam ka, naqtek wakiq.

TAKSU LAK 7:22

Kiijiishe jerowe ka kriinyung jai na, minsaü pongse ataaphaq ma, berongchong na hit wan tlaq ikha, apaiq ka chokpongwe, maiqbi na minrai tlaq ikha wawanto.

ISAIA 32:7

Maiqjiqti ka abi. Krai mren ashut li kiimungtlo. Apaiq raq arot chong raüta miitsan maiqse ka tiithenbaiq tantlo kiimaq tsangshiq raq lap phaqsea chang kriimin tangta baiqtlo.

ISAIA 38:11

Ngi raq tiimakang ara mangjong hiq rilung na Ngi raq Tatiwe ka chhinong mang she. Riimakla maiqse atra ka chhilu mang she.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

JEREMIA 26:8

Kiimaq Tatiwe raq ngi ma jamlai bom chongkuqlaq ngutiiwa aming kuqtaq, kriithun ka ngi raq chongkelot ri, tsangshiq raq ngi ka lap-hoto, raüta akhiishe gitranghoto, “Ümniiraq ara ashut bom laü kha na ümniika atsai chang!

AJONJÜ 3:60

Ngi ma chiqse rewe raq, ümtinkhan wa ngeng wantaq thun ka, ümniiraq asaphaü. Tsangshiq raq ngi tseabaiq miitu thiikho thuwantaq ka asap haü.

EJEKIEL 32:24

“Elam mung kiimin kiijaq, asengi phenlabi maakho phong ka trotam na. Tsangshiq tarü ka re na atsai siisaq. Kiimaq tsangshiq kunli atho hanhü maq wulum mung na kihoto. Tsangshiq atra siji na maiq tiiphiip wanto. Shatmaq ümchaü ka amaa phong kiimaq jeangaü raütli she sitlo.

DANIEL 9:26

Kiimaq kra chongtlaq rawii akhing kra nyiwan jai she, Shiikeawe raq ashong wan welawe kriika, khühü lamhü na atsea mirbaiq. Kiimaq ningkun ajong hoti tuwe phenlabi raq khat wan raüta Jerusalem chela nai Shomjam kra mishthen baiq. Kra athum wan akhing ka jüchhang asaü wan ikha, re ka midong wan. Raüta mung ka mithen wan. Kriika Shiikeawe raq tiihongtaq kra phan phan miraq.

Hosea 9:8

Shiikeawe raq ngi ka ashammiwe ma shongto. Raüta Israilnok ma honlam tsii chongkai tiikito. Shatmaq ümjiiwa trahokai kitiikang, tsangshiq raq ngi atsea miitu, wushi tiimin ma chan tlaq ikha, chiiq chantlo. Shiikeawe shomjam mong niimin, mungmaiqse ka shammiwe ngengti siisaq.