2 SAMUEL 14:2 - ASII LAKDAP Bible (BSI)

² Kra ningkhan, Joab raq jechak nyung ashi pinthum khonglaq, Tekoa hiq na siti nyung kra tiiheakai tiikito. Kriinyung ka saüwa kiitiishe, apaiq raq akha chongkuqto, “Ümniika maaho majü shiri rai tlaq nyung ikha jashalaq. Ümkhu ümkhea ka maaho manyi miirii khea kra samlaq. Ümkhu kiimin naqthaikiq. Ümniika rahiq luhea she maaho manyi shiri raitlaq nyung ikha tiihonjalaq.

Hawa Naga Bible 2001

² Tekoa ghaq nuex httaz jix wvtharc nyuiuz shiz kuex tvgvl kaz tueq. Kvruex nyuiuz kuex httuiuc kaz koq tueq, Joab rueq piq muex ngoc, “Mkhux kuex nauk htiz kaz maq, vyonz vyec khoz vkhvy kuex svmx ruiux vkhoarc vnyerc kvlauc lawc kuiuz. Kvkhoc loayc hvlc shex khoarc nyerc jix nyuiuz shiz ikhoc kvyaungx shaungx kuiuz.

2 SAMUEL 14:2 Referencias Cruzadas

RAPHA HIQWA LAK 38:19

Raüta Tamar ka jam na wa wanto. Raüta adü na asam bannin khea akhupo pang chang ka alam riibaiqto. Raüta manti-nyung miirii kra hali sam nongto.

2 SAMUEL 11:26

Kiimaq Bethsheba raq tsangwe ka re na tsaito nguta tsütsa ka taito, raüta apaiq ka maaho manyi hoqto.

2 SAMUEL 12:20

Kiijiishe Dawit ka wiithung kiiwa tiidoto. Raüta ajü heto. Kiimaq akhu ka thaito. Raüta akhu akhea ka klaito. Raütiishe apaiq ka shomjam na waraütiishe Tatiwe ka shomnoq wato. Raüta apaiq ka ahokham jam na kito. Raüta tü adung she jaüto. Kiimaq phaq sea kra keri li she apaiq raq phaqsiqto.

2 SAMUEL 20:16

Kra chela na jechak kai taksu nyung ashi asi riito. Kriinyung raq ruk thaq maq akha gito, “Tai rong laq! Tai rong laq! Joab ka ana miwalaq nguta chong rong laq. Ngi apaiq rai riibom chang akhek.”

1 HOKHVMX 14:2

Kiijiishe Jeroboam raq tsangnyung ma chongto, “Ümniika miiriiklai laq. Maiq raq jurmin tiitsang mak chang miitu. Laüta Shilo chela na kilaq. Kiijaq shammiwe Ahija sitlo. Apaiq kata man na ngi ma ranaiq shi ngi ka Israil mung na hokhamwe ma mijahaü nguta chongketiwe.

1 HOKHVMX 14:5

Tatiwe raq apaiq ma Jeroboam tanyung ka ase tsi tlaq kra miitu apaiq ma bom wai kai kitlo nguta apaiq ma bom ka achongkewi she riito. Kiimaq Tatiwe riimin Ahija ma jamlai bom chongke chang wa kriika achongke wishe riito. Riita ümtiikiiwa Jeruboam tanyung ka kiijaq saühotaq, apaiq ka maiq ahinti ikha tiimanhiito.

2 KAÜWA WERAÜ 11:6

Bethlehem, Etam, Tekoa,

2 KAÜWA WERAÜ 20:20

Kriimaq napjai ranap na mungmaiqse ka Tekoa hiqshong tho na rumnyangkhi wang kiiniishe kihoto. Tsangshiq ka kiim tiido wan she kiijaq Jehoshaphat raq mungmaiqse ma akha trahoto: “Juda mungti nai Jerusalemti lei! Namshiq kamtsan tsü ka Tatiwe namshiq Shiikeawe ma thü rong laq. Hanla namshiq ka pharang rang maq michap han. Ashammibi raq namshiq ma jam lai wa chongkuqtaq kriima kamrong laq. Hanla namshiq raq mi ong han.”

NEHEMIA 3:27

Kra jaqtho miika, Tekoa hiqshongti raq tiihea haito. Kiimaq tsangshiqnok kongnai ngojati riika, Shomjam kheti kinsongti tsongchang, ajongwiq diilu khamtiip tiithi maq kha riire ba maq pha raüta, Ophel hiq ba tiithi kiina saüli tiihea haito.

NEHEMIA 3:5

Kiimahali, Tekoa chela na siti nokmaiqse riika, Jadok raq haitaq kra jaqtho maq tiichap wan raüta, long khetuk kra tiihea haito. Shatmaq tiina, kra chela na siti tsangshiq welabi riika, tsangshiq rii jaqsham apheakuq kra, tsangshiq jaq miika shamki mai nguta jaqsham liiketi ashun asheatibi bom ka taimak akhü riito.

Tvtsvmc 104:15

raüta atsan shiipeo ma spiqtai klotlo, kiimaq oliptsi tai ka apaiq tiikhoqriiq ma klotlo, kiimaq aningkun shoqke ma winsii kuqtlo.

THARC TVLUINGC 9:8

Wranaiqshe khuthai thea mai, laüta chojong chise miili silaq.

JEREMIA 6:1

Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she.

AMO LUIK DVP (AMOS) 1:1

Arka Tekoa chela na siti skurümti Amos raq achong riisham bomtsi. Ara riisham bomchong arka hiqjong mimushaq na rawii wiinai kongkhu ji na Juda mung langti hokhamwe Ujjia kiimaq Israil mung langti Jehoash se Jeroboam raq lang tlaq pat na Shiikeawe raq Amos lümaq Israilnok miitu riisham bomtsi atiichongki thun kra riito.

Matthew 6:17

Ümtiikiiwa ümniiraq amang maq achu jaü tlaü, kra akhing na khuthai thea mai laüta achu ka jaü lili riilaq.

RUTHA 3:3

Riita ümchaü min, ümniika ümtum ümjü ka helaq. Laüta ümkhum ka homseng maq tiijut laq. Kiimaq ümkhea ka ahea pinthumti kra tsea laüta sam laq. Laüta apaiq wak na tsambuk chang ba kiina kilaq. Shatmaq apaiq ka tsambuk lot jai phaqsea khsmnyang awok phetaktak miphaqsiq shaq wiiwii, ümsham ka apaiq ma naq tiichhikiq.