Matthew 27:2 - ASII LAKDAP Bible (BSI)

² Tsangshiq raq apaiq ka ajaq ka raü maq kha raüta Roman Wanghupti we Pilat rung na hithoto.

Hawa Naga Bible 2001

² Tsuingshiq rueq Yesu kuex buinc vtueq Roma hokhvmx waz Pilat kox nuex shvlx wvnc vtueq tvshuk kuq gay tueq.

Muklom

² Ning aa piq tha khakta etho sol kat eq Rome governor Pilate jaknáng kochak ta.

Matthew 27:2 Referencias Cruzadas

RAPHA HIQWA LAK 22:9

Tsangnai ka Shiikeawe raq chongtaq hiq ba niishe saüto. Kiimaq Abraham raq kiijaq berong-wacha ka haito. Kiimaq chin ka kiijaq aheawiq phongto. Raüta apaiq raq ase ka raü maq khato. Raüta kra berong-wacha na chin phongtaq kriithaq na Isak ka tiibumto.

Matthew 20:19

Raüta tsangshiq raq Pongmung maiqse jaq mong na mihit kuq baiq. Tsangshiq raq apaiq ka mihaihii. Chunpo-nyam chongwai maq mitsat. Raüta pumsongkham na mitübaiq. Shatmaq ranaiqtsam jai maq, apaiq ka ama wa adong mirwan nong.”

Matthew 28:14

Kiimaq ara tsütsa arka ümkhii miiwa Wanghupti we ni niishe saü wa raü jiila, naishiq raq apaiq ma namshiq ka jam shut ahü nguta namshiq lop na michong kuqkai. Krai mren, namshiq haisong chang ka jam min ahü miraq,” nguta phenlanok kiima bomhuk kra tlang chongkuqto.

Luke 13:1

Kra akhing na maiq wiijamti ka kiijaq asi riito. Tsangshiq raq Gelili hiqti maiq wiijamti ka Shomjam na Shiikeawe ma nyamse honglu takerea wa, Pilat raq tsat baiqto. Kra tsütsa ka tsangshiq raq Jesuq ma tiitaito.

Luke 20:20

Kriikha miishe, tsangshiq raq apaiq tiishut miitu akhing ahea liishat miili she kheto. Krai mren, tsangshiq raq maiq ma tsiiqlap kuq raüta, asi asinti maiq ka Jesuq phana tiikito. Kra siwe jatibi ka maiqshaq ikha tiiman raüta, Jesuq phana bom waikai tiikito. Kriika tsangshiq bom thiikho tsan tlaq kiijaq, Jesuq ka tiithap ma nguta tiikito. Raüta, Jesuq ka Jehudinok welabi raq Roman Wanghupti we jaq na lapke ma nguta hangto. Raüta khahü na, tiitsea baiq miitu hangto.

Luke 23:1

Krai mren, Rung welabi thun ka tsangshiq ngongthun kra lot raütiishe, tri raü ka shatje miishe, wiikongtam tiido rang riito. Raüta, Jesuq ka Pilat rung niishe sheahoto.

Luke 23:12

Kra ranaiq liipan niili, Herod nai Pilat ka silu miishe jakito. Kongkhu ji niika, tsangnai liipan na, wesang ralii ikhli sito.

Luke 3:1

Kra akhing ka, Roman Hokham we Tiberias raq Hokham jawan li maq, wiiroqshi ri wiibiingi she riito. Pontias Pilat ka Judia wang na Wanghupti we riito. Herod ka Gelili hong na hokham riito. Kiimaq ano Philip ka Iturea nai Trakhonitis hong lang wanti riito. Lisanias ka Abilene hong langti riito.

John 18:12

Kiijiishe Roman phentuwe nai asengi phenlabi, kiimaq Shomjam kheti Jehudi phan petanok raq Jesuq ka lapho raüta raü maq khato.

John 18:24

Kra raütiishe Annas raq Jesuq ka tiikhashat miili Ramwe Ajong Pinthum we Kaiaphas rung niishe tiishea wanto.

John 18:28

Ranap chu maq, Jehudinok welabi raq, Jesuq ka Kaiaphas jam maq Wanghupti we jam niishe sheahoto. Jehudinok welabi ka Wanghupti we jam wang mong niika wamak dea riito. Tsangshiq raq kra ranaiq ka Tiichhii Wan Poi dung sia chang. Kiijaq jam mong na wa ka tsangshiq ma apii. Kiijaq waraü ka tsangshiq khum ka misheki. Kriikha maq, tsangshiq khum ka asii thü raa ngo maq, tsangshiq ka jam wang mong na wamak dea riito.

Acts 12:6

Herod raq Petar ka anap ranaiq miishe, mungmaiqse rung na tiichap ma nguta, tiije shat riito. Kra rawa, Petar ka phenla wenai heawea na akon. Apaiq ka jinraü raünai maq, ajaq na khato. Raüta, siimko nü jinraü tho kriika phenla weshi jaq na dakshat riito. Kiimaq konü siimti jinraü tho kriika phenla weshi jaq na dak khato. Raüta apaiq ka phenla we nai heawea na tiinga raüta kheto. Kiimaq phaqtek jam kilam chong kiimin phenlabi raq kheshat riito.

Acts 21:33

Riita phentu jong we ka wa raüta, Paul ka lapto. Raüta phenlabi ma jinraü kharü anai maq tiikhato. Raütiishe apaiq raq, “Arwe ara juwa? Apaiq raq jamlai wa shiithen ta?” ngutiishe bom ka waito.

Acts 22:25

Shatmaq, tsangshiq raq apaiq ka jin raü maq tep kha raüta, chunpo-nyam chongwai maq atseaho she angu na, Paul raq phentuwe apaiq tho na chap raü we kiima, “Riita ümniiraq Roman Hokham sengi nokti we ka, apaiq khü akha ka jamlai wa, kra kongkhu pho hü maq, akha tsea thung ka asi sha?” ngutiishe apaiq raq siihiip we ma bom ka waito.

Acts 22:29

Kra taiwi raütiishe, Paul ma bom wai lai nguta chaptaq phenla wetiim thun kiimin jai na tiisot rang she tiitong rang riito. Riita siihiipjong we kiimin apaiq raq Paul ka Roman Hokham sengi nokti we shatmaq, jinraü kharü maq tiikharat kai nguta tiima raüta, ahai she riito.

Acts 24:27

Kiimaq wiinai sijai niishe, Wanghupti we Phelisk ka Porsias Phestas riishe laito. Jehudinok raq apaiq kiidea ahea nguta mingu laq nguta tiima raüta, Phelisk raq Paul ka phaqtek mong niili thübaiq thüto.

Acts 28:20

Riita, arthun mra pintaq arkha maq, ngi raq namshiq rai riihum ma nguta namshiq ka tiihea wan kang. Riita ngi raq ara kharü hotiikang arka, Israilnok raq ju miiwa tsangshiq tsantsii ran wan tlaq, kriiwe mang na hotiikang,” nguta tsangshiq ma bom ka chongkuqto.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

Acts 9:2

Raüta, Damaskas chela na sinagok thun sitlaq kra liiwanti welabi ma, apaiq rai mang triisapke, lak thun ka jaüto. Kra lak thun ka, apaiq raq Tatiwe Lam phantibi Damaskas chela na asi hum wa raüla, apaiq raq tsangshiq ka, jechak maiqwe wiita lapho raüta, Jerusalem na tiijang hitho nong miitu jaüto.

1 Timothy 6:13

Phanrap ma tsitsü thiiketi Shiikeawe man na, kiimaq Jesuq Khristo Pontias Pilat rung maq, apaiq kamasham na, mak triijap mak maq, kamtsantsii thüti we man na, ngi raq ümniima ara aming

2 Timothy 2:9

Ngi raq Tsütsa Ahea ara chongkuq tiikang arkha na, ngi ka tiichamchao wan tlo. Ngi ka matwe tsawe kaü ikha, shumraü kharü maq kha raüta tiichamchao wan tlo. Shatmiitiq, Shiikeawe bomtsi ka kharü maq khalot mak.

Hebrews 13:3

Juwa phaqtek mong na sitlaq, kriiti miitu tsan na tiima ronglaq. Lanta khrum kuq ronglaq. Namshiq maiqmii kiimin tsangshiq rai phaqtek mong na siti ikha, riiwea ronglaq. Juwa chamchao litkot mong na sitlaq, kriiti miitu namshiq maiqmii kiimin, tsangshiq rai adam chamchao tlan ikha, tiima ronglaq.

PHOWEBI 15:12

Tsangshiq raq nguto, “Naishiq kikai arka, ümnaq khakai nguta kikai. Laita ümniika tsangshiq ma kiinongke miitu kikai.” Samson raq nguto, “Namshiq jaq maq ngi ka tsatmai nguta kiqkham kuq ronglaq.”