Matthew 27:1 - ASII LAKDAP Bible (BSI)

¹ Ranap chu miili she ramwe jongbi nai welabi raq Jesuq ka atsea baiq chang nguta kha ka tanto.

Hawa Naga Bible 2001

¹ Raungnvp samaq shomc walaungx bix nuiyc nuk miqsaz walaungx rulx htenc kuex Yesu thvy gay tvkoc rungx raz tueq.

Muklom

¹ Rangnap kha tho ajong tingwa tang etho miqlang tang aa Jesu tha tikwat ma kara wanta.

Matthew 27:1 Referencias Cruzadas

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

Tvtsvmc 31:13

Ngi raq ijaqtibi pahea raq riishap shaütlaq kra taitiikang; ngi tro na phiiptsi chang siisaq sitlo. Tsangshiq raq ngi tseabaiq miitu mat raü süriitlo;

Tvtsvmc 71:10

Ijaqtinok raq ngi ka atseabaiq tankhantlo; tsangshiq riichong raüta ngi tsea ma mat tantlo.

Mikha 2:1

Hiqbi kho hiqbi kho! Rawa konhü mat-sü tsasü ngati hiqbi kho! Ranap rawü ho raüla matniq tsaniq jaqshamtlo!

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Mark 15:1

Ranap chu miili ramwe jongbi ka taülaükhiq maq welabi nai Thungtri shrinketibi, kiimaq Jehudinok Rung Jong phowebi thun kunli rai, ngongthun ngato. Raüta, tsangshiq raq kha ka tiihong phoje she thüto. Raütiishe, tsangshiq raq Jesuq ka jinraü kharü maq kha raüta, Pilat rung niishe hithoto. Raüta, Pilat jaq niishe kiinong kuq baiqto.

Luke 13:1

Kra akhing na maiq wiijamti ka kiijaq asi riito. Tsangshiq raq Gelili hiqti maiq wiijamti ka Shomjam na Shiikeawe ma nyamse honglu takerea wa, Pilat raq tsat baiqto. Kra tsütsa ka tsangshiq raq Jesuq ma tiitaito.

Luke 22:66

Rawü wan kiitiishe, ngongwebi phong wa welabi, ramwe jongbi, kiimaq Thungtri shrinketibi thun kriika ngongthun nga wanto. Raüta, Jesuq ka tsangshiq Rung na tiichapto.

John 18:28

Ranap chu maq, Jehudinok welabi raq, Jesuq ka Kaiaphas jam maq Wanghupti we jam niishe sheahoto. Jehudinok welabi ka Wanghupti we jam wang mong niika wamak dea riito. Tsangshiq raq kra ranaiq ka Tiichhii Wan Poi dung sia chang. Kiijaq jam mong na wa ka tsangshiq ma apii. Kiijaq waraü ka tsangshiq khum ka misheki. Kriikha maq, tsangshiq khum ka asii thü raa ngo maq, tsangshiq ka jam wang mong na wamak dea riito.

Acts 5:21

Krai mren, kiimwebi raq rase aming kra taito. Raüta, ranap na Shomjam na kiraüta, mungmaiqse ma trahokuqto. Ramwe Ajong Pinthum we nai akongtibi raq Jehudinok Rung welabi thun ka ngongthun rong i nguta Rung na tiiheato. Raütiishe, tsangshiq raq kiimwebi ka Rung na tiichap miitu, phaqtek mong wa sheaki rongkiq nguta peta siihiipbi ma aming kuqto.

PHOWEBI 16:2

Gaja chelati raq Samson ka kiijaq nguta tho heto. Krai mren tsangshiq raq kriiba ka trotam maq kheto. Kiimaq rawa minru chela kilamchong maq kheto. Tsangshiq ka rawa minru kaiqshak miili kheto. Kiimaq tsangshiq tsan na akha tiimato, “Nashiq raq ratiiwiili mikhe rong i, kra laita apaiq ka mitsat baiq rong i.”

1 SAMUEL 19:11

Kra rawasii hali, Saul raq maiq wiijamti Dawit jam ka khekai tiikito. Raüta kra napjai ranap na tsatbaiq ronglaq nguta aming kuqto. Shatmaq tsangnyung Maikel raq apaiq ma honlam bom akha chongkuqto, “Athi rawa ümchiim jin maü riihaüla, anap ka atsaishe mirhaü.”