Matthew 27:1 - Hawa Naga Bible 2001

¹ Raungnvp samaq shomc walaungx bix nuiyc nuk miqsaz walaungx rulx htenc kuex Yesu thvy gay tvkoc rungx raz tueq.

ASII LAKDAP Bible (BSI)

¹ Ranap chu miili she ramwe jongbi nai welabi raq Jesuq ka atsea baiq chang nguta kha ka tanto.

Muklom

¹ Rangnap kha tho ajong tingwa tang etho miqlang tang aa Jesu tha tikwat ma kara wanta.

Matthew 27:1 Referencias Cruzadas

Tvtsvmc 2:2

Tsuingshiq hokhvmx bix rueq khawx lvlx wuez yaq, tsuingshiq guimz lawc jix bix rueq Yehowa nuiyc vpiq rueq vthvl taq hokhvmx waz kuex khawc lvlc tvkoc vyumx maq rvjungc wuez yaq.

Tvtsvmc 31:13

Ralx hez paunghvlc rvshuip shuyx yaq kvjaz kuex ngaz rueq tay tauk; kvhiz juing lotlaz rueq ngaz kuex tvroz tuimx wvnc phuex. Tsuingshiq rueq ngaz kuex khawc lvlc lvmz rvjungc phvnc vtueq, ngvy thvy gay tvkoc kvmungx wuez yaq.

Tvtsvmc 71:10

Ngvy ralx htenc rueq ngvy thvy gay roc yaq; tsuingshiq rueq ngaz kuex khawc lvlc tvnkhvnz wuez yaq.

Mikha 2:1

Vrot vkaq jungc jix nuiyc layx vbac kvmungx jix tvkoc kvruex kuex mtanc kvhiz juing wuez! Tsuingshiq kuex vkhangx dung wvnc yaq rulc vdvmz, raungnvp raungwuix wvnc ruiux yuq tsuingshiq rueq kvmungx yaq layx vbac phvnx kuex shuimx wuez yaq.

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.

Mark 15:1

Raungnvp jauz maq shomc walaungx bix, walaungx bix, Tvrac tvluingc waz hez nuiyc Suingdaungx Muingdaungx jix lotlaz kuex htat htat rvjungc phvnc tueq. Tsuingshiq rueq Yesu kuex khvrc ruiux, het shvlx wvnc vtueq, Pilat yauk nuex tvshuk lekuq tueq.

Luke 13:1

Kvruex baunglaung miq wvyvmc kuex Yesu kox nuex kaz vtueq, Pilat rueq Galile miqsaz thvt gay tueq lvmx tvtay jungx kuq tueq. Tsuingshiq rueq Tishox muex shomc kuy muex shomc nawk juing thvt yaq baunglaung thvt gay tueq lvmz jungx tueq.

Luke 22:66

Raungwuix wvnc tueq nuex mungx miqsaz walaungx bix, shomc walaungx bix, Tvrac tvluingc waz hez htenc kuex bomc rvjungc rvtuimx tueq, kvruex yimaq Yesu kuex tsuingshiq Suingdaungx Muingdaungx rungx nuex shvlx wvnc tueq.

John 18:28

Raungnvp samaq Yesu kuex Kaiapha yuimx wawc bomc tvsuip phoc juing Pilat hoc nuex shvlx wvnc tueq. Yuda miqsaz vyungx vlaungx bix kuex Tvlvy Wvnc Moalx phuiuz svy lvp tvkoc kvsawc nawc juing ningkhvnc nuex bomc tvsuip juing hoc kvyuq nyuip wuez muq doc rvtueq.

Acts 5:21

Kamx waz hez rueq raungkamx waz kvjaz kuex phvnx ruiux, raungnvp raungwuic kox nuex Shomc Yuimx nuex nyuip vtueq tvluing kuq tueq. Shomc Wayungx waz nuiyc vkungjix htenc kuex Yuda miqsaz vyungx vlaungx bix lotlaz kuex Suingdaungx Muingdaungx rungx nuex rvtuimx bomc rvjungc tvkoc tvtuimx gvl tueq; kamx waz hez kuex tvshvlc kay tvkoc nvr vtueq rungx bvmc jix pvlik hez kuex khoktep nuex tvkaz tueq.

PHOWEBI 16:2

Kvruex yuq Samson httax yaq kuex Gaza ghaq wuinz rueq tuiuz vtueq, tsuinghez rueq kvruex baung kuex tvkomc tuimx ruiux, ghaqyungx palx kaluix maq wvrx taungx bvmc tueq. Tsuinghez kuex wvrx taungx kuiyqshuik maq raz tueq, “Piq kuex raungx tvwuic laz bvmc tueq, kvruex yimaq jix piq kuex thvt gay ix,” ngoz tueq tsuinghez rueq tvmaung wuez tueq.

1 SAMUEL 19:11

Kvruex raungwvrx dvyx Sholu rueq miq wvyvmc muex Dawid yuimx kuex tvbvmc tvlawc shec ruiux, raungnvp kvyix piq thvy gay tvkoc miq tvkaz tueq. Dawid piq taungnyuiuz Michal rueq, “Mnoz majuiuc raungwvrx dvyx yuz wvnc muq ngoz ruiux kuex invp vthueyc rvtuiux,” ngoz tueq jungx kuq tueq.