JOSHUA 9:6 - ASII LAKDAP Bible (BSI) Raütiishe tsangshiq ka Israilnok sichang piitiip Gilgal chela kiina wato. Raüta tsangshiq raq Joshua nai Israilnok ma, “Naishiq ka naimung luhea maq akihai. Naishiq ümpha na saüwa kai arka, ümpuk na nyap wa, tongshong wa nguta wakai,” nguta chongto. Hawa Naga Bible 2001 Kvruex yimaq tsuinghez kuex Gilgal nuex jerak tec vtueq httax yaq Yoshua nuiyc Israel miqsaz htenc kox nuex kaz vtueq, “Nuiyshiq kuex nuimhez rulc nomic rvyaungc luik wuiyq tvy tvkoc lvmx luz maq httuiuc kaz rix,” ngoz tueq jungx tueq. |
“Kiimaq ümtiikiiwa pongmungti luhea na siti wanwe ashi ra raq ümmang jong tsaki kra tairaüta, kiimaq ümniiraq ümsenginok miitu jaqsham jonghea shamkuq wan laü kra tsütsa tai raüta, apaiq ka arjaq ümnaq shomnoq wa watlaq, raüta ara Shomjam maq achu jaüwa raüla,
Kiijiishe shammiwe Isaia ka Hokhamwe Hejekia phana kito. Raüta waito, “Ara maiqkong arka ümriibati wa? Kiimaq tsangshiq raq ümniima jamlai wa chongta?” Kiijiishe Hejekia raq treto, “Tsangshiq ka maiq mung luhea wa aki, Bebilon mungti.”
Kiijiishe Gibeon chelati raq, Joshua ma tsangshiq piitiip Gilgal chela kiijaq “Naitijongwe lei, naishiq ka naq tiishaü baiqkiq! Tlothit ana wara, laüta naishiq khrum wakiq! Naishiq tiiwongkuq laq! Kin thun na siti Amoraiqnok hokhambi raq tsangshiq phentu ka adam pong raüta naishiq khat wanto!”
Israilnok raq Jordan rai ka apha wan jipi lü wa jiha raroqshi ranaiq na jin wanto. Raüta Gilgal chela tho na shedong nü tiithi na tsangshiq piitiip tei wanto.
Israilnok ka Jeriko chela tho na Gilgal tan na lamjap piitiip sitlaq bala, kra jipi lü wa raroqshiri rablai raji na, Tiichhiiwan Poi kloto.
Kiimaq tsangshiq maiqmii dü niika, wunthaü riinaü samtong achü ariim thun kra samraqraq, kiimaq tsangshiq hokpa ngamkhü khorom thun kiimin achü ariim, achhang araq kra pa raüta wato. Kiimaq tsangshiq raq winsii thop ahowan kiimin ashin kaiwi she, atsaü she howanto.
Kiijiishe, tsangshiq raq akhiishe phankuqto: “Shiilangwe lei, naishiq ka mung luhea maq akihai. Jamkhano ngukla, naishiq raq, Tatiwe üm Shiikeawe tsütsa ka taikai. Apaiq raq Ejip mung na jamlai wa shamtaq kra wiita taikai.