JOSHUA 9:9 - ASII LAKDAP Bible (BSI)

⁹ Kiijiishe, tsangshiq raq akhiishe phankuqto: “Shiilangwe lei, naishiq ka mung luhea maq akihai. Jamkhano ngukla, naishiq raq, Tatiwe üm Shiikeawe tsütsa ka taikai. Apaiq raq Ejip mung na jamlai wa shamtaq kra wiita taikai.

Hawa Naga Bible 2001

⁹ Kvkaq tsuinghez rueq vkhoc phvnx jvnx kuq tueq: “Nuiyhez rueq Yehowa m-Tishox ngauz vngax thaungc kuex tay vtueq lvmx luz mungx maq kaz rix. Ejip mungx nuex vpiq rueq shuimx wvnc tueq htenc muinz,

JOSHUA 9:9 Referencias Cruzadas

1 HOKHVMX 8:41

“Kiimaq ümtiikiiwa pongmungti luhea na siti wanwe ashi ra raq ümmang jong tsaki kra tairaüta, kiimaq ümniiraq ümsenginok miitu jaqsham jonghea shamkuq wan laü kra tsütsa tai raüta, apaiq ka arjaq ümnaq shomnoq wa watlaq, raüta ara Shomjam maq achu jaüwa raüla,

NEHEMIA 9:5

Kra akhing na, mungmaiqse ma noqku lamsheati Lewinok ka arthun ara riito: Jeshua, Kadmiel, Bani, Hashabneiah, Sherebia, Hodia, Shebania, kiimaq Pethahia thun riito. Tsangshiq raq akha nguto: “Chap ronglaq, lanta namshiq Tati Shiikeawe ka shomnoq rong laq. Apaiq kli pattup pat-sa, tiitsam kam ronglaq! Apaiq mangchong khushü jonglu ka, hongtoshe nguta ahü; li jiimin, maiqse angu wiita raq, tiitsam kam ronglaq.”

Tvtsvmc 148:13

Tsangshiq kunli raq Tati mang tiitsam ronglaq! Apaiq mang ka tarü thaq na ajong; apaiq khushü ka hiq nai ramungtan thaq na.

Tvtsvmc 72:19

Apaiq mang chhainyii jonglu kra pattup pat-sa tiitsam ronglaq! Apaiq khushü liliim raq mangjong hiq raikhü ka wiita mililiimlaq. Amen! Amen!

Tvtsvmc 78:12

Tsangtitiim makki na Shiikeawe raq amao chang jaq shamkuqto Ejip mung maq Joan tan maq shamto.

Tvtsvmc 83:18

Tsangshiq raq ümniikli dea Tatiwe nguta misaplaq, mangjong tlotli pengti ajong pinthum nguta misaplaq.

DUNGWVNC 15:14

Maiq mung thun raq taito, raüta haisitsi ma tiikhaito; Philistainnok ka phiip riishe tsai wanto.

DUNGWVNC 9:16

Shatmaq ümniima iningkun tiichhike miitu, Ngi raq ümniika atra tiisitiikang. Arka imang chong tsaki kra mangjong tlotli na tiinyam wa miitu atra tiisitiikang.

ISAIA 55:5

Ümchaü ümniiraq pong mung thun kra tiihealaq; man na tsangshiq raq ümniika sapmak riito, shatmaq ümchaü tsangshiq ka ümnii rai pongwa dam ajutrang liishe miwa! Ngi, Tatiwe, üm Shiikeawe, asii Israilnok Shiikeawe raq arthun ara mitiihong kuqha. Ngi raq ümniima shreng manto kiimaq khushü mitiijongkuqha.”

ISAIA 66:19

Krai mren, tsangshiq raq Ngi riidea tsangshiq ma imo tiiho tiikang nguta misap. “Shatmaq Ngi raq tsangshiq phong wa maiq wiijam ka atiihang mirha. Lata tsangshiq ka maiq mung thun na kiimaq maiq mung thun luhea na siti thun kiina, jurwa imang chong tsaki taimak dea riimakla ngi jonglu kiimaq iningkun heng michhishaqtibi mung thun na mitiiwaha: Kriithun ka Spen mung, Libia mung, kiimaq Lidia mung, tsangmungti liq sreabi rai mitiiwaha. Kiimaq Tubal mung na kiimaq Gris mung na mitiiwaha. Armung thun na tsangshiq raq imang chong jonglu tsütsa kra chiiriim raüta michongkuq.

WEAWEA 14:15

Riita ikhiijiiha ümchaü ümniiraq, ümsenginok kra kunli jiipbaiq haü jiika, maiqmung thun ümmang chong jong tsaki ratsa ikha tai wanti thun riika akha mingu,

WEAWEA 20:14

Mosheq raq Kadesh wang maq Edom mung hokhamwe phana tsasoqti tiiwato kiimaq tsangshiq raq akha chongto, “Ara tsütsa arka ümphu ümno Israilnok maiq phan thun raq atiichong wan. Ümniiraq naishiq chamchao wankai thun kra asap haü.

Acts 8:7

Kiimaq abi winji kong kriika, maiq pahea khum wa, aho asii wa trang la, dongho raüta pintrangto. Kiimaq maiq pahea han amaa arki atsitibi nai makchuk jaqmiiti thun kiimin pahea tiihea kuqto.

TRI CHONGKE 20:11

Krai mren, tsangshiq raq chela kilü thun kra lin raüta tsangshiq ka nam puk na nyap raüla, tsangshiq tarü kunli ka namshiq dikong miishe mijaki. Raüta namshiq miitu ningkun maq jaq tiisham chang miraq.

TRI CHONGKE 20:15

Namshiq sitlan mung kriimaq luhea na sitinok chela thun ka namshiq raq akha siisaq klo wan ronglaq.

JOSHUA 9:10

Kiimaq apaiq raq Jordan rai maq shedong mung na siti, Amoraiqnok hokham wenai, Heshbon chela Hokhamwe Sihon, kiimaq Ashtaroth chela na siti, Bashan mung Hokhamwe Og, kra jamkho riitaq kra tsütsa ka taikai.

JOSHUA 9:16

Tongshong lot jai ranaiqtsam jai miishe, Israilnok raq arnok arka kra binjü na aje na sitinok nguta sapto.

JOSHUA 9:17

Krai mren, Israilnok ka tsangshiqnok ritkai kihoto. Raüta ranaiqtsam jaimaq tsangshiqnok sichang chela thun kiina saühoto. Kra chela thun ka arthun ara: Gibeon chela, Chephira chela, Beeroth chela, kiimaq Kiriath Jearim chela.

JOSHUA 9:24

Tsangshiq raq treto, “Shiilangwe lei, naishiq raq akha jamto klokai ngukla, naishiq raq tengteng bom ka akha taikai, Tatiwe namshiq Shiikeawe raq ajaqshi se Mosheq ma, apaiq raq armung ara kunli namshiq ma kebaiq wan miitu aming ake kun she. Krai mren, namshiq raq armung ka long wan wan lanta, maiq thun ka ajiipbaiq wan nguli mirhan nguta asaphai. Naishiq raq ara klokai ka, namshiq ma haisitsi ma phiip laita klokai. Naishiq raq naishiq miisaq tiichhii wan miitu klokai.