JOSHUA 6:24 - ASII LAKDAP Bible (BSI) Kra lot raütiishe, tsangshiq raq chela ka wa maq tiibunlak, hiq maq hutse chaqbaiqto. Shatmaq hup asam thun chaq maq atiiq, kampho maq atiiq, miiki maq atiiq, kiimaq jin maq atiiq thun ka, tsangshiq raq ümchuwa riichom taq kriika, lamho raüta Tatiwe tsamtiip khok na thühoto. Hawa Naga Bible 2001 Kvruex yimaq tsuinghez rueq ghaqyungx nuiyc kvruex yuq httax yaq phvnx htenc lotlaz kuex wvr maq jauk tvbac gay tueq, kuimshawx, kuimphox, yanx shawx, yanx htenc maq vtvhungx hup svmx htenc kuex lvmz laq vtueq Yehowa tsak tumz nuex htawc wuez tueq. |
Tsangshiq ka jeasitsi raq maiqmii jam na jang wan lot mak she riito. Kra tsütsa ka Dawit raq taito. Krai mren, apaiq raq maiq tiiki raüta tsangshiq ka tsang nübin ka micham wan shaq wiiwii, jam na jang wa mak miili, Jeriko chela kiijiili misi laq nguta bom tiichongkito.
Raüta apaiq raq Shomjam kra, hokhamwe jam kra, kiimaq Jerusalem na siti welabi ajongbi thun jam kra wiita wa maq chaq baiqto.
Hokhamwe Dawit raq kra hupsam thun ka Shiikeawe shomnoq miitu alu na, apaiq raq Edom mung, Mob mung, Ammon mung, Philistain mung, kiimaq Amalek mung thun khat raüta alap wan kampho kiimaq chaq thun kriirai adam na kiinong kuqbaiqto.
Kiimaq tsang mung wa chela thun nai tsangshiqnok piitiip thun ka wiita wa maq chaq baiqto.
Kra chelati mungmaiqse hupsam thun ka wiita adam na lamwa rongkiq. Lanta kra chela mong na mung thung chang tapshok hiq thung ba kiijaq phongbaiq ronglaq. Lantiishe kra chela ka chela mong na sitlaq hupsam ümchuwa kra Tatiwe namshiq Shiikeawe ma honglu na wa maq chaq baiq ronglaq. Kra chela ka pattup pat-sa miitu bunlak hiqmiq changkhü ma tiija baiq ratlo. Kiimaq ümtiikiimin tiihea tei wan nong mai mak she.
Kra miqchup shiithen baiq chang nguta atiishut baiq hupsam kiiwa jamlai min namshiq maiqmii miitu naq thü rongkiq. Kra riihan jiitiq Tatiwe tsankhiq walüwa ikha nyaitlaq kra atsaq she miraq. Raüta namshiq ma tiihang mangchan mitiichhikuq. Kiimaq apaiq raq namshiq ma tiihang mangchan mitiichhikuq wan. Kiimaq namshiq ka namtitiim ma kiqkham kuqtaq kra phan phan awealot maiq ka pahea mitiipuchi kuq wan.
“Shatmaq ümtiikiiwa namshiq raq chela thun ka Tatiwe nam Shiikeawe raq kuqtlaq kra mung wa khat lanta jiiwan tlan, maiq thun ka wiita miqchup jiipbaiq ronglaq.
Israilnok raq kiiwa maiqse angu ka thumthum tiimiqchup, weshi min atra tiichong mak jiipbaiqto. Raüta chela ka wa maq chaqbaiqto.
Phanrap hup nai sam kampho maq atiiq, chaq maq atiiq, nairai maq atiiq, kiimaq jin maq atiiq, thun wiita ka Tatiwe rii pong na asii ngamrea arai thüwi she. Arka Tatiwe tsamtiip khok na thü chang,” nguta aming kuqto.
Shatmaq, Joshua raq mephe nyung Rahab nai ajamtitiim thun ka tsat mak, tiiwong kuqto. Jamkhano ngukla apaiq raq Jeriko chela na atiiwa siwenai ka, kra nyung raq apaü raüta tiiwongkuqto. (Arnyung ma asaü ase phan ka ümchaü niitaq Israil mung na sitlo.)
Joshua raq Ai chela ka wa maq bunlak chaqbaiqto. Raüta hiqmiq changkhü ma tiija baiqto. Krai mren, ümchaü niitaq Ai chela ka kiikhiili sitlo.
Ümchaü ümniiraq chhi tlaü arong roqshi kriiraq nai ngamthaiq kaü kriiraq, mephe nyung kriishe mishu lii wan. Raüta, tsangshiq raq jechak nyung jaq na ümtinkhan wa tsiiq nai nyam rüm tlaq kriika, tiisii rai she run raüta minyeaho. Raüta, apaiq ka naiqhü she mitiinga baiq. Tsangshiq raq apaiq ngam kriishe miphaq. Raüta, apaiq ka wa maq miishe mitiikhiim chaq baiq.
Arkha na apaiq phaqti thawa misaü, ranaiqshi niili chongthum mirngaü, thawa, maaho, ramdong misaü. Apaiq ka chongthum wa raq mikhiim baiq wan, Apaiq kha phoketi Tati Shiikea Ajong pinthum!”