JOSHUA 6:19 - ASII LAKDAP Bible (BSI)

¹⁹ Phanrap hup nai sam kampho maq atiiq, chaq maq atiiq, nairai maq atiiq, kiimaq jin maq atiiq, thun wiita ka Tatiwe rii pong na asii ngamrea arai thüwi she. Arka Tatiwe tsamtiip khok na thü chang,” nguta aming kuqto.

Hawa Naga Bible 2001

¹⁹ Kuimshawx, kuimphox, yanx shawx, yanx htenc maq tvhungx hup vsvmx htenc kuex Yehowa laung vhtvp htaz taq ningkhvnc nuex kvruex kuex Yehowa tsak tumz nuex htawc tvy rax,” ngoz tueq jungx tueq.

JOSHUA 6:19 Referencias Cruzadas

2 SAMUEL 8:11

Hokhamwe Dawit raq kriithun ka noqku na lang ma kiinong kuqto. Arka apaiq raq maiqmung thun long raüta chaq, kampho kiimaq miiki thun krai adam na kiinong kuqto.

1 HOKHVMX 14:26

Raüta apaiq raq Shomjam mong wa nai hokhamwe jam na chaq aseng ümchuwa sitlaq thun kra, kiimaq Solomon raq chaq maq alo liiq thun kra wiita hutho raüta kihoto.

1 HOKHVMX 7:51

Hokhamwe Solomon raq Shomjam miitu jaqsham ka kunkun she lotto. Raütiishe awe Dawit raq Tatiwe ma kiinong kuq wantaq hupsam thun: Kampho, chaq, kiimaq laihin hupsam thun ka apaiq raq Shomjam mong na hupsam thüchang khok thun kiijiishe tiisaiq samto.

2 HOKHVMX 24:13

Kiimaq Shomjam wa tsuq tum thun nai hokhamwe jam wa tsuq tum thun kra wiita Bebilon mung niishe howanto. Tatiwe raq tiithaitaq kra phan phan she dea, Hokhamwe Solomon raq Shomjam na lang miitu ümchuwa chaq maq atiiq tak apin thun kra wiita tiibun tiiqbaiqto.

1 KAÜWA WERAÜ 18:11

Hokhamwe Dawit raq kra hupsam thun ka Shiikeawe shomnoq miitu alu na, apaiq raq Edom mung, Mob mung, Ammon mung, Philistain mung, kiimaq Amalek mung thun khat raüta alap wan kampho kiimaq chaq thun kriirai adam na kiinong kuqbaiqto.

1 KAÜWA WERAÜ 26:20

Kiimaq tsangshiq kongti Lewi phan maiq ahinti thun ka Shomjam kamphokhok kheti kiimaq Shiikeawe ma kongphiq akuq wan hupsam thüchang khok thun kra kheti riito.

1 KAÜWA WERAÜ 26:26

Shelomith nai apaiq ma ata awii thun ka Shiikeawe ma Hokhamwe Dawit raq, kiimaq maiq ata thun khuthaq na awetiim raq, aweraü kong khuthaq na welabi raq, kiimaq phentubi raq honglu ümchuwa kiinong kuq wantlaq kongphiq thun kra liiti arang hoti riito.

1 KAÜWA WERAÜ 26:27

Tsangshiq raq rekhat tsiiq sepat lopi alap wan wiijam ka lam wan raüta Shomjam na lang miitu Shiikeawe ma kiinong kuqto.

1 KAÜWA WERAÜ 26:28

Shelomith nai ajamtitiim ka Shomjam na lang wan miitu phanrap huk asam kiinong kuq wantaq thun kra, Shammiwe Samuel raq, Hokhamwe Saul raq, Ner se Abnar raq, kiimaq Jeruia se Joab raq akiinong kuq wan huk asam thun kra liiti riito.

1 KAÜWA WERAÜ 28:12

Kiimaq apaiq raq Solomon ma Shomjam rinkea thun ka, kiimaq kra tro binjü na khok thun haichang kra, kiimaq shomjam na langchang hupsam thüchang khok thun kra, kiimaq Tatiwe ma akuq wan kongphiq thun kra thüchang khok thun kra, jamkhii hai chang wa kra sumla thun ka apaiq raq akhutsai na sürii wantaq thun kra wiita kuqto.

2 KAÜWA WERAÜ 15:18

Awe Abija raq phanrap huk asam thun Shiikeawe ma kiinong kuqtaq thun kra Shomjam na thüto. Kiimaq apaiq raq chaq nai kampho ngam thun kiinong kuq wan taq thun kriimin lot li thüto.

2 KAÜWA WERAÜ 31:12

Raüta kongphiq thun nai aroq khu wa honglu thun ka kra khok thun na aheawiq saiq samto. Kra liiko wanti tsangshiq raq Lewi phan maiq weshi amang Konania nguta kriiwe ma arang kuqto. Kiimaq ano Shimei ka apaiq jaq thüti miitu thüto.

NEHEMIA 10:38

Riita, Lewinok raq mungmaiqse jaq wa, aroqkhu wa hiwan tlaq kra akhing na, Aron weraü phan wa ramwebi kriimin, Lewinok rai kongshi maq waraüta, honglu ka hiwan lili riichang. Raüta, aroqkhu wa ümchuwa honglu riichom wantaq kra Shomjam na lang miitu, Lewinok kra honglu thun ka shomjam tsamtiip khok thun kiina hoholili riichang.

JEREMIA 38:11

Krai mren, Ebedmelekh ka maiqwetiim rai hokhamwe hupsam thüchang khok na wato. Raüta khu akhea wiijam ariim she thun kra lam hoto. Raüta kra khea chü thun kra raü maq ngi phana tiisat kuqto.

LEWI 19:24

Rawiiblai she angu na tsitlaq kriika petsi wiita ka Ngi Tatiwe arma kechutum honglu na kiinongke chang.

Mikha 4:13

Tatiwe raq ngutlo, “Jerusalem lei, tiido laq, laüta ümrewe ka nibaiq laq! Ngi raq ümniika minpongwe arong jinrong, kiimaq ahoksan ka miiki ngam, ikha honghea ningkun mikuq kang, ümniiraq maiqphan pahea mithaü baiq wan haü. Kiimaq tsangshiq tsiiq anyam, sepat lope atsuq wan ka, Ngi ma michom kuq wan haü, Ngi ka ra ahiq rümti Tatiwe.”

WEAWEA 31:11

Tsangshiq raq sepat lopi ümchuwa laptaq thun kra wiita hophaq wanto. Arka shumwi kong laptaq kra nai nyamse thun lap wantaq krai nong nong tsuq wanto.

WEAWEA 31:12

Raüta Mosheq nai Eleajar kiimaq Israilnok mungmaiqse khaki na tsuq wanto. Tsangshiq ka Mob mung hiqthung tan na Jeriko chela maq khariire na Jordan rai reko na tsangshiq piitiip na riito.

WEAWEA 31:22

Wa raq khiim mak phan hupsam thun ka wiita, chaq, kampho, miiki, jin, tin, riimakla chun, thun ka wa na chaq raüta tiisii chen baiq chang. Kriiwa chantlaq hupsam ahin thun ka wiita kham maq heraüta tiisii chang.

Matthew 27:6

Ramwe jongbi raq kampho thop ka tsunto. Raüta bom ka akha riichongto, “Arka mattsiiq. Shomjam kampho tek na thü miika ashe. Arka nashiq Thungtri na angmak.”

Mark 12:41

Jesuq ka Jerusalem Shomjam na honglu kewa chang tek tho na nga raü riito. Apaiq ka maiq raq kampho honglu kuqtlaq kra liito. Chiithe maiqse pahea raq, kampho pahea honglu thütlaq kra shri ra liito.

JOSHUA 7:11

Israilnok raq ngarai tangto! Ngi raq tsangshiq ma tongshong jaqkhaq raü atiipa kuqha kra samhea thü ronglaq nguta aming akuqha kra panbaiqto. Tsangshiq raq atiithen baiqchang hupsam wiijam ka lamhoto. Tsangshiq raq hukhoto. Raüta kra miitu arot riito. Raüta tsangshiq hupsam rai she thühoto.