JOSHUA 6:18 - ASII LAKDAP Bible (BSI)

¹⁸ Shatmaq ashthenbaiq chang hupsam kra namshiq raq jaqkaiq maq shamkai raamak. Kra riihanla, namshiq raq Israilnok piitiip na chamchao kiimaq athen ajen mitiisaü han.

Hawa Naga Bible 2001

¹⁸ Yuq muinz tvbac gay juing phvnx htenc kvwawc nuimshiq rueq yvmx muinz lvmc mvy muq; mkhoc shoc maq nuimshiq rueq kvkhoc ruez ruiux yuq, Israel miqsaz jerak nuex vkuilc vdaz nuiyc tvbac gay rvhumc tuinx.

JOSHUA 6:18 Referencias Cruzadas

2 SAMUEL 21:1

Dawit raq mung pengtlaq pat na rawiitsam tinkhit ram henghea dongto. Kriikha na Dawit raq Tatiwe rai riiwaito. Kiimaq Tatiwe raq treto, “Saul nai ajamtitiim raq maiq tsatbaiq raüta mat kha tangto. Apaiq raq Gibeon chelati tsatbaiqto.”

THARC TVLUINGC 9:18

Rekhat chang chuntsi nyiimwin nam ma, taksu tsii chongkuq tlaq kra tai haü jiika, mungmaiqse ma hansang miraq. Shatmaq ngarai maiqse ashi riili Ahea awa pahea shiithen baiqtlo.

Jona 1:12

Kiijiishe Jona raq, “Namshiq raq ngi arka sammoktra jü mong na dobaiq rong laq. Raüla rathaiq arka asang she mirki. Ümchaü namshiq raq ara phiiptsi jiiptsi rathaiq mong na chamchao tlan arka ngi shut kha miidea,” nguta Jona raq treto.

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

2 Corinthians 6:17

Kiimaq ara chongtlaq arai mren, TATIWE raq akha asengi ma chongtlo, “Namshiq raq thatsang maiqse ka baiqthü raa dongdii; Lanta, namshiq ka pong na trai lanta sirong laq; Ashe ashi rai kongshi ka naqsi rongkiq. Namshiq ka trai lanta asii maq sihan jiila, ngi raq namshiq ka I wokhong na mitiisiha.

Ephesians 5:11

Nanok raq amiinu ahü, ranyaq jaqsham thun jamlai wa sham tlaq, kriika alii min naqlii ki dam rongkiq. Kra rii na, ranyaq jaqsham thun kriika, rawü li na khot lanta, tiichhikuq ronglaq.

TRI CHONGKE 13:17

Kra miqchup shiithen baiq chang nguta atiishut baiq hupsam kiiwa jamlai min namshiq maiqmii miitu naq thü rongkiq. Kra riihan jiitiq Tatiwe tsankhiq walüwa ikha nyaitlaq kra atsaq she miraq. Raüta namshiq ma tiihang mangchan mitiichhikuq. Kiimaq apaiq raq namshiq ma tiihang mangchan mitiichhikuq wan. Kiimaq namshiq ka namtitiim ma kiqkham kuqtaq kra phan phan awealot maiq ka pahea mitiipuchi kuq wan.

TRI CHONGKE 23:10

Maiq weshi ka rawa na akon lam maq ama maq akhum ka atiipiim rea raüta, ashe ma jaki raüla, apaiq ka piitiip phai na kaiho chang, raüta kiijaq sikai chang.

TRI CHONGKE 7:26

Ara sumla phra thun arwa namshiq jam na ashi ra min lam wan maimak. Kra riihanla tsangshiq raq howantaq manson ka namshiq miishe miniki. Namshiq riika saisi wan raa dongdii kiimaq kra sumla phra thun ka tho maq thowan raa dongdii. Jamkhano ngukla arthun arka Tatiwe manson maq atiiham wanwi she.

James 1:27

Shiikeawe, nashiq ma Awejong maklii na, apaiq shomnoqti awongsii Phungmaiqse ashi nguta sitlaqti riika, arthun jaqsham ara misham: Apaiq riika jechi nomi setiim kra mikhrum kuq. Kiimaq thüm waq manti nyungre kra, tsangshiq chamchao litkot ranaiq na milii kuq. Kiimaq maiqmii rilung kiimin, mangjong hiq wa ngarai rilung lamphan kiiwa, pong na trai rii shatmaq, asii maq misi. Akha singa wanti arka Shiikeawe raq kechu maiqse dea nguta miwea.

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

JOSHUA 7:13

Tiido laq! mungmaiqse ka tiisiilaq, laüta tsangshiq ka anap ngi phana riihumwa miitu tiije laq. Jamkhano ngukla ngi Israilnok Tatiwe Shiikeawe raq akha chong chang asi: ‘Israilnok lei, ngi raq namshiq ma ashthenbaiq chang hupsam nguta chongkang kra namshiq jaq na wiijam asi! Namshiq raq kra hupsam thun ka lambaiq man wiiwii, namshiq raq namjaqti ka khatlot man mirhan!’

JOSHUA 7:15

Raüta juwe wa tsun tiikang, kiimaq apaiq jaq na ashthen baiq chang hupsam kra humjiiq, kriiwe ka apaiq rai ajamtitiim kiimaq ahup asam ümchuwa ajaq na sitlaq krai adam na, wa maq chaqbaiqchang. Jamkhano ngukla apaiq raq Israilnok khuthaq na phiiptsi chang jea tiingaüto kiimaq ngi raq akuqha tongshong tri jinto.”

JOSHUA 7:25

Kiimaq Joshua raq akha nguto, “Ümniiraq naishiq khuthaq na atin khan chamchao jam nguto tiisaü laü? Ümchaü san, Tatiwe raq ümnii miimin chamchao she mitii saü!” Raütiishe, mungmaiqse kunli raq Achan ka longmaq tiitsailaq tiiqbaiqto. Kiimaq tsangshiq raq ajamtitiim thun kiimin longmaq tiiqbaiqto. Raüta tsangshiq hupsam thun krai adam na wa maq chaqbaiqto.

1 John 5:21

I setiim lei, arot phra thun wa namshiq ka tiiwongshat maq si rong laq!

1 SAMUEL 15:9

Shatmaq Saul nai asengi raq Agag ka tsatbaiq mak dea maq atrali thüto. Kiimahali ahea pinthum skukong kiimaq minsaü kong kiimaq minsaü setiim ahea pinthum thun kiimaq ahea pinthum skusetiim thun kiimaq jamlai phan wa ahea awa angu thun kriika tsatbaiq mak dea riito; tsangshiq riika ümchuwa athii arii ahü phan thun kriika wiita tiithen baiqto.