JOSHUA 6:17 - ASII LAKDAP Bible (BSI)

¹⁷ Chela nai chela mong na ümchuwa sitlaq kra thumthum shiithen baiq ratlo. Arka Tatiwe ma honglu na ake kun she. Mephe nyung Rahab nai ajamtitiim kriili tiichong chang. Jamkhano ngukla apaiq raq nashiq siwenai kra paükuqto.

Hawa Naga Bible 2001

¹⁷ Yehowa muex shomc kuy tvraung ghaqyungx nuiyc ghaqyungx mungx nuex httax yaq phvnx htenc lotlaz kuex tvsawc ric tvbac gay shuinz. Mephex nyuiuz Rahab nuiyc piq yuimx nuex httax yaq htenc dvyx dung wvnc tuex; yvmx khoc lac ngoz ruiux lec Rahab rueq sisunx jix naungshiq miq kuex httuiyq kuq phuex.

JOSHUA 6:17 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

EJRA 10:8

Arka mungmaiqse pengti mungtu shiilangbi, ajong alabi raq aming kuqto. Kiimaq juwa ranaiqtsam liipan na saüho mak riijiiq, kriiti tachong thun ka mungmaiqse raq milamho, kiimaq kriiti ka Jehudinok hiqshong wa ajo she mirbaiq nguta tsütsa ka tiitai chongkuqto.

ISAIA 34:6

Anep jasai ka tsangshiq tiijai raq nai tsangpü raq mijop wan. Skusekong tiijai nai apü da kiimaq chhechhi kong honglu na ataakuq tiijai nai ngampü raq joptlaq ikha mijop. Tatiwe raq ara honglu thun arka Bojra chela na mitaakuq wan. Ara maiqjiip baiq wan jonghea arka Edom mung maq mitaa kuq wan.

JEREMIA 46:10

Arka Tati Rakaü Hiqwe Ningkun Ajongwe ranaiq; ümchaü ranaiq apaiq raq phuk milam; ümchaü ranaiq apaiq raq ajaqtinok ma mo mitiiho. Apaiq nepja raq tsangshiq ka awok mipheshaq wiiwii mibak phaq, raüta tsan miheashaq wiiwii tsang tiijai ka minyang. Ümchaü ranaiq Ningkun Ajongwe raq ajaqti thun honglu na takuqtlo, shekhu nü na Euphretis rai maq.

EJEKIEL 39:17

Tati Rakaü Hiqwe raq ngi ma nguto, “Maiqse lei, tlotli wushi kong nai rum ngam kong thun ka barap binrii wa, Ngi raq tsangshiq miitu honglu take ma tiije tiikang kra ngam phaq wa miitu healaq. Kra phaqsea poi ka jonghea pinthum Israil mung na pum thun na miklo wan. Kiijaq tsangshiq raq ngam miphaq wan. Kiimaq tiijai minyang wan.

LEWI 27:21

Kra jai wa saü wan tlaq Ajangke Rawii akhing miishe ka, kra hiq phu ka pattup miitu Tatiwe tachong hupsam she miraq. Kra hiq phu ka ramwebi rii she miraq.

Mikha 4:13

Tatiwe raq ngutlo, “Jerusalem lei, tiido laq, laüta ümrewe ka nibaiq laq! Ngi raq ümniika minpongwe arong jinrong, kiimaq ahoksan ka miiki ngam, ikha honghea ningkun mikuq kang, ümniiraq maiqphan pahea mithaü baiq wan haü. Kiimaq tsangshiq tsiiq anyam, sepat lope atsuq wan ka, Ngi ma michom kuq wan haü, Ngi ka ra ahiq rümti Tatiwe.”

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

1 Corinthians 16:22

Jurwa Tatiwe lungwii mak, kriiti ma manson misi laq! Maranatha-Naishiq Tatiwe lei kira!

1 Corinthians 2:7

Riita ngi raq phanchan kuq tiikang taksma phaqchi arka, Shiikeawe raq apaü raüta athü phaqchi tu riito. Arka mangjong maiqse raq chhilot mak apaü raüta athü. Shatmaq apaiq raq ara phaqchi ara nashiq miimin riishake miitu, rapha hiq wa min mishaq niiphü thimi wanje she dongdii riito. Kriika nashiq raq Shiikeawe chhainyii rilung kra riisha lap wan dam miitu tiihong kuqto.

Galatians 3:10

Jurwa Thungtri lang raütli sichang nguta kamtlaq, kriiti ka manson tiini mong niili sitlo ngushat. Ara jamkhano chongtiikang ngukla, Asii bomtsi na, “Jurwa Thungtri lakdap na waiqtaq kra phan phan wranaiq she, Thungtri aming thun kra lang mak, kriiti ka Shiikeawe manson moho raüta sitlo ngushat!” nguta chongtlo.

Galatians 3:12

Shatmiitiq, Thungtri riika, kamtsantsii rai pong dam chang lam ahü. Asii bomtsi na, “Jurwa phanrap phanrii ka, Thungtri raq jaü tlaq kra phanphan, akhiismin tiishut mak maq sham tlaq, kriiti kli atra misi lot,” nguta chongtlo.

TRI CHONGKE 20:17

Maiq thun ka hutjok tiisiirai jiipbaiq ronglaq: Hitaiqnok kra, Amoraiqnok kra, Kanannok kra, Perijaiqnok kra, Hiwaiqnok kra, kiimaq Jebusaiqnok kra. Tatiwe raq namshiq ma aming kuqtaq kra phan phan klo ronglaq.

Hebrews 11:31

Kiimahali, kamtsantsii maq sii hali, mephe nyung Rahab raq, Israilnok siwe wenai wataq kra, ahea wiq maq, siphu sino ikha shiikum pan kuqto. Kriikha maq, Shiikeawe kiqkhiiti, anok abin ümchuwa jiimtaq, kra rai jiimrai chang wa, apaiq ka tiichhiito.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

James 2:25

Ara chongtiikai akhiisii hali, mephe nyung Rahab rilung manphan kiimin riito. Rahab raq Israilnok rewa siwe anai kra, apaiq jam na tao wan raüta, tiijapto. Kiimaq tsangnai ka ponglam miishe tiiju baiqto. Apaiq raq tsangnai tao wantaq kra, apaiq raq Shiikeawe ma kamtaq kra jaqsham maq tiichhikuqto. Kriikha maq, Shiikeawe raq apaiq ka kechu maiqse she dea nguta, apaiq khoqramkii miishe rai rii wanto.

JOSHUA 2:1

Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.

JOSHUA 2:22

Kra siwe nai ka ku akin binjü kiina wawan raüta tiipaü wato. Hokhamwe sengibi raq tsangnai ka hiqshong tlotli na ranaiqtsam ritto. Shatmaq tsangshiq raq tsangnai ka hummak riito. Kra ningkhan she tsangshiq ka Jeriko niishe jang wan nongto.

JOSHUA 7:1

Shamtaq Tatiwe raq Israilnok ma, Jeriko chela wa phanrap hupsam ka wiita ashthen baiq chang phanshi ra min jaqkaiq maq shamkai maimak nguta aming akuq ka langmak dea riito. Maiq weshi amang Achan ngutlaq kriiraq, kra aming ka lang mak jinto. Kra ningkhan Tatiwe ka Israilnok ma atsan khiqhea walü wa ikha riito. Achan ka Karmi se. Apaiq ma ati ka Jabdi. Kiimaq tsangta mang ka Jera ta. Kiimaq tsangshiq weraü ka Juda phan wa.

1 SAMUEL 15:3

Kilaq laüta Amalakaiqnok ka khatkikiq. Laüta tsangshiq hupsam thun ka wiita hiq maq hutse miqchup shiithen baiqkikiq. Jamlai phan min naq tiichongkiq. Maiqwere, jechakre, nosere, kiimaq noshiisetiim thun kiimin, thumthum jiipbaiqkikiq. Kiimaq jam nyamse minsaü chhechhi, skusekong, kumtsong kong thun, kiimaq kumtoq kong thun wiita laimiq jiipbaiq kikiq.”

1 SAMUEL 15:6

Apaiq raq Kenaiqnok miika tsasoqti maiq tiiki raüta, honkam bom akha tiichongkito. Kenaiqnok phan riika Israilnok ka Ejip mung maq manglaü wawan tlaq akhing na Israilnok ma lungwii tsantsii tiichhikuqto: Saul raq tsangshiq ma tsütsa ka akha tiichongkito: “Namshiq ka Amalakaiqnok hiqshong wa ahin na, namchiim jin juho ronglaq. Lanta tsangshiq ka baiqthü ronglaq. Jamkhano ngukla Amalakaiqnok rai jawi piqwi raq namshiqnok khuthaq na nyam wan damjiiq.” Krai mren, Kenaiqnok ka tsangchiim jin ahin na pin wanto.