JOSHUA 6:17 - Hawa Naga Bible 2001

¹⁷ Yehowa muex shomc kuy tvraung ghaqyungx nuiyc ghaqyungx mungx nuex httax yaq phvnx htenc lotlaz kuex tvsawc ric tvbac gay shuinz. Mephex nyuiuz Rahab nuiyc piq yuimx nuex httax yaq htenc dvyx dung wvnc tuex; yvmx khoc lac ngoz ruiux lec Rahab rueq sisunx jix naungshiq miq kuex httuiyq kuq phuex.

ASII LAKDAP Bible (BSI)

¹⁷ Chela nai chela mong na ümchuwa sitlaq kra thumthum shiithen baiq ratlo. Arka Tatiwe ma honglu na ake kun she. Mephe nyung Rahab nai ajamtitiim kriili tiichong chang. Jamkhano ngukla apaiq raq nashiq siwenai kra paükuqto.

JOSHUA 6:17 Referencias Cruzadas

RAPHA HIQWA LAK 12:3

Mnoz muex ruimruimc kuy jix waz muex ngaz rueq ruimruimx kuq shaungx, yuq muinz mnoz muex mvnhttonc jix waz muex ngaz rueq mvnhttonx kuq shaungx. Mnoz luz maq miqphvnx lotlaz muex ruimruimx kuq shaungx,” ngoz tueq jungx tueq.

EJRA 10:8

Nuiyq thuimx nuex httuiuc waung muq waz ukhaq yuq muinz piq tsak vnyvmx lotlaz tvjomx lvmc gay rvhumc vtueq vdvmz nuex httax yaq phungc kvwawc tvdungc gay rvhumc tuex.

ISAIA 34:6

Vpiq yaung kuex shomc nawk juing khelbuenx pung htenc nuiyc khelkhix htenc tvguiy nuiyc vpuiz htenc ikhoc tvguiy rueq phoay vtueq vpuiz htenc rv-nyanc yaq. Yehowa rueq Bozara ghaqyungx nuex vruex shomc nawk kuq shuex; vpiq rueq Edom mungx nuex miq thvy moalx yungx tvhungx shuex.

JEREMIA 46:10

Vruex kuex Tvphaungc Tvsuip Johvlc Yehowa raungnuiyq rvtueq: majuiuc raungnuiyq kuex vpiq rueq murx tvyez shuex; majuiuc raungnuiyq kuex piq nolaungx bix muex murx tvgurc shuex. Vpiq yaung kuex phoay laz phuiuz svy vkhing httuiuc wvnc tuex, tsuingshiq tvguiy kuex thuinhvlx laz nuingx shuex. Tvphaungc Tvsuip waz rueq majuiuc raungnuiyq ghaqkhux kox Euphrat ruilx hep nuex shomc nawk kuy juing htenc kuex shomc kuq tueq.

EJEKIEL 39:17

Johvlc Yehowa rueq ngaz muex jungx phuex, “Vthueyc rvyaq miq lex, tvroz tuimz lotlaz wawc wushawx htenc nuiyc ngvmx saz htenc tsuingshiq tvkoc ngaz rueq tvhungx kuq shaungx shomc nawk juing kvyuq kaz vtueq phuiuz svy tvkoc gvl shuiuz. Kvruex kuex Israel kanx htenc wawc yunghvlc phuiuz svy moalx rvtuex, tsuingshiq rueq ngvmx kuex phauk ruiux tvguiy kuex nuingx lvp wuez shuex.

LEWI 27:21

Httuiuc yek yaq Tvyez kuy Raungwawc nuex kvruex ghaqphux kuex Yehowa tvkoc pattup tsak jungx muex yaungx wvnc tuex; kvruex kuex shomc waz bix rueq guimz juing rvtueq.

Mikha 4:13

Yehowa rueq, “Yerusalem miqsaz lex, mralx hez muex murx tvgurc kaz kuiuz! Yanx rungx htenc nuiyc nvyrvyx huk httuinc httax yaq manx pung ikhoc ngaz rueq mnoz kuex tvhung laungx phaungx. Mnoz rueq miqphvnx paunghvlc kuex tvbunx jek gay shuiux, tsuingshiq rueq yauk laungc yalawx maq vlvp tsak vnyvmx kuex mungkawx lotlaz Taungjix rvtauk, ngvy kox nuex kuq kaz wuez ruex,” ngoz tueq jungx tueq.

Matthew 25:40

“Kvkaq Hokhvmx waz rueq, ‘Ngaz rueq nuimshiq muex vsuing jungx kuq ix, vruex inox tamx vwawc vruinx pinhtumc waz muex nuimshiq rueq shvlix lawx kuq shuinx kuex ngaz muex shvlix lawx kuy rvtueq!’ ngoz tueq tvralc tueq.

1 Corinthians 16:22

Miq vshiz shiz rueq Taungjix muex lungwawc muq ngoz ruiux kuex, piq nuex mvnhttonc mrvhumc kueq! Marana-tha nuex Taungjix mhttuiuc kaz kueq!

1 Corinthians 2:7

Ngaz rueq jungphvnx wvnc tauk taksux tharc kuex miqsaz rueq khiz muq tay muq juing vhttuiyq vpuiuc vruez shec thuiuz sungx hvlc Tishox taksux tharc lvmz rvtueq. Kvruex kuex mungkawx max tvdung jauz nuex phuex naungshiq ngauz vngax lvp wvnc tvkoc Tishox rueq vtaq kvmungx rvtueq.

Galatians 3:10

Tvrac phvnx vtueq kvmx jix htenc kuex mvnhttonc mvntvmc khung nuex httax yaq. Yvmx khoc lac ngoz ruiux lec Rumvrc luik nuex, “Tvrac nuex vwuiyq shec phvnx ruip saz kvruex rulc rv-ngvlc phvnx muq waz kuex Tishox rueq mvnhttonc kuy rvhumc tuex,” ngoz tueq wuiyq shec tueq.

Galatians 3:12

Yuq muinz Rumvrc luik nuex, “Tvrac nuex httax yaq phvnx lotlaz phvnc tvhungx jix kuex rullungx tvraungx tuex,” ngoz tueq jungc shec ningkhvnc nuex Tvrac kuex kvmluimx lvmx nuex yvmx muinz seng muq.

TRI CHONGKE 20:17

Yehowa rueq nuimshiq muex nvr kv-phuinx rulc rv-ngvlc Hitti, Amori, Kanaan, Perizi, Hiwi nuiyc Jebusi phvnx htenc kuex washiz muinz tvjungx muit maq thvy gay rax.

Hebrews 11:31

Kvmluimx vtueq Mephex nyuiuz Rahab rueq Israel miqsaz vsisunx jix kuex vhvlx waq malc wvnc ningkhvnc nuex, Tishox kvjaz tay phvnx muq jix miqsaz rulc vdvmz nuex thvy gay rvhumc muq.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

James 2:25

Mephex nyuiuz Rahab lvmx muinz kvrulc rv-ngvlc rvtueq. Piq rueq vsiz vsunx jix Israel miqsaz kuex malc wvnc vtueq, punglvmx maq tvwaung gay tueq ningkhvnc nuex, piq kuex Tishox rueq tvtsuing tvrux kuy lvmx lvp wvnc tueq.

JOSHUA 2:1

Kvruex yimaq Yoshua rueq Akasia jerak maq sisunx jix miq wanueyc kuex Kanaan mungx Yerikho ghaqyungx kuex tvhelc kay muex nvr tueq. Tsuingnueyc kvruex ghaq kvyuq httuiuc kaz tueq nuex vmuingc Rahab ngoz yaq mephex nyuiuz yuimx nuex wvrx shiz yuip tueq.

JOSHUA 2:22

Sisunx jix nueyc muinz kanx nuex duiz waung vtueq kvhttuiyq kaz tueq. Hokhvmx waz rueq vtvkaz hez rueq nuiyq thuimx tup thuiyx vtueq humc muq ningkhvnc nuex Yerikho ghaq nuex yek waung tueq.

JOSHUA 7:1

Yehowa rueq Israel miqsaz muex Yerikho ghaq wawc taungx vwawx phvnx ruip saz kuex lvmz muq maq tvbac gay tvkoc nvr tueq rvhvt maq phvnx muq. Vmuingc Akhan ngoz yaq waz rueq kvruex kvjaz kuex phvnx muq ningkhvnc nuex Yehowa kuex Israel miqsaz muex pinhtumc khaq tueq. (Akhan kuex Yuda phvnx wawc taungkhoz taunghtaq rvtueq Zera taungx nuex seng yaq Zabdi suiuz, Karmi saz rvtueq.)

1 SAMUEL 15:3

Amalek miqsaz kuex khvt kaz vtueq, tsuingshiq nuex httax yaq phvnx ruip saz kuex tvsawc ric tvbac gay shuinz. Yvmx muinz nauk tvjungx kaz; miqwaz yalxjuik, nosaz noshawx maq phaungc vtueq khelbuenx, manx, kamel, loze htenc lotlaz thvt gay shuinz,” ngoz tueq jungx tueq.

1 SAMUEL 15:6

Piq rueq Keni miqsaz muex bomc shuit bomc tvtay tueq kuex, Israel miqsaz htenc Ejip mungx maq kaz wvnc tueq nuex nuimshiq jix vwaz tamx rueq tsuingshiq muex menjenc kuq wvnc tueq ningkhvnc nuex, “Amalek miqsaz htenc rulc nongx nuex nuimshiq kuex thvt gay muq tvkoc tsuingshiq kox kvwawc dung kaz wvnc kuinz,” ngoz tueq. Kvkhoc rvtueq Keni miqsaz htenc muinz dung kaz wvnc wuez tueq.