JOSHUA 6:19 - Hawa Naga Bible 2001

¹⁹ Kuimshawx, kuimphox, yanx shawx, yanx htenc maq tvhungx hup vsvmx htenc kuex Yehowa laung vhtvp htaz taq ningkhvnc nuex kvruex kuex Yehowa tsak tumz nuex htawc tvy rax,” ngoz tueq jungx tueq.

ASII LAKDAP Bible (BSI)

¹⁹ Phanrap hup nai sam kampho maq atiiq, chaq maq atiiq, nairai maq atiiq, kiimaq jin maq atiiq, thun wiita ka Tatiwe rii pong na asii ngamrea arai thüwi she. Arka Tatiwe tsamtiip khok na thü chang,” nguta aming kuqto.

JOSHUA 6:19 Referencias Cruzadas

2 SAMUEL 8:11

Hokhvmx Dawid rueq nawk palx shuex nuex shuimc tvkoc kvruex htenc kvtauk romshauk,

1 HOKHVMX 14:26

Solomon rueq vtvhungx lak htenc tauk lomx wvnc laz Shomc Yuimx nuiyc hoc yuimx mungx wawc tsak vnyvmx httax yaq lotlaz kuex tvjomx lvmz wvnc tueq.

1 HOKHVMX 7:51

Hokhvmx Solomon rueq Shomc Yuimx yauk shuimc lotlaz kuex shuimx lot vtueq, vwaz Dawid rueq Yehowa tvkoc vlekuq kuimshawx, kuimphox nuiyc vganc hup vsvmx htenc lotlaz kuex shomc yuimx wawc hup svmx tvy juing khok nuex taq tueq.

2 HOKHVMX 24:13

Shomc Yuimx nuiyc hokhvmx hoc mungx wawc tsak vnyvmx httax yaq lotlaz kuex Babelon mungx nuex thuq lvmz wvnc tueq. Yehowa rueq nvr tueq rulc rv-ngvlc Shomc Yuimx nuex shuimc tvkoc Hokhvmx Solomon rueq kuimshawx maq vtvhungx shex hup vsvmx lotlaz kuex Nebukhadnezar rueq jek tvbac gay tueq.

1 KAÜWA WERAÜ 18:11

Hokhvmx Dawid rueq nawk palx juing nuex shuimc tvkoc kvruex htenc tauk nongx piq rueq khvt taungx tueq Edom, Moba, Ammon, Philistin nuiyc Amalek miqphvnx htenc kox wawc piq rueq vlvmz wvnc kuimshawx, kuimphox nuiyc nvyrvyx htenc kuex shomc kuq tueq.

1 KAÜWA WERAÜ 26:20

Tsuingshiq nuex seng yaq vganc Lewi phvnx vmaq kuex Shomc Yuimx tsak tumz nuiyc Tishox muex vlekuq yauk noalc hup vsvmx htenc vtaq khok htenc kuex shunshvlc yauk shuimc lvp tueq.

1 KAÜWA WERAÜ 26:26

Shelomit nuiyc piq yuimx wuinz kuex Hokhvmx Dawid maq raz tueq muinz, yuimx taungx htenc nuex vkhux yaungc jix hez nuiyc vtaungx phungc htenc nuex walaungx yaungc jix hez maq muinz, nolaungx vyungx vlaungx bix maq muinz, Tishox muex vlekuq yauk noalc lotlaz kuex lawc mawc jix hez rvtueq.

1 KAÜWA WERAÜ 26:27

Tsuingshiq rueq ralx khvt wawc vlvp hup vsvmx wvyvmc kuex lvmz vtueq Shomc Yuimx nuex shuimc lvmc tvkoc kvruex hez muex lekuq tueq.

1 KAÜWA WERAÜ 26:28

Shelomit nuiyc piq yuimx wuinz rueq shvmmax Samuel, Hokhvmx Sholu, Ner saz Abner nuiyc Zeruia saz Joab rueq vwvnc yauk noalc htenc vlomx, Shomc Yuimx mungx nuex shuimc lvmc tvkoc vkuq noalx phvnx ruip saz kuex lawc mawc httuiyq httvmx wuez yaq.

1 KAÜWA WERAÜ 28:12

Piq rueq wangx htenc nuiyc kvruex tvroz nuex httax yaq khok htenc, Shomc Yuimx hup vsvmx nuiyc Yehowa muex vlekuq yauk noalc htenc tvy juing khok htenc lvmz piq kvmungx nuex httax yaq vrawz romzyac htenc lotlaz kuex Solomon muex kuq tueq.

2 KAÜWA WERAÜ 15:18

Piq rueq Shomc Yuimx mungx nuex vwaz Abija Tishox tvkoc lekuq tueq hup vsvmx htenc lotlaz nuiyc piq pumz maq vlekuq kuimshawx nuiyc kuimphox sawx htenc tauk taq tueq.

2 KAÜWA WERAÜ 31:12

yauk noalc hup svmx htenc nuiyc mvnz rokshiz wawc mvnshiz htenc kuex httuiyq httvmx tvkoc kvyuq taq tueq. Tsuingshiq rueq vmuingc Konania ngoz yaq Lewi miq washiz muex tvshunz shvlx ruiux, vnox Shime kuex piq kvp htuiz jix muex taq tueq.

NEHEMIA 10:38

Vruex mvnz rokshiz wawc mvnshiz hic shuex baunglaung Arun suiuz vsaz shomc waz kuex Lewi miqsaz rulc vdvmz httaz rax, kvruex yimaq Lewi miqsaz miqmac rueq vhic taq vthuey vngoz htenc wawc mvnz rokshiz wawc mvnshiz kuex Shomc Yuimx nuex shuimc lvmc tvkoc shomc yuimx taungx wawx tvy juing khok nuex lvmc lvy rax.

JEREMIA 38:11

Kvkhoc rvtueq Ebedmelek kuex kvruex waz hez rulc vdvmz hoc wawc hup vsvmx tvy juing khok nuex kaz vtueq, khoz vkhvy vjez kuex lvmz vtueq ngaz muex yuix tumz mungx kvyuq ruiuz maq tvdvy kuq phuex.

LEWI 19:24

Wawc bvlic vngoz nuex thuey tuex pulx thuey htenc kuex vsawc ningkhvnc nuex Yehowa muex kejux vyungx ngoz tueq shomc kuq shuinz.

Mikha 4:13

Yehowa rueq, “Yerusalem miqsaz lex, mralx hez muex murx tvgurc kaz kuiuz! Yanx rungx htenc nuiyc nvyrvyx huk httuinc httax yaq manx pung ikhoc ngaz rueq mnoz kuex tvhung laungx phaungx. Mnoz rueq miqphvnx paunghvlc kuex tvbunx jek gay shuiux, tsuingshiq rueq yauk laungc yalawx maq vlvp tsak vnyvmx kuex mungkawx lotlaz Taungjix rvtauk, ngvy kox nuex kuq kaz wuez ruex,” ngoz tueq jungx tueq.

WEAWEA 31:11

Tsuingshiq rueq lvmz wvnc tueq hup vsvmx, miq nuiyc nyvmx saz htenc kuex,

WEAWEA 31:12

Yerikho ghaq ral Yodan ruilx kawx nuex httax yaq Moba yaruix tvnx nuex jerak tec vtueq httax yaq Moshe, Eleazar nuiyc Israel miqsaz kox nuex lvmz wvnc tueq.

WEAWEA 31:22

kuimshawx, kuimphox, nvyrvyx, yanx, yanluiz, junx kvhtenc kvruex wvrluic htauk maq tvlvy vtueq tvsawc nawc shuinz. Vganc phvnx yanx hup svmx htenc kuex tvsawc nawc juing yuix maq tvsawc rax.

Matthew 27:6

Shomc walaungx bix rueq kuimphox kuex tsenz vtueq, “Kuimphox vruex kuex miq tvguiy rez ningkhvnc nuex shomc yuimx yauk noalc kuimphox tek nuex htawc tvkoc naungshiq Tvrac nuex vkhangx kuq muq,” ngoz tueq.

Mark 12:41

Yesu kuex shomc yuimx yauk noalc htawc juing httoarc nuex ngaungc vtueq, nuk miqsaz rueq yauk noalc htungc nuex tsuingshiq yauk noalc kuimphox htenc htawc yaq kuex lawc tueq. Luiz waungx bix paunghvlc rueq kuimphox paung hvlc htawc wuez tueq.

JOSHUA 7:11

Israel miqsaz rueq mvrax yaq gay tueq! Tsuingshiq rueq phvnc tvkoc ngaz rueq nvr tauk ngaz rulc vkhvmc taq kvjaz kuex tsuinghez rueq tvbac gay tueq. Vtvbac gay juing hup vsvmx wvyvmc kuex tsuinghez rueq lvmz laq tueq. Tsuingshiq rueq hup vsvmx muinz guiuq, vrot muinz rot kaq, miqmac hup vsvmx htenc rulc vdvmz nuex taq wuez yaq.