JOSHUA 6:25 - ASII LAKDAP Bible (BSI)

²⁵ Shatmaq, Joshua raq mephe nyung Rahab nai ajamtitiim thun ka tsat mak, tiiwong kuqto. Jamkhano ngukla apaiq raq Jeriko chela na atiiwa siwenai ka, kra nyung raq apaü raüta tiiwongkuqto. (Arnyung ma asaü ase phan ka ümchaü niitaq Israil mung na sitlo.)

Hawa Naga Bible 2001

²⁵ Mephex nyuiuz Rahab kuex Yerikho ghaq httoarc vphaungx vtvhelc kaz miq wanueyc kuex httuiyq kuy ningkhvnc nuex Yoshua rueq piq nuiyc vyuimx wuinz htenc muex thuiuzthuic tvraungx kuq tueq. (Piq phvnx vmaq kuex majuiuc raungnuiyq nuex httuiuc laz Israel miqsaz rulc vdvmz httax yaq.)

JOSHUA 6:25 Referencias Cruzadas

Matthew 1:5

Kiimaq Salmon se ka Bowaj (anyung ka Rahab); Bowaj se ka Obed (anyung ka Ruth); Kiimaq Obed se ka Jessi,

Acts 2:21

Kiimaq, kra akhing na, jurwa Tati jaq wa achu jaü tlaq, kriiti kli she mitiichhii wan.’

Hebrews 11:31

Kiimahali, kamtsantsii maq sii hali, mephe nyung Rahab raq, Israilnok siwe wenai wataq kra, ahea wiq maq, siphu sino ikha shiikum pan kuqto. Kriikha maq, Shiikeawe kiqkhiiti, anok abin ümchuwa jiimtaq, kra rai jiimrai chang wa, apaiq ka tiichhiito.

James 2:25

Ara chongtiikai akhiisii hali, mephe nyung Rahab rilung manphan kiimin riito. Rahab raq Israilnok rewa siwe anai kra, apaiq jam na tao wan raüta, tiijapto. Kiimaq tsangnai ka ponglam miishe tiiju baiqto. Apaiq raq tsangnai tao wantaq kra, apaiq raq Shiikeawe ma kamtaq kra jaqsham maq tiichhikuqto. Kriikha maq, Shiikeawe raq apaiq ka kechu maiqse she dea nguta, apaiq khoqramkii miishe rai rii wanto.

JOSHUA 2:1

Raütiishe Joshua raq Shittim hiq maq Kanan wang binjü kra kiimaq akhek ka Jeriko chela kra ahukse maq walanta sisin liiwa rongkiq nguta siwe anai tiiwato. Tsangnai ka Jeriko chela na saü raüta, kra rawa ka mephe nyung Rahab jam na jap wan nguta düwato.

JOSHUA 2:18

Kiitiina, ümniiriika akha riichang. Naishiq raq ümra akhing niiwa ara nammung ara long tiikai, kra akhing na, ara raüshiilo arka ümchaü ümniiraq nainai tiisat laü khetuk kitanpu arjaq chan laüta thülaq. Laüta ümnyung nai ümwe kiimaq ümphu ümnotiim thun ka, kiimaq ümjamtitiim tarü ümjam mong arjaq triitam laüta ngarong laq.

JOSHUA 2:4

Shatmaq kra nyung raq maiqwenai kra apaü riibaiqto. Raüta, “Tengto, maiqwenai ka i jam na wato dea. Shatmaq ngi raq tsangnai ka ümriibati wa kriika sapmang.

JOSHUA 2:6

(Shatmaq kra nyung raq maiqwe nai ka wukhu thung kiina shea wan raüta, apaiq raq wukhu thung na raikii shinte phong pahea athü kra phong mong na pangbaiqto.)

JOSHUA 4:9

Kiimaq, Joshua raq Tongshong Tek piwanti ramwebi chap wan chang ba Jordan rai kok mong ba kiijaq, longkaü kaüroqshiri kaünai hali, Israilnok maiqphan phanroqshi ri phannai kra maiqphan aweatek kaüshishi tiiphong wanto. (Riita ara longkaü thun arka, ümchaü min kriijaq sishat asili.)