Tatiwe ka Abraham rai Mamre asii pero hiq ba maq riihumkito. Abraham ka apaiq tombutiip kilamchong na ngaraü riito. Kriibala ka ranaiq shethung shekham rashekii tsihea bala riito.
JOSHUA 5:13 - ASII LAKDAP Bible (BSI) Joshua ka Jeriko chela tho na bala shon, tiihanghiiq miili apaiq raq maiqwe ashi ka apaiq khaki na chap raü chhito. Kriiwe ka ajaq na nepja shamraü chhito. Kra chhi raüta Joshua ka apaiq phana wato. Raüta, “Ümniika naishiqnok phenlabi shea? Shea naishiq ma wesang wa?” nguta waito. Hawa Naga Bible 2001 Yoshua kuex Yerikho ghaq hep nuex httuiuc kaz tueq nuex piq khaungx tvmax nuex yaung shuimc jix washiz jvp yaq kuex huingc rvhek laz maq khiz tueq. Yoshua kuex kvruex waz kox nuex kvnvp kaz vtueq, “Mnoz kuex nuiyhez kox wawc nolaungx shuex, ralx lac rvtonx?” ngoz tueq wiz tueq. |
Tatiwe ka Abraham rai Mamre asii pero hiq ba maq riihumkito. Abraham ka apaiq tombutiip kilamchong na ngaraü riito. Kriibala ka ranaiq shethung shekham rashekii tsihea bala riito.
Apaiq raq lam nü na liito raüta maiq wetsam ka kiijaq chap raq raq chhito. Kiimaq apaiq raq tsangshiq ma manto tiichhi atheaphi ka hiq na tiithanli bumto.
Jakob ka akon wa samkito. Raüta akha nguto, “Tatiwe ka arjaq asi! Apaiq ka arba arjaq asi, kiimaq ngi riika sap mang dea riikang!”
Jakob raq Esau ka asengi maiqwere shiblai kra shea raüta saüwa kra chhito. Kra ningkhan apaiq raq asetiim ka Lea, Rechel kiimaq chakliip nyungnai liipan na pheato.
Raüta Esau raq tsangnai tro na liito. Raüta kiijaq jechakre nai nosere kong kra chhito. Raüta apaiq raq waito, “Riita ara maiq kong ümniirai kitaq arka juwa?” “Shiilangwe lei, arthun arka Shiikeawe raq lungwii raüta ngi ma kuqto,” nguta Jakob raq treto.
Dawit rai pong wan damti phenlabi ka wranaiqtek maiqnye pahea pong wan wan riito. Krai mren, aphenla phung ka jaqlo liipan niili awealot chang riimak she pawanto.
Tatiwe raq rase ma anepjasai ka athü she riilaq nguta chongto. Kiimaq rase riimin aming ka langto.
Shatmaq Dawit ka kiina kiraüta Shiikeawe ka shomnoq kilot mak riito. Jamkhano ngukla apaiq ka Tatiwe rase nepjasai kiima ahai riito.
Irase ka ümniima sinkhu na miwa. Raüta ümniika Amoraiqnok, Hitaiqnok, Perijaiqnok, Kanannok, Hiwaiqnok, kiimaq Jebusaiqnok sichang hiqshong thun kiina ümniika mishea wan. Kiimaq Ngi raq tsangshiqnok thun ka wiita mijiip baiqha.
Ngi raq ra nü na kisaq liikangta, maiqwe weshi ka raihi-nairai khea miirii samraü, kiimaq achhü na awongsii chaq shinket paraü chhikang.
Kiimaq kra jürai kii na skupongwe ashi ka, arong ka anaijong kiimaq aluluwiq chhikang. Kriiwa ashiti ka alulin kiimaq anyelinlin riito.
Ngi raq Tatiwe rase ashi ka kumrang ashiikaü raikhü na chaoraü chhikang. Apaiq ka kinheawea hiq tan na martel pero na chap raü chhikang. Kiimaq apaiq jai nü niika, kumrang kong ahin asi riito. Tsangshiq khum ka ashii, tsamrü tsamra waiq, kiimaq alü riito.
Ümtiikiiwa kumtoq kaü raq rase ka kiijaq nepja doraü achap raü kra chhitaq, kumtoq kaü ka wak ram nü na kihoto. Balaam raq kumtoq kaü ka pekii maq bukto. Raüta lam nü kiinahali shea wanto.
Kiijiishe Tatiwe raq Balaam ma kiijaq rase nepja sham raü chaptlaq kra tiichhi kuqto. Kiimaq Balaam ka hiq na akap nü na bumsaq she bum kito.
Tsangshiq raq apaiq ka ra na wawan kra liirea liipan niili, tiidong chhaq miili, khealü miirii samraqraq, maiq wenai ka kiijaq saüki saq raüta tsangshiq khaki na chapsaq chapkito.
Kra akhing na Tatiwe raq Joshua ma nguto, “Ngi raq Jeriko chela ka tsangshiq hokhamwe krai nong nong maq, mungmaiqse srea nolabi wiita ümjaq khon mong na kiinong kuq kang she.
Kiimaq kra piijongteng kham wang mong na, maiqwe ikha samtong honglu jonghea, ahokphi na saüli samraü, kiimaq chaq shinket pa raü chhikang.
Krai mren, Manoa ka tiidopot raüta tsangnyung jai phanphan wato. Raüta apaiq ka maiqwe phana wato raüta, “Riita ijamti-nyung rai bomdamtiwe ka ümniidea shea?” nguta waito. “Üm,” nguta apaiq raq treto.
Manoa raq tsangnyung ma chongto, “Nanai ka atsai she mir i. Jamkhano ngukla nanai raq Shiikeawe chhikai!”