WEAWEA 22:23 - ASII LAKDAP Bible (BSI)

²³ Ümtiikiiwa kumtoq kaü raq rase ka kiijaq nepja doraü achap raü kra chhitaq, kumtoq kaü ka wak ram nü na kihoto. Balaam raq kumtoq kaü ka pekii maq bukto. Raüta lam nü kiinahali shea wanto.

Hawa Naga Bible 2001

²³ Kvkaq mvre kuiux kuex lvmx nuex yaung shuimx vtueq jvp yaq raungkamx waz kuex khiz vtueq, lvmx phic nax tvnx kox nuex svt kaz wvnc tueq. Rvkoq tueq Balam rueq mvre kuiux kuex wung vtueq lvmx kox nuex tvyek tueq.

WEAWEA 22:23 Referencias Cruzadas

2 HOKHVMX 6:17

Raütiishe apaiq raq akha achu jaüto, “O Tatiwe lei, apaiq mak ka tiipiiq kuqlaq. Laüta tiichhi kuq laq!” Krai mren, Tatiwe raq apaiq achujaü ka treto. Kiimaq Elisha jaqshise raq amak ka ranü na kin nünü kiina liito. Liikiita kra kinji thun kiijaq kumrang kong phong nai watu kumrang leng phong ka Elisha trotam na ra ma hiq ma she chhito.

1 KAÜWA WERAÜ 21:16

Dawit raq rase ka rawang win na chap raü ajaq na nepjasai kaü sham raü Jerusalem wa maiq jiipbaiq miitu khekham chhito. Kiijiishe Dawit nai welabi thun tsangshiq ka wunthaü riinaü miirii sam raqraq kra hiq na bumrang tsang khakam maq hiq na bumtlii she bumki trangto.

JEREMIA 8:7

Rum wushi stok kong raq santla tsangshiq ka ümtincho na laü wan nong changwa kra akhing ka asap. Kiimaq haütaü kong, tsakklailu kong, kiimaq wukam kong raq santla tsangshiq ka ümtincho na laüho chang wa kra akhing ka asap. Shatmaq isenginok, namshiq riitiq nya ngi raq namshiq peng tiikang thung alai kra sap man.

DANIEL 10:7

Kra riisham makchhi chhiti ka ngilaq laq se li riikang. Kiijaq ngi rai maiq ahin sitlaq kra riika jam min chhimak riito. Shatmaq tsangshiq ka pinthum phiipraq tsaito. Raüta tiipaü rangrang ahin na juto.

WEAWEA 22:22

Shiikeawe ka Balaam kaihokha na akhiq riito. Kriikha na Balaam ka kumtoq kaü raikhü na nga raüta ajaqshi se wenai krai adam na lam na akai rai riito. Kiijiishe Tatiwe rase ka apaiq kai chang lam kra shangkai lam na chapkito.

WEAWEA 22:24

Kiijiishe rase ka lamtsase ba, lam ka siimko nai ri na spiqtsi ro asi kiimaq siimhap ri na longmaq aruk ba kiijiishe chapkito.

Acts 22:9

Kiitiikaq, ngi rai wadamti kongtibi raq walüli chhairai taq kriika chhito. Shatmaq, ngi rai riibom damtaq bomtsi ka tsangshiq raq taimak dea riito.

JOSHUA 5:13

Joshua ka Jeriko chela tho na bala shon, tiihanghiiq miili apaiq raq maiqwe ashi ka apaiq khaki na chap raü chhito. Kriiwe ka ajaq na nepja shamraü chhito. Kra chhi raüta Joshua ka apaiq phana wato. Raüta, “Ümniika naishiqnok phenlabi shea? Shea naishiq ma wesang wa?” nguta waito.

2 Peter 2:16

Shatmaq apaiq ka apaiq ngachang kumtoq kaü se raq, maiq bom maq bom raüta, apaiq ngarai lamphan na kairai kiiwa tiitsaqto. Kiimaq atijong we raq ngarai tang kha na apaiq ka sonto.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.