DANIEL 8:3 - ASII LAKDAP Bible (BSI)

³ Kiimaq kra jürai kii na skupongwe ashi ka, arong ka anaijong kiimaq aluluwiq chhikang. Kriiwa ashiti ka alulin kiimaq anyelinlin riito.

Hawa Naga Bible 2001

³ kvruex yuix ruilx kawx nuex vrungx loayc hvlc vnueyc httax yaq khelbuenx pungshiz ngaz rueq khiz tauk, vrungx vshiz kuex vganc vshiz htauk nuex vluz vrungx vnyalx rvtueq.

DANIEL 8:3 Referencias Cruzadas

1 KAÜWA WERAÜ 21:16

Dawit raq rase ka rawang win na chap raü ajaq na nepjasai kaü sham raü Jerusalem wa maiq jiipbaiq miitu khekham chhito. Kiijiishe Dawit nai welabi thun tsangshiq ka wunthaü riinaü miirii sam raqraq kra hiq na bumrang tsang khakam maq hiq na bumtlii she bumki trangto.

EJRA 1:2

“Arka Parsia mung langti Hokhamwe Sairas aming. Sanseng Ramungtan Rümti Tati Shiikeawe raq mangjong hiq angu tlotli ara hupkhang wan miitu ngi ka hokham ma shongto. Kiimaq Shiikeawe raq apaiq shomnoq wan miitu Judia wang wa Jerusalem chela na Shomjam sitlaq kra haike wan chang nguta ngi ma arang akekun she.

EJRA 4:5

Kiimaq Parsia mung hokhamwe jaqtakiq na siti mung pengwanti munghupti jaqsham wantibi ajong alabi thun kriima kampho tsiiqlap kra kuqne wan lili raüta, Shomjam tiihea hai wan nong ramak nguta pahea lule klo raüta, Shomjam haiwan kra tiibanbi wanto. Tsangshiq raq ara Shomjam tiihea jaqsham tangta baiq wanto. Arka Sairas raq munglang wan tlaq kra pat maq phaho raüta Derias raq mung lang wantlaq pat na saüli tiibanbi wanto.

ESTHAR 1:3

Apaiq raq Hokham jaqsham pha wanli maq wiitsam si raüta, awokhong na siti aki shiilangbi nai mungtubi ma awin naü phaqsea poi jonghea kloto. Parsia mung nai Media mung pengti phentu jongbi kiimaq wanghuptibi kiimaq welabi thun wiita tiithung raüta asi riito.

ISAIA 13:17

Tati raq ngutlo, “Ngi raq Bebilon mung longkaiti Medi mung tiishai shuktiikang. Tsangshiq ka kampho ma ranphan mak. Kiimaq chaq aseng miimin süram mak.

ISAIA 21:2

Ngi raq riisham mak maq hengbiti maiq riijiip wan chamchao akhing thun saü wan chhikang. Kriika maiq nai maiq liipan arshaphaq wan kiimaq phanrap miqchup then wan akhing. Elam mungti phenlabi lei, kriq khat ronglaq! Media mungti phenlabi lei, chela thun kra trotam maq komtlo ronglaq! Bebilon mung raq ümtin khan wa chamchao tiisaütaq kra Shiikeawe raq atiitsaq she mirbaiq.

ISAIA 44:28

Ngi raq Sairas ma ngutiikang, ‘Ümniiraq mung ka imang na mipenghaü; ümniiriika ngi raq chongtiikang kra phan phan mishamhaü; ümniiraq Jerusalem tiiheahai miitu aming mikuqhaü; kiimaq Shomjam jamkhü longkaü kra mitiishong wan haü.’”

JEREMIA 51:11

Tatiwe raq Media mung hokhambi tiishai baiqto. Kriika Bebilon mung kra tiithenbaiq miitu. Apaiq Shomjam tiithen baiqtaq phuk lam she Bebilon ka mitiithenbaiq. Renok siihiip jongbi raq akha aming kuqtlo, “Namshiq liqsin ka siraü min ronglaq! Maiqmii liiq piraq kheronglaq!

DANIEL 10:5

Ngi raq ra nü na kisaq liikangta, maiqwe weshi ka raihi-nairai khea miirii samraü, kiimaq achhü na awongsii chaq shinket paraü chhikang.

DANIEL 2:39

Ümnaq jai niishe, mangjong hiq na, ajong pinthum hokham weshi hali mishong wan. Kriiwe ka ümhokham jong khan ka jongmak miraq. Kiimaq kra jai miishe ka hokham ajong pinthum wetsam, ngoja kriishe mishong wan. Kriika miiki maq alo kra miraq. Kriiwe riimin mangjong hiq ka hamli mung milang wan.

DANIEL 5:31

Kiimaq Medi mungti hokhamwe Derias, apaiq ka kra akhing na arawii wiiroqtrok ri wiinai she kriiraq hokham ngachang ka jiiwanto, raüta mung ka lang wanto.

DANIEL 6:28

Krai mren, Daniel ka Derias raq mung langtaq pat na, kiimaq Parsia mung hokhamwe Sairas raq mung langtaq pat na pinthum chetchito.

DANIEL 7:5

Kaünai ngojati ka chapbikaü ikha, awühok wiinai maq chap raü riito. Anübok niika, maiqsiim rii atsam kamraü. Kiimaq maiqbom ashi raq apaiq ma akha thaüto, “Bakphaq laq! Ngam ka ümchu phaq wa rotlaü phaq laq!”

DANIEL 8:2

Riisham mak maq tiihanghiiqli ngi ka Elam wang nyungchong trotam maq kiitelong maq aruk Susa chela mong na riikang. Ngi ka Ulai jürai kii na chap raü riikang.

DANIEL 8:20

“Ümniiraq skupongwe khupo na arong anai chhilaü, kriika Media mungtan nai Parsia mungtan.

JEKERIA 1:18

Kiimahali ngi raq riisham mak maq minsaü pongwe rong ka blai chhikang.

JEKERIA 2:1

Jangshi ri riisham mak maq, ngi raq norii weshi ka lairap shinchang raülo ajaq na doraü chhikang.

JEKERIA 5:1

Kiimahali thongshi ri ngi raq itok ka ra na dolata liikangta, ngamkhü lakdamkom ka tliireaje rawang win na, rahai na abirai chhikang.

JEKERIA 5:5

Kiimahali thongshi ri hali rase ka dongki raüta, “Liilaq! Phanshi ra saühotlo!” nguta nguto.

JEKERIA 5:9

Kriijai miishe, ra nü na liikang. Kangta, maiqnyung nai ka tsangnai rakong wukülii rakong ikha honghea ngi pha nü na biwan chhikang. Raüta tsangnai raq tamtoq ka rawang win na dowanto.

JEKERIA 6:1

Kiimaq, ngi raq thongshi hali, itok ka ra nü na dolata liikang. Krai mren, kumrang leng blai, nairai pum nai heawea maq akai rai chhikang.

WEAWEA 24:2

Kiimaq Israilnok ka aphan aphan maq piitiip thun hai raüta sitlaq kra chhito. Kriimaq Shiikeawe wenyi raq apaiq ka wiita rom wanto.

JOSHUA 5:13

Joshua ka Jeriko chela tho na bala shon, tiihanghiiq miili apaiq raq maiqwe ashi ka apaiq khaki na chap raü chhito. Kriiwe ka ajaq na nepja shamraü chhito. Kra chhi raüta Joshua ka apaiq phana wato. Raüta, “Ümniika naishiqnok phenlabi shea? Shea naishiq ma wesang wa?” nguta waito.

Revelation 13:11

Kiijiishe, ngi raq mangjong hiq mong maq adong wan ngamthaiq kaü ashi hali chhi nong kang. Kra kaü rong ka anai. Arong ka Skuse rong ikha. Abom ka prenkaü bom ikha bomtlo.

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.