DANIEL 8:2 - ASII LAKDAP Bible (BSI)

² Riisham mak maq tiihanghiiqli ngi ka Elam wang nyungchong trotam maq kiitelong maq aruk Susa chela mong na riikang. Ngi ka Ulai jürai kii na chap raü riikang.

Hawa Naga Bible 2001

² Kvruex romzyac tvkhic nuex Elam hong wawc palx ruk yoalx Susa ghaqyungx nuex ngvy shauk pumz maq vhuingc rvhek khiz tauk. Ngaz kuex Ulai Ruilx kawx nuex jvp yaq nuex,

DANIEL 8:2 Referencias Cruzadas

RAPHA HIQWA LAK 10:22

Shem setiim ka Elam, Asshur Arpakhshad, Lud, kiimaq Aram riito. Tsangshiq ka tsangshiq lai ala tsangshiq mangponti puwantaq kra kaüwa titiim riito.

RAPHA HIQWA LAK 14:1

Hokham weblai Bebilon chela hokhamwe Armaphel, Ellasar chela hokhamwe Ariokh, Elam chela hokhamwe Chedorlaomar, kiimaq Goim chela hokhamwe Tidal thun ka,

NEHEMIA 1:1

Arka Hakalia se Nehemia raq mung peng wantaq kra jaqsham manphan. Kra akhing na ngi Nehemia ka Parsia mung nyungchong Susa chela na riikang. Kra bala ka Kisleb lü bala riito. Kra akhing na Parsia mung langwantiwe ajong hokhamwe Artajarses riito. Apaiq raq mung lang wanli maq rawii wiiroqnai she riito.

ESTHAR 1:2

Kra akhing na Hokhamwe Ahasueras raq Susa chela maq si raüta mung ka lang wanto.

ESTHAR 2:8

Riita hokhamwe raq aming anye she tat taq krai mren, junriisetiim pahea ka Susa chela na riichom shea wanto. Kra shea wantaq phong na Esthar min asi. Apaiq kiimin hokhamwe jam mong na, jechakre peng wanti Hagai jaqkhong na tiisi wanto.

ESTHAR 3:15

Krai mren, hokhamwe aming maq lakhoti thun ka liiwanwan maq wawanto. Kiimaq kra aming ka anyungchong Susa chela niimin kuqto. Shatmaq hokhamwe nai Haman ka peokhiq chenyang dungsea riito. Shatmaq Susan chelati ka wiita mrurang wanto.

ESTHAR 7:6

Kiijiishe, “Naishiq rewe sang jatiwe ka ara Haman ahata!” nguta Esthar raq hokhamwe ma chongbaiqto. Kra tai raütiishe, Haman ka hokhamwe nai hokhamnyung man na phiip raq tsaito.

ESTHAR 8:15

Raütiishe Mordekai ka hokham raq sam chang awai nai alü maq ataq samtong jong kaü kra samto. Kiimaq müsaisai raihi-nairai maq ataq waichatchat rong nai railü maq ataq sambin samtong jong kaü kri samraü she, kiimaq akhupo na chaq khuphok ri phok raü, hokhamwe jam mong maq donghoto. Kra chhi raütiishe Susa chela na siti mungmaiqse thun ka chojong chise arü ariiq wa trangli she, Mordekai ka taoto.

ESTHAR 9:11

Kra ranaiq niili Susa chela na maiq ümchuwa tsatbaiqtaq kra tsütsa ka hokhamwe ma tiitaito.

ESTHAR 9:15

Kiimaq Susa chela na siti Jehudinok ka Adar jipi raroqshi ri rablai ranaiq niimin adam riitam chap nongto. Raüta Susa chela mong wa tsangshiq jaqtibi thun ka maiq shitsam hali tsatbaiq nongto. Shatmaq sepat lopi ka sham makdea.

ISAIA 11:11

Kra ranaiq akhing she saü wan raüla, Tati raq jangshi ri hali aningkun maq, asenginok Asiria mung na nai Ejip mung na, kiimaq Pathros mung na, Sudan mung na, Elam mung na, Bebilon mung na, kiimaq Hamath mung na, kiimaq khamjong chumkii wang binjü na kiimaq khamjong chum mong na siti maiqmung thun na atiichongki thun kra tsangmung na mitsuq wan nong.

ISAIA 21:2

Ngi raq riisham mak maq hengbiti maiq riijiip wan chamchao akhing thun saü wan chhikang. Kriika maiq nai maiq liipan arshaphaq wan kiimaq phanrap miqchup then wan akhing. Elam mungti phenlabi lei, kriq khat ronglaq! Media mungti phenlabi lei, chela thun kra trotam maq komtlo ronglaq! Bebilon mung raq ümtin khan wa chamchao tiisaütaq kra Shiikeawe raq atiitsaq she mirbaiq.

EJEKIEL 1:1

Rawii roqtsam she angu na jipi lüblai liiwa rabiingi ngo ranaiq akhing riito. Ngi, ka ramwe jaqshamti. Iwe mang ka Buji. Kra akhing na ngi ka munglu shumwi ma atsuq wan Jehudinok rai Bebilon mung na, Chebar rai tan na sikang. Ramungtan ka atlin riikito. Kiimaq ngi raq riisham mak maq Shiikeawe ka chhikang.

EJEKIEL 32:24

“Elam mung kiimin kiijaq, asengi phenlabi maakho phong ka trotam na. Tsangshiq tarü ka re na atsai siisaq. Kiimaq tsangshiq kunli atho hanhü maq wulum mung na kihoto. Tsangshiq atra siji na maiq tiiphiip wanto. Shatmaq ümchaü ka amaa phong kiimaq jeangaü raütli she sitlo.

DANIEL 10:4

Rawii phawan jipi lüwa, raroq nairi rablai angu ranaiq na, ngi ka ajong alu Taigris Raikii na chapraü riikang.

DANIEL 7:15

Ngi raq riisham mak maq kriithun ka chhilata, ngi ka ihai sito. Kiimaq kai chapa kang.

DANIEL 7:2

arthun ara riito: Rahai ka trotam maq haiwanto. Raüta sammoktra chum ka wiita brakshaq wanto.

DANIEL 8:1

Hokhamwe Belshajar raq munglang wanli maq wiitsam she angu na, ngi raq riisham mak maq thongnai ngoja shammi makchhi hali chhinong kang.

DANIEL 8:3

Kiimaq kra jürai kii na skupongwe ashi ka, arong ka anaijong kiimaq aluluwiq chhikang. Kriiwa ashiti ka alulin kiimaq anyelinlin riito.

WEAWEA 12:6

Kiimaq Tatiwe raq nguto, “Ümchaü Ngi raq jamlai bom wa chongtiikang ara tai ronglaq! Namshiq phong na shammibi siraüla, Ngi ka tsangshiq rai isham ka riisham makchhi maq tiichhikuq tiikang. Kiimaq tsangshiq rai rawa ma maq riibom dam tiikang.

Hebrews 1:1

Richü pat na Shiikeawe raq natitiim ma, apaiq wokhong na siwan lamlu hon atsii ka jang pahea chongkuqto she. Kiimaq ra shammibi lümaq phanrap phanrii lam na seng raüta, tsii ka chongkuqto.

Revelation 9:17

Krai mren, ngi raq riisham mak maq kumrang kong nai kumrang thaq na chaoti rewe khunyaq khukhi, re na kai ma sürii tlaq kra chhikang. Kra sreabi miirii asam ka tsangshiq khuk na chamchhok pen samraqraq ikha riito. Kra chamchhok pen chhai wa ka walü wa chhai tlaq ikha riito. Kra walü rong ka riishot riishaq riito. Saphir longseng chhai ikha awai kiimaq kan lü tlaq ikha, amin chhai tlo chhikang. Kumrang khupo ka hangsi khupo ikha. Kiimaq tsangshiq nübok wa, walü achhai aliip, wakhuk mong wa, kiimaq walü rong ka kan nyai tlaq ikha, amin wanii tu dong tlo chhikang.