Tatiwe raq Israil mungti mungmaiqse tlotli ka Solomon khaki na akii anyii tsang khakii wa huhu tiichapto. Kiimaq apaiq raq Solomon ka Israil mung pengti hokhambi wiitarü thaq na apaiq khushü chhainyii ka jonghea tiijong kuqto.
JOSHUA 3:7 - ASII LAKDAP Bible (BSI) Tatiwe raq Joshua ma nguto, “Ümchaü ranaiq ngi raq jamlai jaq wa shamtiikang, kra chhiraüta Israilnok raq ümniika ajong pinthum dea nguta mishreng phaho kiimaq tsangshiq raq, ngi ka Mosheq rai jamkho kongshi kiimshi maq sikang, kiikha ümniirai min sidam tiikang nguta misap. Hawa Naga Bible 2001 Yehowa rueq Yoshua muex ngoc, “Ngaz kuex Moshe rulc vdvmz httax tauk ikhoc mnoz rulc muinz vdvmz nuex httax vtaungx kuex tsuingshiq rueq tuiuz wvnc lvp laz juing, majuiuc raungnuiyq ngaz rueq mnoz kuex Israel miqsaz lotlaz htumc nuex miq yunghvlc washiz ikhoc tvtsanc nganc vphaungx. |
Tatiwe raq Israil mungti mungmaiqse tlotli ka Solomon khaki na akii anyii tsang khakii wa huhu tiichapto. Kiimaq apaiq raq Solomon ka Israil mung pengti hokhambi wiitarü thaq na apaiq khushü chhainyii ka jonghea tiijong kuqto.
Hokhamwe Dawit se Solomon raq Israil mung peng wan jaqsham ka ajaq khon phataqtaq miishe peng wanto. Kiimaq Tatiwe apaiq Shiikeawe raq apaiq ka shiiman kuqto. Raüta apaiq ka ajong aheng pinthum miishe tiija wanto.
Maiqse ka namshiq ma jamlai achu wa sita? Apaiq raq jamlai wa kiimung tlaq kra namshiq raq jaram bro rii wa?
O Tatiwe lei, ümniiraq ngi ka tiiwongkuq laq kiimaq tiichhii kuqlaq; ümniiraq shiikumpanke kha maq ngi ajong ma tiijato, kiimaq ümningkun raq ngi ka khusang thükuqto.
Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.
Ngi raq riiwe kla, ara Shiikeawe minshiiq tiikang arka, ümtiikiimin nungpaq mang maq misham ha, nguta i tsan na tsihea maq, kiimaq tsaühea maq hang lata, sitiikang. Arka wranaiq she, kiimaq akhek ka ümchaü akha akhing na, i tsan tiijong shat maq sitiikang. Lata, atra sikang lo, kiimaq amaa sikang lo, i khum ara lümaq, maiqse raq Khristo khushü jonglu kra sap raüla hongjiiq nguta sitiikang.
Naishiq raq Mosheq aming wranaiqshe lang wan kai, kra phan phan ümnaq aming kiimin milang wan hai. Kiimaq üm Tatiwe Shiikeawe raq Mosheq ka jamkho apaiq rai napshat siwantaq, kiikhiisii ümniirai min misi laq.
Joshua lei, ümrilung pattup ümniika chiq nai re riimin khatlot mak miraq. Ngi ka Mosheq rai jamkho adam siwan kang, kiikha ümniirai min adam maq pong dam lata misi kang. Ngi ka ümniirai riinap shat miili misi kang. Ngi raq ümniika ümtiikiimin tiishaü mang.
Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”
Kra chongkuq raütiishe, apaiq raq ramwebi ma Tongshong Tek kra piraüta mungmaiqse ma sinkhu na lamshea waronglaq nguta thaüto. Krai mren tsangshiq riimin kra phanphan wawanto.
Tongshong Tek piti ramwebi ma chonglaq, tsangshiq ka Jordan rai kii na saüwan raüla, jü rai ka jin pha wan chang. Raüta phanshi rap raüta jükii tho kiimaq jümong na chapkai chang.”
Kra ranaiq Tatiwe raq jaqsham kuqtaq kra chhiraüta mungmaiqse raq, Joshua ka ajong pinthumwe dea nguta tak wanto. Tsangshiq raq Mosheq ka jamkho shreng wantaq kra phanphan Joshua kiimin arilung pattup tsangshiq raq shreng wanto.