John 17:1 - ASII LAKDAP Bible (BSI)

¹ Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

Hawa Naga Bible 2001

¹ Kvkhoc jungphvnc kuy lot yix Yesu rueq raungx nuex lawc vtueq, “Iwaz lex, vkhing hungx wvnc vtuex shex. Msaz rueq mnoz ngauz vngax tvdungc kuy tvkoc Msaz ngauz vngax kuex tvdung kuq shuiuz.

Muklom

¹ Jesu aa iri raaq tang thun bat jio, umiik tha mungtan konáng tun siin eq batta, “Iwa, rangham tha uthok sey ang pha; ba sa Miqwasa ma phun amun u, irimal ang ajo ba sa Miqwasa tho nang ma phun amun phanu.

John 17:1 Referencias Cruzadas

Tvtsvmc 123:1

Tatiwe lei, ngi ka ümjaqli liitiikang, ramungtan na saüli, ümniiraq mung peng chang na saüli liitiikang!

ISAIA 38:14

Ibom ka akhiise ningkun ahü bomtsü mang. Kiimaq ngi ka haütaü tsü ikhli hoqkang. Imak ka ramungtan na liitsi raq shiiroro she. Tatiwe lei, arthun chamchao wa ngi chhiilaq.

Mark 14:41

Apaiq ka achu jaülot raütiishe, tsangtsam phana hali jangtsam she jangwa nong ngo niishe sanha, apaiq raq, “Riita namtsam ka ümchaü min akon sia nai nü tiitsaksea li dea nya? Hongto she! Akhing saü wato she! Lü ronglaq. Maiq Se ka ümchaü ngarai maiqse jaqkhon mong na shaphaq baiqto she.

Luke 18:13

“Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”

Luke 22:53

Ngi ka namshiq rai wranaiqshe Shomjam na riikang ihata. Kiiwa namshiq raq ngi ka lap man riilan. Shatmaq, ümchaü akhing arka namshiq jaqmiiq wan miitu akhing she. Ara jamkhano chongtiikang ngukla, ümchaü akhing na munglangtiwe ka ranyaq hokhamwe ngatlo!”

John 11:4

Jesuq raq kra tsütsa ka tairaüta, “Ara tsisi tlaq arka, apaiq miisaq tiithum miitu ka riimak. Shatmaq, ara lümaq Shiikeawe khushü kra tiidong miitu tsitlo. Krai mren, Shiikeawe Se khushü kiimin mijong wan” nguta chongto.

John 11:41

Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.

John 12:23

Kiijiishe, Jesuq raq tsangshiq ma bom ka akha chongkuqto, “Maiq Se ma apaiq khushü tiijongke akhing ka ümchaü hong wato she.

John 13:1

Arka Tiichhii Wan Poi ka anap she miraq angu wa bom. Jesuq raq apaiq ka ara mangjong hiq ara baiqthü raüta, Awe phana wawan aningthoi ranaiq akhing ka saü wato she nguta asap. Apaiq raq mangjong hiq na siti asengi thun ka pinthum lungwiito. Tsangshiq ka apaiq rii dongdii. Apaiq raq tsangshiq ka atiisup ranaiq na saüli lungwiito.

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.

John 7:30

Kiijiishe, mungmaiqse phong wa maiq wiijamti raq apaiq ka alap riilai nguta danto. Shatmaq, jurmin apaiq dü na jaqkaiq maq sham lot mak riito. Kriika, apaiq ningthoi akhing misaü shaqli kha maq tsangshiq raq apaiq ka laplot mak riito.

John 7:39

Jesuq raq ara chong taq arka, apaiq ma kamwantibi ma jai maq, Asii Wenyi kewan chang asi kra nangnga chongtlo. Kra akhing na Jesuq ma kamwanti maiqse ma, Asii Wenyi ka mikuq shaqli riito. Jamkhano mikuq shaqli ngukla, Jesuq ka ra na mitsom thü shaqli riito. Kiimaq apaiq khushü ngao kiimin mitiijong wan shaqli.

John 8:20

Riita, ija, Jesuq raq ara mungmaiqse ma trahokuq wantaq thun arka Shomjam mong na aluke chang khok mong maq chongkuqto. Apaiq ningthoi akhing ka misaü shaq kha maq, apaiq dü na jurmin jaqkaiq maq sham lot mak riito.

Acts 3:13

Natitiim Abraham, Isak kiimaq Jakob Shiikeawe kiimaq natitiim Shiikeawe raq Ajaqshi se Jesuq ma, Shiikeawe apaiq asii khushü ngao kriika ake kun she. Shatmaq, namshiq raq, apaiq ka lap lanta, Jehudinok jaq na kiinong kuq lan. Kiimaq, lanta, Pilat raq apaiq ka namshiq makki na, apaiq dü na kha ahü, atiidong baiq chang nguta, kha ka photo. Shatmaq, namshiq raq apaiq ka atiidong baiq raa mak dongdii ngutiishe, tiishaü baiq lan.

1 Peter 1:21

Riita, apaiq pum lümiishe namshiq raq Shiikeawe ma kamwan lan. Apaiq ka Shiikeawe raq amaa wa tiidong wanto she. Raüta apaiq ma Shiikeawe raq achhai anyii khushü jonghea kuqto she. Krai mren, namshiq raq kamtsantsii thü tlan kriika, Shiikeawe raq mikuq dongdii. Kriika poiki mak she.