John 17:2 - ASII LAKDAP Bible (BSI)

² Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

Hawa Naga Bible 2001

² Yvmx khoc lac ngoz ruiux lec vpiq muex mnoz rueq lekuq toq lotlaz muex pattup rullungx kuy lvp tvkoc mnoz rueq vpiq muex miq lotlaz htauk nuex guimz lawc juing vrangx vpangx kuex kuq toq.

Muklom

² Chammatakoi nang aa piq ma thaji atharang phan sho authority shing ma kotu, req nang aa Miqwasa ma ko tu eshitang thima piq aa pattuk rollung ko aa.

John 17:2 Referencias Cruzadas

Tvtsvmc 110:1

Tatiwe raq itatiwe hokhamwe ma thaüto, “Ngi ma jaqtsi nü arjaq ngalaq; ngi raq ümjaqti thun ka ümjichong na miphongkuqha shaq wiiwii.”

DANIEL 7:14

Apaiq ma arang, shreng, kiimaq hokham jaqsham ningkun kuqto. Krai mren maiqmung thun, maiqphan thun, kiimaq maiq phan phan bomti thun, wiita raq apaiq kli she minoq wan. Apaiq arang ka pattup pat-sa thummak miraq, kiimaq apaiq mungtan ka, ümtiikiimin thummak miraq.

Matthew 11:27

“I We raq i jaq na phanrap arang ake kun she. Ase ka jurmin sap mak. Awe raq saptlaq kli. Kiimaq Awe ka jurmin sapmak. Ase raq saptlaq kli. Kiimaq Ase raq ümriiti miiwa tiichhikuq tlaq kriiti riili saptlo.”

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

Matthew 28:18

Kiijiishe, Jesuq ka tsangshiq tiinap niishe tiisotto. Raüta tsangshiq ma akhiishe chongkuqto, “Ramungtan nai mangjong hiq ara lang miitu arang ka ngi ma thumli ake kun she.

John 17:24

“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata.

John 17:6

“Ümniiraq ngi ma mangjong hiq wa maiqse ümchuwa kuq laü, tsangshiq ma ngi raq üm mang ka triisap kuq kang she. Tsangshiq ka ümsengi. Ümniiraq tsangshiq ka i wokhong na tiisi laü. Tsangshiq raq ümbomtsi ka lang wanto she.

John 17:9

“Ngi raq tsangshiq miitu achu jaü tiikang. Ngi raq mangjong maiqse miitu ka achu jaü mang. Shatmaq, ümniiraq ngi ma ümchuwa kuq laü, tsangshiq miituli achu jaükuq tiikang. Tsangshiq ka ümsengi.

John 3:35

Awe raq Ase ka pinthum lungwiitlo. Krai mren, Ase ma phanrap lang wan miitu arang ka ake kun she.

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

John 6:37

I We raq ngi rii nguta ümchuwa maiqse thiiqtaq, kriiti thun ka i puk na minyap wan. I puk na nyap wanti ka ngi raq jumin jai na tiijang baiq mang she.

John 6:39

Kiimaq ngi tiikaiti we raq tiima tlaq ka, apaiq raq ngi ma maiqse ümchuwa kuq wantaq, kiiwa ngi raq ashi min tiimo baiq mang maq, phangthum ranaiq na, ngi raq tsangshiq tarü ma, tsitsü rilung mikuq ha dongdii nguta riichopisiqtlo.

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

1 Corinthians 15:25

Khristo raq Hokham kam ka lang chang dang dongdii. Awe raq Khristo jaqti rewe ümchuwa sitlaq kriika wiita khat lot raütiishe, Khristo apaiq jichong na miphong kuq wan. Kiimaq Khristo raq ajaqti thun ka ahok maq nishishi she mini wan.

Ephesians 1:20

Shiikeawe apaiq raq, Jesuq Khristo ka amaa wa tiidong wanto. Raütiishe, Jesuq Khristo ka Shiikeawe raq Ramungtan na, apaiq ma jaqtsi nü na ngachang ngacho thüshat, kiijiishe tiinga wanto.

Philippians 2:10

Arkha miitiina, ramungtan na siti, mangjong hiq na siti, kiimaq wulum mung na siti wiitarü raq, apaiq dea ajong pinthum nguta, kaütsrong na bum raüta minoq wan laq.

1 Timothy 1:16

Shatmaq, Shiikeawe raq ngi akhnok maiqse ashi ma, atinkhan achong lot mai apaiq tiihangke mangchan tsantsii ka jonghea thü wanto. Arka i rilung ara lümaq, Jesuq Khristo raq, ngi akha ngarai bu hoti maiqse shunshea wan lam maq, apaiq raq pinthum anin wan chang dong tlo, nguta kra manphan ashi ma tiija wan miitu riito. Ara ngi ma, atinkhan mangchan wantaq arka, jai na rawiichii pat na, ngarai maiqse ümchu riiwa, Jesuq Khristo ma mikam wan, raüta pattup pat-sa rilung milap wan, kriiti thun ma hakhi ashi tiija miitu riito.

Hebrews 1:2

Shatmaq ümchaü sanha, ara phangthum wan pat she ngo maq, Shiikeawe raq nashiq ma tsii chongke ka, Ase nübok lümiishe bom dam tlo. Shiikeawe raq Ase lümaq, ara ra nai hiq ara phansang wanto. Kiimaq Shiikeawe raq Ase ka phangthum jai maq ara ra nai hiq thun wiita kunli ara rüm wan miitu ashong wan kun she.

1 Peter 3:22

Apaiq ka ramungtan niishe wawanto. Raüta Shiikeawe ma jaqtsi nü niishe nga tlo. Kiijaq nga raüta, apaiq raq rasetiim thun tlotli khuthaq na, kiimaq ramungtan na siti arang hotibi thun khuthaq na, kiimaq ningkun hoti pahea sitlaq kra thaq na, arang ajong jonghea ho raütiishe mung rüm nga tlo.

1 John 1:2

Ümtiikiiwa ara rilung ka mak maq chhili chang she maiqse ma pokitaq, naishiq raq apaiq ka chhi kai. Kra ningkhan, naishiq raq apaiq Tsütsa ara chong tiikai. Kiimaq pattup pat-sa rilung, Awe rai sitlaq, kiimaq kra rilung ka ümchaü nashiq ma tiichhi kuq tlaq kra manphan chongkuq tiikai.

1 John 2:25

Kiimaq akha siti miika pattup pat-sa rilung mikuq ha nguta Khristo apaiq raq nashiq ma kiq khamkuqto.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Jude 1:21

Kiimaq, namshiq riika Shiikeawe mangchan wokhong mong na siwan ruq sirong laq. Lanta, khekham maq, pattup pat-sa rilung kongphiq kra, lap wan miitu sirong laq. Kriika Tati Jesuq Khristo raq, namshiq ma mikuq. Apaiq raq kra kaphap mangchan wokhong maq mikuq.