JOSHUA 3:7 - Hawa Naga Bible 2001

⁷ Yehowa rueq Yoshua muex ngoc, “Ngaz kuex Moshe rulc vdvmz httax tauk ikhoc mnoz rulc muinz vdvmz nuex httax vtaungx kuex tsuingshiq rueq tuiuz wvnc lvp laz juing, majuiuc raungnuiyq ngaz rueq mnoz kuex Israel miqsaz lotlaz htumc nuex miq yunghvlc washiz ikhoc tvtsanc nganc vphaungx.

ASII LAKDAP Bible (BSI)

⁷ Tatiwe raq Joshua ma nguto, “Ümchaü ranaiq ngi raq jamlai jaq wa shamtiikang, kra chhiraüta Israilnok raq ümniika ajong pinthum dea nguta mishreng phaho kiimaq tsangshiq raq, ngi ka Mosheq rai jamkho kongshi kiimshi maq sikang, kiikha ümniirai min sidam tiikang nguta misap.

JOSHUA 3:7 Referencias Cruzadas

1 KAÜWA WERAÜ 29:25

Yehowa rueq wv-phvnx tuimx Solomon muex tvtsanc nganc kuy nuiyc Israel mungx guimz wvnc tueq vganc hokhvmx htenc ukhaq htauk nuex muinz piq kuex jvnc vtueq ngauz vngax tvhttax tueq.

2 KAÜWA WERAÜ 1:1

Hokhvmx Dawid saz Solomon rueq Israel mungtan kuex phaungx duingduing shuimx tueq, Yehowa piq Tishox rueq muinz piq muex ruimrix kuq ruiux, piq kuex pinhtumc luimc vkawc tvyungc wvnc tueq.

YOBA 7:17

Miq kuex mnoz tvkoc yvmx ngoz tueq lac vkhek muex tvyaungc vshuiux? Piq rueq shuimx yaq yauk shuimc kuex yvmx ngoz tueq lac thuinz lomx yaq nguinx?

Tvtsvmc 18:35

O Yehowa lex, mnoz rueq ngaz kuex tvkhup wungx vtueq palc wvnc phux; mnoz rueq konjonz lawc kuy ningkhvnc nuex ngaz yungx luz wvnc tauk, mnoz hungc vlaungc rueq ngaz kuex tvkhup wungx tvhttax yaq.

John 17:1

Kvkhoc jungphvnc kuy lot yix Yesu rueq raungx nuex lawc vtueq, “Iwaz lex, vkhing hungx wvnc vtuex shex. Msaz rueq mnoz ngauz vngax tvdungc kuy tvkoc Msaz ngauz vngax kuex tvdung kuq shuiuz.

Philippians 1:20

Ngaz rueq mkaq muinz ngvy gurc kuex tv-phvyx mauk maq vkhing ruip rawx nuex muinz, jvnc vtueq majuiuc muinz, khvmc thuinz vmvrx maq ngaz tvraungx ruiux muinz, thueyc kaz ruiux muinz, ngvy rullungx wvlex Christu muex tvtsanc nganc kuex vraungc pinhtumc lvmx nuiyc thuinz tvluimc lvmx rvtueq.

JOSHUA 1:17

Nuiyshiq rueq Moshe kvjaz mkaq muinz tay wvnc tiq ikhoc mkvjaz muinz tay wuez shix, Yehowa Tishox kuex Moshe rulc vdvmz httax wvnc tueq ikhoc mnoz rulc muinz vdvmz nuex mhttax kueq!

JOSHUA 1:5

Yoshua lex, mrullungx tvraungx wawwawx uraq muinz mnoz kuex tvgawx lot kv-phux rvmuq. Ngaz kuex Moshe rulc vdvmz httax tauk ikhoc mnoz rulc muinz vdvmz httax taungx. Ngaz kuex mkaq muinz mnoz rulc vdvmz nuex httax taungx, ngaz rueq mnoz kuex tuip gay mauk.

JOSHUA 1:9

Ngaz rueq nvr phaungx rulc rv-ngvlc thuinz maq htvp htaz vtueq kvmx kuiuz! Nauk hiz kaz, thuinz nauk tvbac kaz, ngaz Yehowa m-Tishox kuex mnoz khuemx tuiux tek mnoz rulc vdvmz httax taungx,” ngoz tueq jungx tueq.

JOSHUA 3:6

Kvruex yimaq piq rueq shomc waz bix muex ngoc Bomkhvrc Jep kuex pix vtueq, miq phungc kvruex max kac nuex kay muex nvr tueq rulc rv-ngvlc tsuingshiq kaz tueq.

JOSHUA 3:8

Bomkhvrc Jep pic jix shomc waz hez kuex yuix kawx kvyuq httuiuc ruiux yuq, tsuinghez kuex yuix mungx nuex jvp tvkoc jungx shuiuz,” ngoz tueq jungx tueq.

JOSHUA 4:14

Kvruex raungnuiyq Yehowa rueq shuimx tueq kuex Israel miqsaz htumc nuex Yoshua kuex wv-ngauz wv-ngax miq vshiz ikhoc tvmaung dvyx tvrvhumc ningkhvnc nuex, Moshe muex tsuingshiq rueq tvtsanc nganc kuq tueq ikhoc Yoshua muex muinz piq rullungx wvlex tvtsanc nganc wuez tueq.