JOSHUA 21:1 - ASII LAKDAP Bible (BSI) Kra akhing na Lewi phan welabi ka ramwe Eleajar nai Nun se Joshua kiimaq Israilnok phan wa kaüwa weraü welabi phana wato. Hawa Naga Bible 2001 Lewi taungx hez wawc walaungx bix kuex shomc waz Eleazar, Nun saz Yoshua nuiyc Israel phvnx htenc wawc vkhux yaungc jix hez kox nuex kaz tueq. |
Tsangshiq tsankhiq tam ma manson misilaq. Jamkhano ngukla kriika henghea, Kiimaq tsangshiq phok tlaq kra thaq na misilaq, jamkhano ngukla kra bihea. Ngi raq tsangshiq ka Israil mung hamli na minyin baiqha. Ngi raq tsangshiq ka anok ata phong na wiita minyin baiqha.
Reuben ka Jakob se chhikhuwe. Asetiim ka weblai: Hanokh, Pallu, Hejron, kiimaq Karmi riito. Tsangshiq thun ka tsangta kaüwa weraü mangpon hoti tsangtitiim.
Aron se Eleajar raq Putiel setiim jechaksere phong wa nyungshi lamto. Kriinyung raq apaiq ma ase Phinehas humkuqto. Arthun kaüwa weraü mangpon thun arka Lewi phan wa.
Maiq phan aweatek hiqshong thun na Lewinok ma chela ka ümchu pheake chang wa, kriika maiq aphantek ma hiq shong ka ümtinkhan jong wa kuqtaq kra thap thi raüta pheake chang miraq.”
Riita, arjaq arka Kanan mung wa, Jordan rai maq shenyap nü mung ka Israilnok liipan na hiq ka jamkho chongkuqtaq kra chongtlo. Ramwe Eleajar, Nan se Joshua, kiimaq Israilnok phan wa kaüwa weraü welabi raq mung hiq ka tsangshiq mungmaiqse liipan na riichumto.
Kriikha na tsangshiq ka ramwe Eleajar nai Joshua phana kiimaq Israilnok welabi phana wato. Raüta, “Tatiwe raq Mosheq ma, armung hiq wa, hiqshong ka naita naiwii maiqwere ma chumkuqtlaq kiiwa, naishiq miimin chumke chang nguta aming kuqto.” Kiimaq Tatiwe raq aming kuqtaq krai mren, tsangta tsangwii maiqwere sitlaq krai tsangshiq rii min hiqshong ka chumkuqto.
Riita, ramwe Eleajar, Nun se Joshua, kiimaq Israilnok kaüwa weraü welabi thun ka adam na, Shilo chela maq Tatiwe Shomnoq Chang Tombutiip rinkea na thung raüta, lang raq thaütlaq kra phanphan, Israilnok kaüwa weraü ma tachong hiqshong ka chumkuqto. Arjaq chongtaq ara phanphan, tsangshiq Israilnok liipan na tachong hiqshong mung hiq riiphea wan jaqsham ka shiingutto.