JOSHUA 19:51 - ASII LAKDAP Bible (BSI)

⁵¹ Riita, ramwe Eleajar, Nun se Joshua, kiimaq Israilnok kaüwa weraü welabi thun ka adam na, Shilo chela maq Tatiwe Shomnoq Chang Tombutiip rinkea na thung raüta, lang raq thaütlaq kra phanphan, Israilnok kaüwa weraü ma tachong hiqshong ka chumkuqto. Arjaq chongtaq ara phanphan, tsangshiq Israilnok liipan na tachong hiqshong mung hiq riiphea wan jaqsham ka shiingutto.

Hawa Naga Bible 2001

⁵¹ Shomc waz Eleazar, Nun saz Yoshua nuiyc Israel miqsaz phvnx walaungx bix kuex Shilo ghaq nuex Yehowa rulc rvjungc phvnc tvkoc Yehowa httax yaq Tap kaluix daungx nuex hangchac maq vphvlx kuq ghaqruiy raungruiy rvtueq. Ekvkhoc maq mungx kuex phvlx tvlot tueq.

JOSHUA 19:51 Referencias Cruzadas

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 78:60

Apaiq raq apaiq sichang tombutiip ka Shilo hiq na miimbaiqto, kriika apaiq nashiq phong na sichang jam riito.

Matthew 20:23

Kiijiishe, “Tengto, namnai raq i kok wa minyang wan lot han. Shatmaq ngi rai jaqtsi na nai jaqpha na tiinga miitu aming ka, i jaq na ahü. Arka i We raq ju rii wa thü tlaq, kriiti rii li miraq,” nguta Jesuq raq tsangnai bom ka treto.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

Acts 13:19

Apaiq raq Kanan mung wa, maiq mung mung miishi shiithen baiq wanto. Raüta, Kanan mung ka asengi miishe jiikuq wanto.

JOSHUA 14:1

Riita, arjaq arka Kanan mung wa, Jordan rai maq shenyap nü mung ka Israilnok liipan na hiq ka jamkho chongkuqtaq kra chongtlo. Ramwe Eleajar, Nan se Joshua, kiimaq Israilnok phan wa kaüwa weraü welabi raq mung hiq ka tsangshiq mungmaiqse liipan na riichumto.

JOSHUA 18:1

Israilnok raq Kanan mung ka kunlishe khatto. Raüta hiqshong thun ka jiiwanto. Raüta tsangshiq ka wiimungtam kunli Shilo chela na thungto. Raüta Tatiwe sichang tombutiip ka haito.

JOSHUA 18:10

Raüta Joshua raq, tsangshiq miitu langlii raüta Tatiwe ma waito. Raüta Israilnok maiqphan abung tiichongtlaq kriiti ma, tsangshiq rii hiqshong thun ka chumkuqto.

JOSHUA 20:1

Kiitiikaq Tatiwe raq Joshua ma,

PHOWEBI 21:19

Kiijiishe tsangshiq raq tiimato, “Rawiitek Tatiwe poi Shilo chela na klo tiikai ira akhing ka saü wan tlo she.” (Shilo chela ka Bethel chela maq shekhu nü na. Lebna chela miika shemai nü na. Kiimaq Bethel chela nai Shekhem chela liipan na lam khumtlaq kriimiika, shedong nü nü na.)

PHOWEBI 21:21

Lanta kherong laq. Ümtiikiiwa Shilo chelati jechaksere ka poi akhing na awiinum kai kitlaq, namshiq ka spiqro mong kiiwa dongchhaq dongki rongkiq. Lanta namshiq maiqwere loweatek raq namchak ma, jechaksere phong kiiwa jaqla maq lapho ronglaq. Lanta namshiq Benjaminnok hiqshong kiina maiqmii rai adam na shea wan ronglaq.

1 SAMUEL 1:3

Rawiitek Elkana ka Rama chela maq Shilo chela na Tatiwe Ajong Pinthum Shiikeawe shomnoqkai nai honglu kekai kilili riitlo. Kiijaq Eli se nai Hophni nai Phinehas ka Tatiwe ramwe jaqshamti.