JOSHUA 19 - ASII LAKDAP Bible (BSI)

Simeon Phan Rii Achumkuq Hiqrai

¹ Pheanai ngoja hiqshong ka Simeon phan maiqweraü miishe chumkuqto. Tsangshiq phan rii hiqtrai ka Juda phan ma achumkuq hiqtrai mong kiina saüli riito.

² Tsangshiq hiqshong mong niika arthun chela ara tlom wandamto: Beersheba, Sheba, Molada,

³ Hajar Shual, Bala, Ejem,

⁴ Eltolad, Bethul, Horma,

⁵ Jiklak, Beth Markaboth, Hajar Susa,

⁶ Beth Lebaoth, kiimaq Sharuhen chela thun riito. Chela roqshi ri atsam, kiimaq kra tro binjü wa chela aransetiim thun kra romshaq.

⁷ Kiimahali arhun chela armin riito: Ain, Rimmon, Esthar, kiimaq Ashan riito. Chela blai kiimaq kra tro wa chela aransetiim romshaq na chumto.

⁸ Riita ara hiqtrai ka ara chela thun tro na maiqhiq chela aransetiim ümchuwa sitlaq kriimin romshaq na tiiham wanto. Raüta wangmai nü pinthum tiisup na Baalath Beer (riimakla Rama) kiina saüli tiiham wanto. Arka Simeon phan weraü rii achumkuq tachong hiqshong.

⁹ Riita Juda phan ma achumkuq hiq ka achan ana pahea riito. Kriikha maq, chantlaq binjü kiiwa simeon phan miimin hali tiikho chumkuq nongto.

Jebulun Phan Rii Achumkuq Hiqrai

¹⁰ Kiimaq mantsam ngoja ka, Jebulun phan weraü miishe chumkuqto. Tsangshiq rii hiqshong achumkuq ka hiqtrai ka Sarid chela kiina tiisaüli riito.

¹¹ Kriimaq riita hiqrai ka Mareal chela kiiniishe raiwanto. Raüta Dabbesheth chela kiina raiwanto. Raüta Jokneam chela maq shedong nü na khamraise ashi kitlaq kiiniishe rai wanto.

¹² Kiimahali Sarid chela maq siimko nü miishe ka Chisloth Tabor chela maq shedong nünü binjü kriimiishe raiwanto. Raüta Daberath chela kiina raiwanto. Raüta Japhia chela kiina raiwanto.

¹³ Kriimiishe ka shedong nünü maq wawan ruq raiwan raüta, Gath Hephar chela nai Ethkajin chela kiiniishe raiwanto. Raüta kiimiika Rimmon chela na walam na Nea chela kiiniishe raiwanto.

¹⁴ Kiimaq shekhu nü hiqrai ka Hannathon chela kiiniishe rai wan raüta, Iphtahel jüwii kiiniishe tiisup wanto.

¹⁵ Ara hiqrai mong na Katta, Nahalal, Shimron, Idala, kiimaq Bethlehem chela thun tlom wan damto: chela roqshiri anai kiimaq kra tro binjü wa chela aransetiim thun kiimin romshaq na raito.

¹⁶ Riita ara chela thun nai kra tro binjü na chela aransetiim thun kra romshaq maq Jebulun phan rii tachong hiqshong kra kra chumkuqto.

Isakar Phan Rii Achumkuq Hiqrai

¹⁷ Pheablai ngoja hiqshong rai kriika Isakar phan weraü miishe chumkuqto.

¹⁸ Tsangshiq rii achumkuq hiqshong trai mong niika arthun chela ara lomto: Jejreel, Chesulloth, Shunem,

¹⁹ Hapharaim, Shion, Anaharath,

²⁰ Rabbith, Kishion, Ebej,

²¹ Remeth, Engannim, Enhadda, kiimaq Bethpajjej riito,

²² Kra hiqtrai riika Tabor, Shahajuma, kiimaq Beth Shemesh chela thun min lomdamto. Raüta Jordan rai na supto. Kra hiqtrai mong niika chela roqshi ri trok kiimaq kriithun tro binjü wa chela aransetiim kra romshaq riito.

²³ Arthun chela nai chela aransetiim thun ka Isakar phan weraü ma tachong hiqshong chumkuqtaq kra mong na lomto.

Ashar Phan Rii Achumkuq Hiqrai

²⁴ Phea biingi ngoja hiqshong kriika Ashar phan weraü ma chumkuqto.

²⁵ Tsangshiq rii achumkuq hiqrai mong niika ka arthun chela ara lomto: Helkath, Hali, Beten, Akhshaph,

²⁶ Allam Melekh, Amad, kiimaq Mishal riito. Raüta shenyap nü wang hiqrai ka Karmel pum nai Shihor Libnath tiiham damto.

²⁷ Kiimaq shedong wang nü hiqrai ka Bethdagon chela kiina saüli raiwanto. Raüta Jebulun phan rii achumkuq hiqtrai kriimaq raiwanto. Raüta Iphtahel jüwii kriimaq raiwan raüta Bethemek chela nai Neiel chela wiinai kriimaq shekhu nünü kiina raiwanto. Raüta Kabul chela maq shekhu nünü maq raiwanto.

²⁸ Raüta Ebron, Rehob, Hammon, kiimaq Kana kriithun tiiham wan raüta, shekhu nü pinthum tiisup na Sidon chela kriijaq tiisupto.

²⁹ Raüta hiqrai ka Rama chela kiina raiwanto. Kiimaq riita raiwan raüta kiitelong maq trotam na aruk Tajar chela kiiniishe tiisupto. Kriimiishe ka Hosa chela kiina raiwanto. Raüta Mediterenian Khamjong kii kiina tiisupto. Ara hiqrai mong niika, Mahalab chela, Akhjib chela,

³⁰ kiimaq Ümma chela, Aphek chela, kiimaq Hehob chela kra tlom wandamto. Tlotli chela roqnai ri anai kiimaq kriithun tro binjü wa chela aransetiim thun kra romshaq tlom damto.

³¹ Arthun chela nai kriithun tro binjü na chela aransetiim thun ka Ashar phan weraü rii tachong hiqshong chumkuqto.

Naphtali Phan Rii Achumkuq Hiqrai

³² Pheatrok ngoja kriika Naphtali phan weraü miishe chumkuqto.

³³ Tsangshiq rii achumkuq hiqtrai ka Heleph chela maq riita Jaanannim chela tho na Ok pero kiina raiwanto. Kiimaq raiwan raüta Adaminekeb chela kiina raiwanto. Raüta Jamnia chela kiiniishe raiwanto. Raüta Lakkum chela kiina raiwan raüta shedong nü nü na Jordan rai na tiisupto.

³⁴ Kriimaq riita hiqrai ka Ajnoth chela kiina raiwanto. Ajnoth Tabor miishe raiwanto. Raüta hali shemai nü wang miika Jebulun phan rii hiqrai kriimaq raiwan raüta Hukkok chela kiiniishe rai wanto. Raüta kra shenyap nü wang hiqtrai ka Ashar phan rii hiqshong kiimaq shedong nünü wang na Jordan rai maq raito.

³⁵ Tsangshiq rii achumkuq hiqrai mong na kiitelong maq trotam na aruk chela thun ka arthun ara riito: Jiddim, Jer, Hammath, Rakkath Chinnereth,

³⁶ Adama, Rama, Hajor,

³⁷ Kedesh, Edrei, Enhajor,

³⁸ Jiron, Migdalel, Horem, Bethanath, kiimaq Beth Shemesh chela riito. Tlotli chela roqshi ri tiikaü riito. Kiimaq kriithun tro binjü wa chela aransetiim thun kra romshaq riito.

³⁹ Arthun chela nai chela aransetiim thun ka Naphtali phan weraü rii tachong hiqshong chumkuqto.

Dan Phan Rii Achumkuq Hiqrai

⁴⁰ Kiimaq phea miishi ngoja tachong hiqshong ka Dan phan weraü miishe chumkuqto.

⁴¹ Tsangshiq rii achumkuq hiqrai mong niika arthun chela ara tlom damto: Jora, Eshtaol, Irshemesh,

⁴² Shaalbim, Aijalon, Ithla,

⁴³ Elon, Timna, Ekron,

⁴⁴ Elteke, Gibbethon, Baalath,

⁴⁵ Jehud, Beneberak, Gathrimmon,

⁴⁶ Mejarkon, kiimaq Rakkon chela, kiimaq arthaq niimin Joppa chela tro binjü wa hiq kra tiiham raüta hiqrai ka chumkuqto.

⁴⁷ Kra jaimaq Dan phan rii achumkuq hiqshong ka, re raq tsangshiq hiqshong kiiwa jiiwanto. Kra khana tsangshiq Laish chela ka khatto. Raüta kriiwa maiq ka wiita tsatbaiqto. Raüta Laish chela ka jiiwanto. Raüta tsangshiq she shong wanto. Kiimaq Laish chela mang ka tsangshiq kaüwati mang na Dan chela ngutiishe mangto.

⁴⁸ Arthun chela nai kriithun tro binjü wa chela aransetiim thun ka romshaq Dan phan weraü rii tachong hiqshong chumkuqto.

Israilnok Raq Joshua Ma Achumkuq Hiqshong

⁴⁹ Israilnok kaüwa weraü wa welabi thun raq tsangshiq rii tachong hiqshong kra riiphealot raütiishe, tsangshiq raq Nun se Joshua rii she tachong hiqshong ka apaiq ma hiq bashi chumkuqto.

⁵⁰ Tatiwe raq aming kuqtaq kra phan phan tsangshiq raq apaiq ma apaiq raq jaütaq kra phan phan, ku akin tonglong Ephraim wang wa Timnath Sera chela kra chumkuqto. Apaiq raq kra chela ka tiihea hai wanto. Raüta apaiq ka kiijaq shong wanto.

⁵¹ Riita, ramwe Eleajar, Nun se Joshua, kiimaq Israilnok kaüwa weraü welabi thun ka adam na, Shilo chela maq Tatiwe Shomnoq Chang Tombutiip rinkea na thung raüta, lang raq thaütlaq kra phanphan, Israilnok kaüwa weraü ma tachong hiqshong ka chumkuqto. Arjaq chongtaq ara phanphan, tsangshiq Israilnok liipan na tachong hiqshong mung hiq riiphea wan jaqsham ka shiingutto.