Hosea 13:8 - ASII LAKDAP Bible (BSI)

Ngi ka ase noshii atsatbaiq chapbi kaü ma mijaha, Lata tsangshiq ka kholam kholiiq michai phaqha. Tsangshiq ka hangsikaü raq kaq tlaq ikha, chiimshi niili mirum phaqha. Ngamthaiqkaü raq kaqphaq tlaq ikha, kholam kholiiq mikaq phaqha.

Hawa Naga Bible 2001

Ngaz rueq nuimshiq kuex vsaz tvmoz gay tueq japbawx kuiux rueq ikhoc khvt vtueq nuimshiq kuex puinz juir gay phaungx. Hangsic rueq ikhoc kauk shuex baung kvyuq dvyx phauk vtueq vsvl vwvl rueq ikhoc tvhtaq tvruk puinz gay phaungx.

Hosea 13:8 Referencias Cruzadas

2 SAMUEL 17:8

Ümniiriimin asap haü. Ümwe Dawit nai asengikong ka srea nolajongbi siisaq. Kiimaq tsangshiq ka chapbikaü asetiim tsatbaiq raüjaq maiq ka phiim shiim shiim jowan tlaq ikha, atsai ma haimak. Ümwe ka rekhat na nolajong pinthum asap atsin. Kiimaq apaiq ka rawa niimin asengi phenlabi rai adam niika ngamak miraq.

Tvtsvmc 50:22

“Ara tai ronglaq, namshiq ngi shipoqtibi raq, riimakla ngi raq namshiq ka mishthen baiqha, kiimaq namshiq tiichhiiketi ka jumin ahüshe miraq.

Tvtsvmc 80:13

Rum wa waqnyi kong wa raüta nibaiqtlo kiimaq rum nyamsekong raq kra phaqtlo.

TAKSU LAK 17:12

Maiqjiqwe rai, ajiq jaqsham lomdam nam miika, chapbi noshii kaü ase ahiipbaiq, kriirai riihum riiwe ka, phanshi ahealin.

ISAIA 5:29

Phenlabi kong ka hangsikong raq ngam kaq raüta, anü na kam raqraq maq ngam maa ka jurmin tsangnü wa nyeaholot mak hiq ba na hit hotlaq ikha gantrangtlo.

ISAIA 56:9

Tatiwe raq pongmungti thun ma tsangshiq ka rum ngamse kong ikha wa raüta asenginok ka wiita kaqphaq ronglaq nguta chongto.

JEREMIA 12:9

Isenginok ngi raq atsea arwanha ka rum wa wushi kaü ikha; trotam ma liikong raq tamphaq wanto. Rum ngam kong ka healaq, wa raüta ngamphaq poi ka milomdamlaq!

JEREMIA 25:38

Tatiwe raq asenginok ka hangsikaü raq apaiq bumchang longsha baiqthütlaq ikha miimbaiqto she. Redong phiiptsi chang rathaiq saü wantaq kriiraq nai Tatiwe tsankhiq henghea waniitu raq, mung ka kumtsaiphii botkhulai mung miishe tiija baiqto.

Hosea 2:12

“Arthun ara iwesetiim raq ngi ma ijaq maq akuq,” nguta tiitsakitlaq, apaiq spiqro nai phupmup ro ka, Ngi raq wiitashe mishthen baiqha. Lata rumnyangkhi miishe mitiija baiqha. Kiimaq rumnyamse kong riishe, petsiro thun wiita mishthen baiq.

Hosea 5:14

Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”