2 SAMUEL 17:8 - ASII LAKDAP Bible (BSI)

⁸ Ümniiriimin asap haü. Ümwe Dawit nai asengikong ka srea nolajongbi siisaq. Kiimaq tsangshiq ka chapbikaü asetiim tsatbaiq raüjaq maiq ka phiim shiim shiim jowan tlaq ikha, atsai ma haimak. Ümwe ka rekhat na nolajong pinthum asap atsin. Kiimaq apaiq ka rawa niimin asengi phenlabi rai adam niika ngamak miraq.

Hawa Naga Bible 2001

⁸ M-waz Dawid nuiyc piq miq htenc kuex rv-khvt rvlungc nuex shvrvyx laqkongx hvlc hez nuiyc jvpbawx kuiux rueq vsaz hez kuex builc kauk gay yaq ikhoc jix hez rvtueq. M-waz kuex paunghvlc shex rvhumc wvnc tueq nolaungx washiz ningkhvnc nuex, raungwvrx nuex muinz piq miq hez rulc vdvmz nuex httax tuex rvmuq.

2 SAMUEL 17:8 Referencias Cruzadas

2 SAMUEL 15:18

Asengi ajong alabi thun ka apaiq jai na tiinapsaq chapto. Kiimaq hokhamwe khum kheti phenlabi srea nolabi thun ka apaiq khaki na sinkhu na lamshea wawan lito. Kiimahali Gath chela wa apaiq rai awadam phenlabi shitrok kriimin apaiq ma sinkhu na wawan lito.

2 SAMUEL 17:9

Ümchaü dongdii min, apaiq ka jursap chongkhong longsha bok na bashi ra na atiipaü kaiwi she sham. Dawit raq ümsengi kong kriishe khat raüla, jurwa kra tsütsa ka taijiiq, ümsengi thun ka wiita she khatbaiqto, nguta shapshaü mitiipa.

2 SAMUEL 23:16

Kra nolajong wetsam ka haimak maq ahukse maq Bethlehem chela kiina, rewe Philistainnok piitiip mong lam kriimaq wawan raüta, kham ka khappong kiiwa khuho raüta Dawit ma lamkuq hoto. Shatmaq apaiq raq kra kham ka nyang mak dea riito. Shatmaq apaiq raq kham ka Tatiwe ma honglu na khoti raükuqto.

2 SAMUEL 23:18

Joab ma ano ka Abishai. Tsangnai ma anyung mang ka Jeruia. Abishai ka “Nolajong Pinthum Roqtsam” kra pengti riito. Apaiq raq apiq kiishi miili rewebi kong shitsam khatto. Raüta rewe thun ka wiita jiipbaiqto. Raüta apaiq ka “Nolajong Pinthum Roqtsam” phong na ajong ma jawanto.

2 HOKHVMX 2:24

Elisha raq jainü na trosaq riito, raüta tsangshiq ka makbi maq tiqtiq liito. Raüta tsangshiq ka Tatiwe mang maq sonto. Kiijiishe rummong wa chapbi kaü nai dongkito. Raüta kra nosere maiqwesere kong roqblai ri wenai ka bunlak buncha kaqbaiqto.

TAKSU LAK 17:12

Maiqjiqwe rai, ajiq jaqsham lomdam nam miika, chapbi noshii kaü ase ahiipbaiq, kriirai riihum riiwe ka, phanshi ahealin.

TAKSU LAK 28:15

Mung rümtiwe ka abi raüla, asengi miitsan maiqse ka jamkha ijasiq miraq, Hangsikaü ikha ahok ahii wali miraq, Kiimaq chapbikaü hoktlaq ikha miraq.

EJEKIEL 19:2

Ümnyung ka hangsikaü akaü riito! Apaiq raq asetiim ka, anok kaqti hangsi liwetiim phong na tiijongto.

DANIEL 7:5

Kaünai ngojati ka chapbikaü ikha, awühok wiinai maq chap raü riito. Anübok niika, maiqsiim rii atsam kamraü. Kiimaq maiqbom ashi raq apaiq ma akha thaüto, “Bakphaq laq! Ngam ka ümchu phaq wa rotlaü phaq laq!”

Hosea 13:8

Ngi ka ase noshii atsatbaiq chapbi kaü ma mijaha, Lata tsangshiq ka kholam kholiiq michai phaqha. Tsangshiq ka hangsikaü raq kaq tlaq ikha, chiimshi niili mirum phaqha. Ngamthaiqkaü raq kaqphaq tlaq ikha, kholam kholiiq mikaq phaqha.

PHOWEBI 18:25

Kiijiishe Dan phannok raq nguto, “Ümniika jam min naqbomkiq li, athi maiqkong tsan ka tiikhiq laüta, ümniirai makjaq kharong khoti riijiiq. Raü ka, ümnaq nai ümjamtitiim wiita atsai chang miraq.”

1 SAMUEL 16:18

Ajaqshamti phong wa weshi raq nguto, “Bethlehem chela na sitiwe Jesi setiim phong wa, weshi ka shiwe shunwe. Apaiq ka nola kiimaq asham kiimin atsomwiq. Kiimaq Apaiq ka sreajong. Kiimaq tsitwe. Tatiwe ka apaiq rai asi.”

1 SAMUEL 17:50

Krai mren, Dawit raq Goliath ka nepja ahü miili tangto. Kiimaq apaiq ka liqkiip nai longtsi poshi miili tsatbaiqto!

1 SAMUEL 23:23

Apaiq tiipaüshan chang hiq ba thun kra riikhaqli liiki rongkiq. Lanta kra tsütsa ka ngi ma tlothit tiitai chong wa rongkiq. Kiijiishetiq, ngi ka namshiq rai mikidam kang. Lata apaiq ka kra chhikilan binjü kiijiili dea jiila, ngi raq apaiq ka tiikot trot miritha. Lata Juda mung kra tlotli na shokchhum nochhum mirit kiha.”