2 SAMUEL 17:9 - ASII LAKDAP Bible (BSI)

⁹ Ümchaü dongdii min, apaiq ka jursap chongkhong longsha bok na bashi ra na atiipaü kaiwi she sham. Dawit raq ümsengi kong kriishe khat raüla, jurwa kra tsütsa ka taijiiq, ümsengi thun ka wiita she khatbaiqto, nguta shapshaü mitiipa.

Hawa Naga Bible 2001

⁹ Piq kuex majuiuc rac taungx lex lung tap vshiz shiz nuex, rvmuq ngoz ruiux baungshiz shiz nuex kvhttuiyq httax yaq shvmx. Dawid rueq miq htenc kuex khvt wvnc shuex kvkaq dvyx, kvruex thaungc kuex tay jix ukhaq rueq muinz mmiq hez kuex sumx tueq ngoz tueq rvjungc phvnc wuez tuex.

2 SAMUEL 17:9 Referencias Cruzadas

2 SAMUEL 17:10

Kiikhiishe tsütsa tai raüla, srea nolajongbi, hangsikaü ikha siti thun kra dongdii min, tsangshiq haisitsi ma aphiip ajiip she mihai song wan. Jamkhano ngukla, Israil mung tlotli raq ümwe ka srea nolajong pinthum kiimaq asengi phenlabi thun ka nolajongbi kong siisaq, kiimaq rekhat na sreajong kong siisaq nguta tarü raq asap siisaq.

2 SAMUEL 17:8

Ümniiriimin asap haü. Ümwe Dawit nai asengikong ka srea nolajongbi siisaq. Kiimaq tsangshiq ka chapbikaü asetiim tsatbaiq raüjaq maiq ka phiim shiim shiim jowan tlaq ikha, atsai ma haimak. Ümwe ka rekhat na nolajong pinthum asap atsin. Kiimaq apaiq ka rawa niimin asengi phenlabi rai adam niika ngamak miraq.

JEREMIA 41:9

Ishmael raq apaiq raq atsatbaiq maiq maaphong dobaiqtaq khappong ka ajong wiq kaü riito. Kriika Hokhamwe Asa pat na apaiq raq Israil mungti Hokhamwe Baasha raq long wantaq akhing na athuthü riito. Ishmael raq kra khappong ka maiq maa phong maq tiimabaiqto.

JOSHUA 7:5

Ai chelati raq Israilnok ka, chela kilamchong maq joho raüta, long piikii chang binjü kiina saüli johoto. Raüta kra lamhong binjü kiiwiili Ai chelati raq, Israilnok ka maiq roqtsamri wetrok tin tsatbaiqto. Kra ningkhan Israilnok ka tsaiji ajom she riito kiimaq ahai she riito.

JOSHUA 8:6

Naishiq raq tsangshiq ka naishiq jai joho chela maq luhea na saüli misheahokai. Tsangshiq raq naishiq ka kongkhu lak na kiikha, tsangshiq hai ma jurai tiikai nguta mitiima.

1 SAMUEL 22:1

Dawit ka Gath chela wa juhoto. Raüta Adullam chela tho na longsha ashi na tiipaü juto. Kiimaq apaiq ka kiijiishe nguta aphu anotiim raq kiimaq apaiq ma ata awii thun riishe tsütsa ka tai raüta, tsangshiq min apaiq rai she pong wan damto.

1 SAMUEL 23:22

Namshiq ka kilanta jangshiri hali liiki rongkiq. Lanta, apaiq ka ümbano tiipaü tla, kiimaq kiijaq juro chhita kra riikhaqli tiitsang dada tiishang rii ronglaq. Ngi raq apaiq ka pinthum khonglaq hea nguta taitiikang.

1 SAMUEL 24:3

Raüta apaiq ka skukong rüm chang wakram tiip tho na lamkii na longshakaü ashi asi, kra longshakaü ki na phai na ngakai kito. Kra longsha ka atsaüwiq riito. Kra akhing na longsha mong na Dawit nai akongtitiim ka tiipaü ngaraqraq riito.