Hosea 13:8 - Hawa Naga Bible 2001

⁸ Ngaz rueq nuimshiq kuex vsaz tvmoz gay tueq japbawx kuiux rueq ikhoc khvt vtueq nuimshiq kuex puinz juir gay phaungx. Hangsic rueq ikhoc kauk shuex baung kvyuq dvyx phauk vtueq vsvl vwvl rueq ikhoc tvhtaq tvruk puinz gay phaungx.

ASII LAKDAP Bible (BSI)

⁸ Ngi ka ase noshii atsatbaiq chapbi kaü ma mijaha, Lata tsangshiq ka kholam kholiiq michai phaqha. Tsangshiq ka hangsikaü raq kaq tlaq ikha, chiimshi niili mirum phaqha. Ngamthaiqkaü raq kaqphaq tlaq ikha, kholam kholiiq mikaq phaqha.

Hosea 13:8 Referencias Cruzadas

2 SAMUEL 17:8

M-waz Dawid nuiyc piq miq htenc kuex rv-khvt rvlungc nuex shvrvyx laqkongx hvlc hez nuiyc jvpbawx kuiux rueq vsaz hez kuex builc kauk gay yaq ikhoc jix hez rvtueq. M-waz kuex paunghvlc shex rvhumc wvnc tueq nolaungx washiz ningkhvnc nuex, raungwvrx nuex muinz piq miq hez rulc vdvmz nuex httax tuex rvmuq.

Tvtsvmc 50:22

“Ngvy lauk gay jix waz lex, vruex kvjaz htenc kuex tay tvtsuingc shuiuz, rvmuq ngoz ruiux ngaz rueq mnoz kuex tvbac gay phaungx, mnoz palc jix washiz muinz httax tuex rvmuq.

Tvtsvmc 80:13

kvruex jungx kuex yaruix wauk htenc rueq nuiuz gay ruiux, svl vwvl ngvmx saz htenc rueq tsenz phauk wuez yaq.

TAKSU LAK 17:12

Vsaz tvmoz gay tueq japbawx kuiux rulc rvhumc tix kuex, vngaz yauk shuimc shuimc jix miqyaq washiz rulc rvhumc tix htauk nuex muinz vhvlx pinhtumc rvtueq.

ISAIA 5:29

Nolaungx bix kuex ngvmx vshiz kauk vtueq uraq muinz nyvlc lot muq juing baung nuex het taq wvnc tueq hangsic ikhoc thuiz yaq.

ISAIA 56:9

Yehowa rueq pungnuk miqphvnx htenc kuex ngvmx saz svl vwvl ikhoc waung vtueq vpiq miqsaz htenc kuex tvrumz gay muex jungx tueq.

JEREMIA 12:9

Ngaz rueq vthvl miqsaz kuex samx wvguip maq lawx htenc rueq phamc gay rvhumc tueq wushawx ikhoc yaungx yaq. Phuiuz svy moalx nuex lomx kay tvkoc ngvmx saz svl vwvl htenc kuex gvl shuiuz!

JEREMIA 25:38

Hangsic rueq piq htawc luix gay shec tueq ikhoc Yehowa rueq vpiq miqsaz kuex gay shec tueq. Vkawc yawc juing ralx rvlungc nuiyc Yehowa vpiq thuinkhvy rueq kvruex mungtan kuex ghaqkuiyq ghaqkhvmx kumtsvy tvnx muex tvyaungc gay tueq.

Hosea 2:12

Piq lungwawc jix hez rueq piq muex yauk noalc vkuq ngoz yaq svpiq ruiuz htenc nuiyc phuiuq muiuq jungx htenc kuex ngaz rueq tvbac gay shaungx. Ngaz rueq piq svpiq sunc htenc nuiyc pulx thuey waqthuimx sunc htenc kuex rumz muex tvyaungc gay shaungx; ngvmx saz svl vwvl htenc rueq tsuingshiq kuex tvbac gay shuex.

Hosea 5:14

Ngaz rueq hangsic vshiz ikhoc Israel nuiyc Yuda miqsaz htenc kuex khvt shaungx. Ngvy pumz maq tsuingshiq kuex tv-phuinz tv-phux puinz gay yix maq tsuingshiq kuex gay shec shaungx. Ngaz rueq tsuingshiq kuex het laq shaungx nuex, uraq muinz tsuingshiq kuex palc wvnc lot muq.