Hosea 13:9 - ASII LAKDAP Bible (BSI)

⁹ “Israilnok lei, ngi raq namshiq mishthen baiqha. Ijaqkhon wa namshiq tiichhiiti asi shea?

Hawa Naga Bible 2001

⁹ “Israel miqsaz lex, ngaz rueq nuimshiq kuex tvbac gay phaungx! Kvkaq nuimshiq muex uraq lac romc kuq lot kv-phuinx?

Hosea 13:9 Referencias Cruzadas

2 KAÜWA WERAÜ 28:23

Apaiq riika apaiq khatti raüta apaiq ka tang wantinok Siria mungti phra kong kriima khoti honglu hongtan thun ka kuq hoto. Apaiq riika akha khoti nguto, “Siria mung wa phra kong riika Siria mung hokhambi khrum kuqto. Krai mren, jursap ngi raq tsangshiq ka shomnoq lata hanglu takuq wan ha jiika, tsangshiq raq ngi min wa khrum kuqjiiq riila.” Apaiq raq ara ngarai klo kha na, apaiq khuthaq na nai mung khuthaq na athen wan chang lamlu she saü wato.

Tvtsvmc 146:5

Jurwa Jakob Shiikeawe ka apaiq khrumti ma thütlaq kriiti ma peohea kiimaq juwa apaiq Tatiwe ma tlamtlaq,

Tvtsvmc 33:20

Nashiq ka Tatiwe ma rantiikai; apaiq ka nashiq tiiwongti kiimaq nashiq khrumti.

Tvtsvmc 46:1

Shiikeawe ka nashiq tiiwongti kiimaq nashiq ningkun, chamchao akhing na khrumke miitu wranaiqshe khekham sitlo.

TAKSU LAK 6:32

Shatmaq maiqchak rai srakaiti ka, tsiihü pinthum. Apaiq raq maiqmii rilung ka, atu na shiithen baiqtlo.

TAKSU LAK 8:36

Jurwa ngi hummak dea, kriiwe ka mo hophaqtlo, jurwa ngi ngengtlaq, kriiti ka tsailam lungwiitlo.

ISAIA 3:11

Shatmaq abi klotibi thun ka miqto she. Tsangshiq raq nanok ma jamlai ashut wa klotaq kriithun ka tsangshiq miishe mijang kuq wan.

ISAIA 3:9

Phowebi raq maiqse ka athea phi na lii raüta kha phokuq wan tlaq kra, kha ka tsangshiq khuthaq na minyan wan. Tsangshiq raq raweahü maq Sodom chelati raq ngarai klotaq ikha klotlo. Tsangshiq ka miqto she. Kiimaq tsangshiq raq kra maiqmii jaq miili tsang mea wan chang lam kra tan wanto.

JEREMIA 2:17

Israil lei, arka ümniiraq ümjaqlii maq arit haü! Ümniiraq ngi miimbaiq laü, Tatiwe, üm Shiikeawe, Ngi raq ümniika lam maq shea wan tiikang akhing na miimbaiq laü.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 4:18

Juda lei, arka ümniiraq ümkhu thaq na, ümrilung na ümchap ümnga maq kiimaq ümjaq sham ümkai wa maq niq wan laü ahata. Ümngarai ma phong kra tham she ara chamchao ara saü wanto. Ümchaü sanha jasai maq üm mongpo na tiiphok ra she shokto.

JEREMIA 5:25

Shatmaq namshiq ngarai raq ara ahea awa thun ara namshiq raq lapchang wa shangbaiqto.

Hosea 13:4

Tatiwe raq ngutlo, “Ngi ka namshiq Shiikeawe. Namshiq ka Ejip mung wa sheawan kang. Namshiq Chhiiwanti Shiikeawe ka ngi arli. Ngi tlea raüta ahin Shiikeawe ahü.

Hosea 14:1

O, Israilnok lei, nam Shiikeawe puk na nyap wan nong ronglaq! Namshiq ngarai kho na thap lantea dea wan lan.

Hosea 7:14

Tsangshiq achu jaü ka tsan mong maq riimak, thatsang maiqse achu jaü ikha jaütlo. Akap atsea hiq na bumraüta hoqsiitlo. Tü nai tsam kiimaq spiqtai miitu achu jaü raüla, Thatsang maiqse raq jaütlaq ikha, jasai maq tsangdü na tiihan raüta, ami atsi tamli phetrang tlo. Tsangshiq ka ngi ma wesang kong!

Hosea 7:15

Tsangshiq ka ngi raq ashunshea wanha. Lata atiichhanchhi wanha. Lata koilong koilanok ma tiija wan kang. Shatmaq tsangshiq ka, ngi rai wesang ralii jawanto.

MALAKI 1:12

Shatmaq namshiq raq, iberongwacha ka asii riimak nguta ngutlan, kiimaq phaqsea ashe ashi kra kuq lanta shummii tlan.

MALAKI 1:13

Namshiq raq, ‘Ara ramwe jaqsham arka atuli, maiqdam atsi li hunnii tiikai!’ nguta ngutlan. Lanta, nammak lü ka ngi ma shipotpot maq liitlan. Krai mren, namshiq raq ngi ma nyamse honglu kuq tlan kriimin, ahuk arot hupsam kuq tlan. Riimakla, akü ashii, riimakla, atsi asi nyamse kuq tlan. Namshiq raq ngi ma akhnok kuq tlan arka, ngi raq mitao ngutiisha tiima tlan?

MALAKI 1:9

Ümchaü, ramwebi lei. Namshiq raq Shiikeawe jaq wa, apaiq ka nashiq ma tsii ahea mithü laq, nguta apaiq jaq wa achu jaü rong liishaq. Apaiq raq namshiq achu jaü ka tremak miraq. Kriika namshiq jiq.

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.

TRI CHONGKE 33:29

Israil lei, ümniika kopan jonghea! ümnaq akha maiq jumin ahü, Tatiwe raq atiichhii wan mung ashi. Tatiwe apaiq kli ümliiq kiimaq üm nepja, ümnaq tiiwongketi kiimaq ümniima rekhat tiitangketi. Ümjaqtinok ka tiihang kuqlaq nguta ümman na mitiipaiqnea, kiimaq ümniiraq tsangshiq ka hok maq nishishi mirhaü.