Hosea 2:12 - ASII LAKDAP Bible (BSI)

¹² “Arthun ara iwesetiim raq ngi ma ijaq maq akuq,” nguta tiitsakitlaq, apaiq spiqro nai phupmup ro ka, Ngi raq wiitashe mishthen baiqha. Lata rumnyangkhi miishe mitiija baiqha. Kiimaq rumnyamse kong riishe, petsiro thun wiita mishthen baiq.

Hawa Naga Bible 2001

¹² Piq lungwawc jix hez rueq piq muex yauk noalc vkuq ngoz yaq svpiq ruiuz htenc nuiyc phuiuq muiuq jungx htenc kuex ngaz rueq tvbac gay shaungx. Ngaz rueq piq svpiq sunc htenc nuiyc pulx thuey waqthuimx sunc htenc kuex rumz muex tvyaungc gay shaungx; ngvmx saz svl vwvl htenc rueq tsuingshiq kuex tvbac gay shuex.

Hosea 2:12 Referencias Cruzadas

Tvtsvmc 80:12

Ümniiraq kra tsung tro wa sonruk ka jam nguto siiqbaiqlaü? Ümchaü ka maiq akhumti raq kra spiqtsi ka huksiqtlo.

ISAIA 29:17

Riita ija, maiqbom tiihap hong akha asi, jaqlo liipan niili rumnyangkhi binjü thun ka wakjam ram miishe mijaki. Kiimaq wakjam ram thun kriika rumnyangkhi bintang jüngi ma mijaki.

ISAIA 5:5

“Ngi raq ispiqro ka akhiishe mirha. Sonruk tro wa ruk ka asiiqshe mirbaiqha, atiiwong chang ruk ka arun she mirbaiqha. Lata rum nyamse kong miishe mitiiphaqha. Lata rumnyamse kong ma ji maq wiita mitiinibaiqha.

ISAIA 7:23

“Ümtiikiiwa kra akhing she saü wan jiiq, spiqro sonruk ahea pinthum phan thun kriika sonruk ashi na spiqtsi chong ka hingshi shi miraq. Kiimaq kra sonruk ashi thii ka kampho kamsii hingshi shi rii miraq. Kra sonruk thun kriika shukrü rum raq lam wan raüta kiida rü tonglong kiimaq shuktam rü tonglongli she miraq.

JEREMIA 13:26

Tatiwe apaiq jaq maq ümkhum wa khu akhea ka michhut baiq. Raüta ümniika naiqhü maq jea mitiingaü.

JEREMIA 26:18

“Man na Hejekia raq Juda mung na hokham jataq akhing na, Moresheth hiqti shammiwe Mika raq mungmaiqse tlotli ma Tati Ningkun Ajongwe raq jamlai wa ngutaq kra akha chongto, ‘Jajon chela ka wak thutlaq ikha mithubaiq, Jerusalem ka jamriim phong li she miraq, kiimaq Shomjam haichang jamkhii ka rumtang pero ma mijaki.’

JEREMIA 5:17

Tsangshiq raq namshiq tü atsam nai tsamtum thun ka wiita miphaq siq wan. Tsangshiq raq namse maiq wese kong thun nai jechak sekong thun kra wiita mijiip baiq wan. Tsangshiq raq namshiq nyamsekong skukong nai chhechhi minsaü kong thun wiita mijiipbaiq. Kiimaq namshiq spiqro thun nai phupmupro thun kra wiita mishthenbaiq. Namshiq kamsea chang kiitelong maq trotam maq rukje chela thun ka tsangshiqnok phenlabi raq mitiithenbaiq.

JEREMIA 8:13

“Ngi raq isenginok ka maiq weshi raq awak wa tsam riichom juttlaq ikha adam na riichom wan lungwiikang. Shatmaq tsangshiq ka spiqro na atsi ahü spiqro ikha; kiimaq phupmup chong na atsi ahü ikha; ajaq thun kiimin wiita ajung kaikun she. Arningkhan she Ngi raq pongmungti ma armung ara seawan miitu kiinong kuqbaiq kang.”

Hosea 13:8

Ngi ka ase noshii atsatbaiq chapbi kaü ma mijaha, Lata tsangshiq ka kholam kholiiq michai phaqha. Tsangshiq ka hangsikaü raq kaq tlaq ikha, chiimshi niili mirum phaqha. Ngamthaiqkaü raq kaqphaq tlaq ikha, kholam kholiiq mikaq phaqha.

Hosea 2:5

Jamkhano ngukla anyung mephe ja wanto, kriiwa asetiim ka hum wanto. Tsangshiq chiiwanti anyung ka ajeasi ahü mephe jawanto. Jamkhano ngukla, “Ngi ka iwesetiim ahinti phaniishe mikihoha; Tsangshiq raq ngi ma tü adung kuqphaq siq tlo. Ngi ma skurai khea kiimaq raihi-nairai khea, kiimaq olip petsi tsai nai che thun kuqphaqsiq tlo” nguta anyung raq bomtlo

Hosea 5:14

Jamkhano ngukla, ngi ka hangsi ma jalata, Israil mung ka mikaqha, hangsisetiim ma jalata Juda mung mikaqha, tsangngam ka bunlak buncha mipan phaqha. Inübok wa tsangshiq tiichhii wanti jumin ahü.”

Hosea 9:1

O, Israilnok lei, thatsang maiqse raq lang tlaq ikha, poi naq lang rongkiq. Namshiq ka Shiikeawe wokhong wa dongho lan. Lanta mephe-nyungre ikha sitlan. Israil mung tlotli na namshiq raq, Baal phra raq namshiq trong wintlo nguta, apaiq shomnoq tlan!

Mikha 3:12

Namshiq raq arümkhan ashut klo tlan khana, Jajon ka ni ma athubaiq ikha mishthen baiq. Jerusalem ka then wan raüta, hiqmiq changkhü miishe mijaki, kiimaq Noqku Jamjong kin ka, rumnyangkhi miishe mijaki