Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.
Kiijiishe hokhamwe raq Mosheq nai Aron ka taülaükhiq tiiheaki nongto. Raüta nguto, “Ngi ka Tatiwe, namshiq Shiikeawe man na kiimaq namshiq man na shut kang.
Ümchaü min, ara ingarai ka lakshi ri diikuq ronglaq. Lanta Tatiwe namshiq Shiikeawe jaq wa ara ngi ma pinthum atsai chang mo tiihotlaq ara lambaiq miitu achu jaü kuq ronglaq.”
Riita Ejip mung hokhamwe ma Israilnok ka laü wanto she nguta chongkiita, apaiq nai asengi ajong alabi raq tsangshiq tsantsii ka aklai she riinongto. Raüta tsangshiq liipan na akha riingoto, “Nashiq raq ara jamlai wa riikai? Nashiq raq Israilnok ka tiijubaiqkai she. Kiimaq tsangshiq ka nashiq dikong wa sumphaq kai she ahata!”
Kiijiishe hokhamwe raq Mosheq nai Aron ka tiiheakito. Raüta nguto, “Ümchaü lak na ngi raq ngarai tangkang; Tatiwe ka riikhaqli dea. Isenginok nai ngi dea ashut.
Tatiwe jaq wa achu jaü kuqlaq! Naishiq khuthaq na ara rathaiqtaq kiimaq tsak-hiiq roktaq arka hongto she! Ngi raq kiqkham kuq tiikang. Namshiq ka mitiiwa kang she. Namshiq ka arjaq alu shong nga rai ngomin raamak she.”
Mosheq raq hokhamwe ka baiqthü raüta, chela phai niishe kihoto. Raüta ajaq ka ra na do raüta Tatiwe jaq wa achu jaüto. Kiimaq ramok wa, tsak-hiiq rok wa, kiimaq rajun wa trang ka wiita atsaq she riikito.
Kiijiishe mungmaiqse ka Mosheq phana wato. Raüta akha nguto, “Naishiq raq Tatiwe ma nai ümniima bom abi bomlaita ngarai tangkai. Ümchaü min Tatiwe jaq paü kong ara lambaiq laq nguta achu jaülaq.” Krai mren Mosheq raq Mungmaiqse miitu achu jaüto.
Kiijiishe, Simon raq, “Phuno we nai lei, mangchan lanta, ngi miitu Tatiwe jaq wa achu jaükuq ronglaq. Ümchaü namnai raq jamlai wa chong lan kra manson ka i dü na nimak chang miitu,” nguta Petar nai Johan ma chongto.