DUNGWVNC 8:8 - Hawa Naga Bible 2001

⁸ Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.

ASII LAKDAP Bible (BSI)

⁸ Kiijiishe hokhamwe raq Mosheq nai Aron ka tiiheakito. Raüta nguto, “Tatiwe jaq wa achu jaü ronglaq, apaiq raq makphang longtlaq kra wiita mitsuq wan laq. Kiimaq ngi raq namshiqnok ka mitiiwa kang. Krai mren tsangshiq raq Tatiwe ma honglu thun ka mitaa kuqlot.”

DUNGWVNC 8:8 Referencias Cruzadas

1 HOKHVMX 13:6

Hokhvmx Jeroboam rueq shvmmax waz muex ngoc, “Kejux maq Yehowa m-Tishox kox wawc ngvy tvkoc vjux thoz kuq koq, ngvy yauk kuex tvhvlc kuy tvkoc vpiq kox wawc kvmenc jenc thoz kuq koq!” ngoz tueq jungx tueq. Shvmmax waz rueq muinz Tishox kox wawc vjux thoz koq tueq hokhvmx waz yauk kuex hvlx kaz tueq.

Tvtsvmc 66:3

“Mnoz rueq shuimx wvnc toq yauk shuimc htenc kuex mtanc vwangc juing wuez! Mnoz luimc vkawc kuex yunghvlc ningkhvnc nuex mralx htenc kuex mkhaungkac nuex kvhiz vtueq bumx wuez tuex.

DUNGWVNC 10:16

Kvkaq hokhvmx waz rueq Moshe nuiyc Arun kuex yauk lox gvl vtueq, “Ngaz rueq Yehowa nuimshiq Tishox muex nuiyc nuimnueyc muex mvrax yaq tauk.

DUNGWVNC 10:17

Majuiuc lauk wawc ngvy mvrax kuex dawc kuq ruiux, vruex thuimkux bac hvlc kuex tvsawc kuy tvkoc Yehowa nuimshiq Tishox kox wawc vjux thoz shuinz,” ngoz tueq jungx tueq.

DUNGWVNC 10:18

Moshe kuex hokhvmx waz kox maq dung kaz vtueq Yehowa kox wawc vjux thoz tueq.

DUNGWVNC 14:5

Ejip hokhvmx waz rueq miq htenc yuz wvnc vtuex lvmz tay vtueq, piq nuiyc piq miq vyungx vlaungx bix kuex thuinz kvlayc wvnc yek vtueq, “Naunghez rueq yvmx lac rvgay tiq nguinx! Naungshiq dax Israel miqsaz kuex tvkaz gay tiq shex vnauz!” ngoz tueq rv-ngoc wuez tueq.

DUNGWVNC 32:11

Yuq muinz Moshe rueq Yehowa piq Tishox muex kvmenc jenc jungx tueq kuex, “Yehowa lex, mnoz rueq Ejip mungx wawc kvmungx yunghvlc luimc vkawc maq palc daungc wvnc toq mphvnx miq htenc muex yvmx ngoz tueq lac khaq vtuiux?

DUNGWVNC 5:2

Hokhvmx waz rueq, “Yehowa ngoz yaq kuex ukhaq lac? Yvmx ngoz tueq lac ngaz rueq piq kvjaz kuex tay kuq vtueq Israel miqsaz kuex tvkaz shaungx? Ngaz rueq kvruex Yehowa kuex tuiuz mauk; Israel miqsaz kvmuinz tvkaz lot mauk,” ngoz tueq tvralc tueq.

DUNGWVNC 8:15

Hokhvmx waz rueq lukburx htenc thueyc kaz tueq kuex khiz vtueq, piq khux tvtsanz laq yek tueq, Yehowa rueq jungx tueq rulc rv-ngvlc Moshe nuiyc Arun kvjaz kuex hokhvmx waz rueq tay kuq muq.

DUNGWVNC 8:29

Yuq muinz Moshe rueq, “Ngaz majuiuc kaz wvnc vtueq, mnoz, mmiqsaz nuiyc mmiq vyungx vlaungx bix htenc kox wawc nyoarbawx kuex invp raungnuiyq sawc wvnc tvkoc Yehowa kox wawc vjux thoz shaungx. Yuq muinz Yehowa muex shomc kuy kay jix miqsaz nuiyshiq kuex mnoz rueq laukshiz nauk laulawc nuiyc nauk tuingshaung kaz,” ngoz tueq jungx tueq.

DUNGWVNC 8:32

Yuq muinz vruex vkhing nuex httuiuc laz hokhvmx waz piq khux tvtsanc laq yek vtueq, miq htenc kuex tvkaz muq.

DUNGWVNC 8:9

Moshe rueq, “Ngaz vkoz vkez maq mnoz tvkoc vjux thoz kuq phaungx. Mnoz, mmiq vyungx vlaungx bix nuiyc mmiqsaz htenc tvkoc ngaz rueq thoz kuy muex mtanc jauz lac htvp htaz shuiuz. Nuimhez kox wawc lukburx htenc kuex tvsawc lvmz gay ruiux, Nile ruilx nuex dvyx shex httax tuex,” ngoz tueq tvralc tueq.

DUNGWVNC 9:27

Hokhvmx waz rueq miq tvkaz vtueq Moshe nuiyc Arun kuex tvgvl kaz tueq, “Majuiuc lauk kuex ngvy mvrax rvtueq; Yehowa kuex vlvmx, ngvy miq htenc nuiyc ngaz kuex yaq tiq.

DUNGWVNC 9:28

Yehowa kox wawc vjux thoz shuinz! Nuiyhez nuex raungx rueq pheq nuiyc tv-nguirx rueq tuip yaq kuex hungx tueq shex! Nuimhez tvkay tvkoc ngaz rueq bomkhvmc kuq vphaungx; nuimshiq vyuq loayc hvlc httax muit shex rvtuinx,” ngoz tueq jungx tueq.

DUNGWVNC 9:33

Moshe kuex hokhvmx waz kox maq ghaqyungx ke-phic nuex kaz wvnc vtueq, vyauk nueyc kuex tenz ruiux, Yehowa kox wawc vjux thoz tueq. Raungmuk, tv-nguirx nuiyc raungyunc htenc kuex suingx wvnc tueq.

WEAWEA 21:7

Kvkhoc rvtueq miq htenc kuex Moshe kox nuex kaz vtueq, “Nuiyshiq rueq mnoz muex nuiyc Yehowa muex khawx lvlx ngoz ngax vtueq yaq gay tiq. Majuiuc muinz puiuc htenc vruex yurc gay tvkoc Yehowa kox wawc vjux thoz kuq koq,” ngoz tueq kvmenc jenc thoz tueq. Kvkhoc rvtueq Moshe rueq miq htenc kvruex tvkoc vjux thoz kuq tueq.

Acts 8:24

Kvkaq Simon rueq Peter nuiyc Yohan muex, “Ngaz nuex nuimnueyc rueq jungx vshuinx lvmz yvmx muinz httuiuc muq mruez kueq, ngvy tvkoc kejux maq Taungjix kox wawc vjux thoz kuq kuit,” ngoz tueq jungx tueq.

1 SAMUEL 12:19

tsuingshiq rueq Samuel muex ngoc, “Jiyungx waz lex, kejux maq nuiyshiq thueyc kaz miq tvkoc Yehowa m-Tishox kox wawc vjux thoz kuq koq. Vganc nuiyshiq mvrax htenc lotlaz htauk nuex, nuiyshiq rueq hokhvmx thoz ningkhvnc nuex yaq tiq nuiyshiq mvrax htenc kuex majuiuc nuiyshiq rueq tuiux tiq shex,” ngoz tueq jungx tueq.