DUNGWVNC 8:9 - Hawa Naga Bible 2001

⁹ Moshe rueq, “Ngaz vkoz vkez maq mnoz tvkoc vjux thoz kuq phaungx. Mnoz, mmiq vyungx vlaungx bix nuiyc mmiqsaz htenc tvkoc ngaz rueq thoz kuy muex mtanc jauz lac htvp htaz shuiuz. Nuimhez kox wawc lukburx htenc kuex tvsawc lvmz gay ruiux, Nile ruilx nuex dvyx shex httax tuex,” ngoz tueq tvralc tueq.

ASII LAKDAP Bible (BSI)

⁹ Mosheq raq treto, “Ngi ka khoqriiqkhiq maq ümnaq miitu achu mijaü kuqha. Ngi ma akhing kli chong liina, ümnaq, ümsengi ajong alabi, kiimaq ümsengi mungmaiqse miitu ümtiikaq achu jaüke chang wa kra chonglaq. Kiimaq ngi raq achu jaü hala, ara makphang longtlaq raüta ümnaq chamchao tlaü arka ahüshe miraq. Raüla makphang ka wiita she mimoki. Nai rai niili she mitiichongki.”

DUNGWVNC 8:9 Referencias Cruzadas

1 HOKHVMX 18:25

Kvmaq Eliya rueq Bala shvmmax hez muex ngoc, “Nuimhez kuex miq vpaung rvtuit ningkhvnc nuex manx pungshiz kuex lvmz vtueq tvhungx phaungc shuinz. Nuimshiq tishox kox wawc vjux thoz shuinz, janx kuex wvr maq nauk suy kaz,” ngoz tueq jungx tueq.

DUNGWVNC 7:25

Yehowa rueq yuix ruilx kuex wung tueq maq raungx mvshix shex rvtueq.

DUNGWVNC 8:10

Hokhvmx waz rueq, “Ngaz muex invp vjux thoz kuq koq,” ngoz tueq tvralc tueq. Moshe rueq, “Mnoz rueq jungx shuiux kvrulc rv-ngvlc thoz kuq phaungx, nuiyshiq Yehowa Tishox vkhoc tishox vguez lvmz kuex mnoz rueq tuiuz taq shuiux.

DUNGWVNC 8:11

Lukburx htenc kuex mnoz nuiyc mmiq vyungx vlaungx bix nuiyc mmiqsaz htenc kox wawc tvsawc lvmz gay ruiux, Nile ruilx nuex dvyx shex httax tuex,” ngoz tueq jungx tueq.

DUNGWVNC 8:8

Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.

ISAIA 10:15

Yuq muinz Yehowa rueq, “Muingkix kuex vshuimc jix waz htauk nuex vyungx ngoz tueq kv-ngoc lot tuex haz? Luetluz kuex vgvnc jix waz htauk nuex muinz vkhek ngoz tueq kv-ngoc lot tuex haz? Wungc rawc rueq miq kuex tenz muq; miq rueq jix wungc rawc kuex tenz yaq,” ngoz tueq jungx tueq.

WEAWEA 14:20

Yehowa rueq, “Mnoz rueq kvmenc jenc tvtay jungx vshuiux rulc rv-ngvlc ngaz rueq tsuingshiq mvrax kuex dawc kuq shaungx.

PHOWEBI 7:2

Yehowa rueq Gideon muex ngoc, “Mnoz nuex httax yaq miq htenc kuex ngvy tvkoc paunghvlc ningkhvnc nuex tsuinghez muex Median miqsaz kuex tvtaungx gay roc mauk. Tsuingshiq ningkhvnc nuex taungx gay tiq ngoz tueq tvmaung wuez vtueq ngvy ngauz ngax kuex shummarc phuex.