DUNGWVNC 4:1 - ASII LAKDAP Bible (BSI) Kiijiishe Mosheq raq Tatiwe bom ka akha treto, “Shatmaq Israilnok raq ngi ma kam mak kiimaq ngi raq chong tiikang kra taimak raüha. Tsangshiq raq ngi nang nga ümniika ngi rai riihumki maü dea nguta nguraüha?” Hawa Naga Bible 2001 Moshe rueq Yehowa muex ngoc, “Mkhoc shoc maq Israel miqsaz kuex ngaz muex kvmx muq, ngaz rueq jungx ruiux muinz tay muq. Mnoz rueq Yehowa khiz toq ngoz shuiux kuex yaungx lot muq, ngoz laq ruiux yuq, ngaz rueq yvmx khoc lac rvshaungx?” ngoz tueq wiz tueq. |
Kiimaq kra shammiwe raq abom ka akhiishe tiitsuqto, “Ara berong-wacha arka kholam kholiiq she mitiibunbaiq. Kiimaq arwa honglu wabun phong kriika tsoho raüta wiita wantha wanthi she miwanbaiq. Kra chhi haü jiitiq ümniiraq arka Tatiwe raq ngi lümiidea tiichongto ngutiishe misap haü.”
Kriiwe raq treto, “Naishiq thaq na ümniika tuwe ma nai phowe ma juro shongta? Ümniiraq Ejip mungtiwe tsatbaiq laü kiikha ngi armin tsea baiq shea dantlaü?” Kiijiishe Mosheq ka ahai riito. Kiimaq apaiq nai apaiq she tiingoto, “Ngi raq jamlai wa klo kang kra maiq riishe sapto.”
Israilnok ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe raq ümniika tsangshiq phana tiikito nguta chonglaq. Arka pattup pat-sa miitu imang. Rawiichii maiqpat ümchuwa saü wantlaq kriiraq imang ka akha chong chang.
Kilaq. Laüta Israilnok welabi ka adam na triitamlaq. Laüta tsangshiq ma chonglaq, Ngi, Tatiwe, tsangtitiim Shiikeawe, Abraham Shiikeawe, Isak Shiikeawe, kiimaq Jakob Shiikeawe ka ümniirai sham riichhikito nguta chonglaq. Laüta tsangshiq ma Ngi ka tsangshiq phaniishe saüki kang kiimaq Ejip mungti raq tsangshiq ka jamkho haihiitlaq kriika chhikang she nguta chonglaq.
“Ümniiraq tsangshiq ma jamlai wa chongkuq tlaü ka isenginok raq mitai. Laütiishe ümniika Israilnok welabi thun kra sheaho laüta Ejip mung hokhamwe phana kai ratlo. Laüta apaiq ma akha chonglaq, ‘Tatiwe, Hibrunok Shiikeawe ka naishiq ma apumsii maq asham tiichhikito. Ümchaü min ümniiraq naishiq ka rumnyangkhi kumtsaiphii wang na Tatiwe, naishiq Shiikeawe ma honglu takekai miitu ranaiq tsam khumchang loq na saüli kaiho miitu naishiq ma aming kuqlaq.’
Shatmaq Mosheq raq nguto, “Riimak, Tatiwe, ngi ka naq thaükiq. Ngi ka maiq ma bom chongketi riimak. Kiimaq ümniiraq ngi rai riibom tlaü ariiraq, ngi ka tsüwe tsitwe ma tiija mak. Ngi ka maiqrai riibom tsin mang we. Kiimaq agak agaq nai anang anamtiwe.”
Kiimaq Aron raq tsangshiq ma Tatiwe raq Mosheq ma bom chongkuqtaq kra wiita tlü chongkuqto. Kiijiishe Mosheq raq mungmaiqse khaki na awang chang jaqsham thun kra klo raüta tiichhi kuqto.
Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.
Shatmaq Mosheq raq treto, “Israilnok riisintla ibom ka tairo mak, ikhiijiika hokhamwe raq ibom ka jaramshe wa mitai siq? Ngi ka ibom isa min tsin mang we, wepuq pinthum.”
Shatmaq Mosheq raq treto, “Ümniiraq asap haü, ngi ka ibom isa min tsin mang we, wepuq pinthum, hokhamwe raq ibom ka jaram wa mitai?”
Kiijiishe Ngi raq trekang, “Ajong Pinthum Tatiwe, ngi ka ibom isa min tsin mang. Ngi ka nose se li.”
Tatiwe ningkun ka ikhum na henghea maq saükito. Kiimaq ngi ka apaiq wenyi raq jamkho dowantlaq kra phan phan, ngi ka kiqdaqtam dokdok kiimaq tsankhiqhea riito.
(Apaiq raq tiima wan ka, Shiikeawe raq apaiq lümaq, tsangmung ka mitiichhii kuq wan nguta misap ahiq nguta tiimato. Shatmaq, tsangshiq raq kriika sap mak dea.)
Gideon raq treto, “Ümniika ngi ma khoqriiq tlaü dea jiila, ümniika Tatiwe dea nguta phanshi ra saqse tiichhi kuq laq.