DUNGWVNC 6:12 - ASII LAKDAP Bible (BSI)

¹² Shatmaq Mosheq raq treto, “Israilnok riisintla ibom ka tairo mak, ikhiijiika hokhamwe raq ibom ka jaramshe wa mitai siq? Ngi ka ibom isa min tsin mang we, wepuq pinthum.”

Hawa Naga Bible 2001

¹² Yuq muinz Moshe rueq tvyez jungx tueq kuex, “Israel miqsaz rueq doc muinz ngvy kvjaz tay kuq muq, kvkhoc rvtueq hokhvmx waz rueq yvmx khoc lac tay kuq phvnx? Ngaz kuex kvjaz vgaq, bomc duimz waz rvtauk,” ngoz tueq jungx tueq.

DUNGWVNC 6:12 Referencias Cruzadas

DUNGWVNC 3:11

Shatmaq Mosheq raq Shiikeawe ma nguto, “Ngi ka juwa. Ngi ka hokhamwe phana jamkho miki kiimaq Israilnok ka Ejip mung wa jamkho mitiidong tsuq wan lot?”

DUNGWVNC 3:13

Shatmaq Mosheq raq treto, “Riita ngi ka Israilnok phana kilata, tsangshiq ma, ‘Namtitiim Shiikeawe raq ngi ka namshiq phana tiikito,’ nguta nguha jaq tsangshiq raq ngi ma, ‘Riita Apaiq mang ka juwa?’ nguta miwai. Kra ngu raüjaq ngi raq tsangshiq ma jamkho michongha?”

DUNGWVNC 4:1

Kiijiishe Mosheq raq Tatiwe bom ka akha treto, “Shatmaq Israilnok raq ngi ma kam mak kiimaq ngi raq chong tiikang kra taimak raüha. Tsangshiq raq ngi nang nga ümniika ngi rai riihumki maü dea nguta nguraüha?”

DUNGWVNC 4:10

Shatmaq Mosheq raq nguto, “Riimak, Tatiwe, ngi ka naq thaükiq. Ngi ka maiq ma bom chongketi riimak. Kiimaq ümniiraq ngi rai riibom tlaü ariiraq, ngi ka tsüwe tsitwe ma tiija mak. Ngi ka maiqrai riibom tsin mang we. Kiimaq agak agaq nai anang anamtiwe.”

DUNGWVNC 6:13

Kiijiishe Tatiwe raq Mosheq nai Aron ma akha aming tatto: “Israilnok nai Ejip mung hokhamwe ma chonglaq, Ngi raq ümniima Israilnok ka Ejip mung arwa tsuq wan miitu aming kuq kang she nguta chongkuq laq.”

DUNGWVNC 6:30

Shatmaq Mosheq raq treto, “Ümniiraq asap haü, ngi ka ibom isa min tsin mang we, wepuq pinthum, hokhamwe raq ibom ka jaram wa mitai?”

DUNGWVNC 6:9

Mosheq raq arthun ara Israilnok ma chongkuqto. Shatmaq tsangshiq raq apaiq bom ka tai mak riito. Jamkhano ngukla tsangshiq tsaiji ka riitsi tsai tsiiq dikong rilung tiichamchaotlaq kra ningkhan ajomkaikun she riito.

ISAIA 6:5

Kiijiishe ngi raq akha ngukang, “Ngi kla lun mang she! Miqkang she! Jamkhano ngukla inübok maq bomtsi aweatek dongtlaq kriika ngarai buli. Kiimaq ngi ka abomtsi awea ka ngarai tamli bomtinok rai sidam tiikang. Akhiitaü miidea min, ngi raq imak maq Hokhamwe, Ajong Pinthum Tatiwe ka chhikang!”

JEREMIA 1:6

Kiijiishe Ngi raq trekang, “Ajong Pinthum Tatiwe, ngi ka ibom isa min tsin mang. Ngi ka nose se li.”

JEREMIA 6:10

Ngi raq akha trekang, “Ngi raq tsangshiq ma honlam tsii chongkuqha jiika ibom ka juro mitai? Tsangshiq ka nilan krai mren ümtsütsa ka chongkuqki raümin taimak angiimli riitlo. Ümniiraq ngi ma jamlai bom wa tiichongki tlaü, kra chongki kangla, tsangshiq raq ngi ka anaiküli riitlo.

LEWI 26:41

Tsangshiq raq Ngi ka wesang ralii ma tiija wanto. Kriikha na Ngi raq tsangshiq ka tsang jatinok mung na rewa munglu wanshawe ma tiija baiq wan kang. Atiisup niishe, ümtiikiiwa namsaü namsetiim pat na tsangshiq ka aran miishe jaraüta kiimaq tsangshiq ngarai kha nai tsangshiq raq ikiq khii wantaq kha ka thamkuq lottoshe angu niitiq,

Acts 7:51

Krai mren, Stephen raq tsangshiq ma, “Riita ara chongtiikai arai mren, namshiq tsantsii ka pinthum wanshakshak! Namtsantsii ka thatsang maiqse tsantsii ikha thü tlan. Shiikeawe bomchong ka tai man phan! Namtitiim pat na jamkhiiwa lanlaqlaq siwantaq, kiikha ümchaü namshiq min lanlaqlaq sitlan. Namshiq riimin Asii Wenyi bomchong ka khiilataq maq khü tlan!

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.