DUNGWVNC 4:1 - Hawa Naga Bible 2001

¹ Moshe rueq Yehowa muex ngoc, “Mkhoc shoc maq Israel miqsaz kuex ngaz muex kvmx muq, ngaz rueq jungx ruiux muinz tay muq. Mnoz rueq Yehowa khiz toq ngoz shuiux kuex yaungx lot muq, ngoz laq ruiux yuq, ngaz rueq yvmx khoc lac rvshaungx?” ngoz tueq wiz tueq.

ASII LAKDAP Bible (BSI)

¹ Kiijiishe Mosheq raq Tatiwe bom ka akha treto, “Shatmaq Israilnok raq ngi ma kam mak kiimaq ngi raq chong tiikang kra taimak raüha. Tsangshiq raq ngi nang nga ümniika ngi rai riihumki maü dea nguta nguraüha?”

DUNGWVNC 4:1 Referencias Cruzadas

1 HOKHVMX 13:3

Kvkaq shvmmax waz rueq, “Vruex shomrawx kuex kvhttak bunx wvnc tuex, kvruex htauk wawc tvp htenc muinz pvnx wvnc tuex. Kvkaq Yehowa rueq ngaz maq raz tueq kvjak yaq kuex nuimhez rueq tuiuz lvp wuez shuinx,” ngoz tueq jungx tueq.

DUNGWVNC 2:14

Kvruex waz kvraq, “Uraq lac mnoz kuex nuiyshiq guimz lawc muex nuiyc phoc waz muex tvyaungc kv-phux? Mnoz rueq Ejip miq thvt gay toq kvkhoc ngaz vruex muinz thvy gay haz dvnc vphux?” ngoz tueq. Kvkaq Moshe piq pumz maq vhiz svy thuiuz muex, “Ngaz rueq shuimx wvnc tauk kuex miq rueq tuiuz gay tueq shex ngoc raung,” ngoz tueq kv-ngoc tueq.

DUNGWVNC 3:15

Israel miqsaz muex jungx kuq shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kuex tsuingshiq kox nuex tvkaz vphaungx. Vruex muingc kuex pattup pat-sac yaungx tuex; yix maq miqphvnx lotlaz miqpat ruip rawx rueq ngaz kuex gvl wuez phuex.

DUNGWVNC 3:16

Mnoz kaz vtueq Israel miqsaz walaungx bix kuex tvtuimx ruiux, tsuingshiq muex jungx shuiuz, tsuingshiq jix vwaz tamx Tishox, Abraham, Esak, Yaku Tishox, Ngaz Yehowa rueq mnoz kox nuex kvkhic kaz tueq lvmz tsuingshiq muex jungx shuiuz, ngaz tsuingshiq kox nuex kaz vtueq Ejip miqsaz rueq tsuingshiq muex ruez yaq kuex khiz tauk.

DUNGWVNC 3:18

“Mnoz rueq jungx shuiux kvjaz kuex ngvy miqsaz rueq tay shuex. Kvruex yimaq mnoz kuex Israel walaungx bix rulc vdvmz Ejip hokhvmx waz kox nuex kaz vtueq, ‘Hebre miqsaz Yehowa Tishox kuex kvkhic phuex shex. Majuiuc nuiyshiq Yehowa Tishox muex shomc nawk kuy tvkoc nuiyq thuimx lvmx kumtsvy tvnx nuex kaz phix,’ ngoz tueq thoz shuinz.

DUNGWVNC 4:10

Yuq muinz Moshe rueq, “O Yehowa lex, ngaz kuex nauk tvkaz vkueq. Ngaz kuex mkaq muinz vbomc vnyamc khvmc mauk waz rvtauk, Mnoz rulc rvbomc vtaungx nuex doc muinz bomx nyamx thenc mauk. Ngaz kuex kvjaz vgaq, thuic duimz, kvjaz komc hvlc miq rvtauk,” ngoz tueq jungx tueq.

DUNGWVNC 4:30

Moshe muex Yehowa rueq jungx kuq tueq phvnx ruip saz kuex Arun rueq tsuingshiq muex jungx kuq ruiux, Moshe rueq tsuingshiq khaungkac nuex vwangc juing phvnx htenc tvkhic tueq.

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

DUNGWVNC 6:12

Yuq muinz Moshe rueq tvyez jungx tueq kuex, “Israel miqsaz rueq doc muinz ngvy kvjaz tay kuq muq, kvkhoc rvtueq hokhvmx waz rueq yvmx khoc lac tay kuq phvnx? Ngaz kuex kvjaz vgaq, bomc duimz waz rvtauk,” ngoz tueq jungx tueq.

DUNGWVNC 6:30

Yuq muinz Moshe rueq, “Ngaz kuex kvjaz vgaq, bomc duimz waz rvtauk; mnoz rueq tuiuz yaq, hokhvmx waz rueq ngvy kvjaz kuex yvmx khoc maq lac tay kuq phvnx?” ngoz tueq tvralc tueq.

JEREMIA 1:6

Ngaz rueq, “Johvlc Yehowa lex, ngaz kuex rullungx nosaz shauk ningkhvnc nuex mkhoc jungphvnc juing wuez ngaz rueq tuiuz mauk,” ngoz tueq tvralc tueq.

EJEKIEL 3:14

Yehowa luimc vkawc kuex ngvy htauk nuex hungc vlaungc yunghvlc httuiuc kaz vtueq, vpiq siyac rueq ngaz kuex pvnc wvnc phuex, ngaz kuex pinhtumc thuinbac nuiyc thuinkhaq tauk.

Acts 7:25

(Moshe kuex Israel miqsaz htenc tvdungc wvnc tvkoc piq kuex Tishox rueq nvr tvkaz tueq lvmz tsuingshiq rueq tuiuz yaq shvmx ngoz tueq tvmaung tueq, yuq muinz tsuingshiq rueq tuiuz muq.)

PHOWEBI 6:17

Gideon rueq, “Mnoz rueq ngaz kuex raungc raq vphux ngoz ruiux kuex, mnoz vsuingc suing Yehowa rvtoq lvmz hakhix tvkhic kuq koq.