DUNGWVNC 36:2 - ASII LAKDAP Bible (BSI) Kiimaq Mosheq raq Bejalel, Oholiab, kiimaq jaqsham smabi ahinti thun wiita Tatiwe raq asap atsin phaqchi kuqtaqti thun kra, kiimaq juju riiwa jaqsham khrumke lungwiitibi thun kra heato. Raüta Mosheq raq tsangshiq ma jaqsham ka phaho rongliishe nguta chongkuqto. Hawa Naga Bible 2001 Moshe rueq Bezalel, Oholiab nuiyc Yehowa kox wawc thenc tuiuz tharc vlvp shec jix lotlaz, kvmaq vromc kuy thuinz vhttax jix htenc kuex gvl vtueq, yauk shuimc phaungc wvnc tvkoc tsuinghez muex jungx tueq. |
Ramwebi nai Lewinok miika Shomjam na tsangshiq jaqsham ka apheake wishe. Kiimaq phan phan jaqsham kaiwa asap atsinti thun ka ümnaq khrumke miitu khekham miishe sitlo. Kiimaq mungmaiqse kunli kiimaq tsangshiq khuthaq na welabi thun kun li ka ümbomtai miitu ümwokhong na siisaq khekham maq sitlo.”
Kiimaq tsiimwe khiiqwebi nai tiiqwebi raq laihin huk nai sam tiiq lo wan chang sitlaq kra miitu kuqkang. Riita ümchaü min jurwa jaqchii jichii maq Tatiwe ma honglu ke lungwii tlan?”
“Israilnok ma Ngi miitu honglu kuq ronglaq nguta chonglaq. Laüta jurwa maiqmii raq aro aro jamlai honglu wa kuqtlaq kra riichom jaülaq.
Kiimaq Ngi raq jaqsham smabi hon atsii juju mo kuqkang kriibi thun ka wiita healaq. Laüta tsangshiq ma Aron rohun khu akhea thun kra klo ronglaq nguta chonglaq. Kra raütiq apaiq raq akhum ka Ngi shiikumpan ramwe jaqsham miitu kiinongke chang miraq.
Kiimaq Ngi raq Dan phan wa Ahisamakh se Oholiab kiimin apaiq rai jaqsham dam miitu tsea wan kang she. Kiimaq Ngi raq maiq ahinti tsiimwe khiiqwebi thun wiita ma taksma phaqchi jonghea pheakuq kang she. Krai mren Ngi raq aming kuq kang kra phan phan tsangshiq raq phanrap ka thep thep miklolot.
“Namshiq phong na taksma tsiimwe khiiqwebi thun ka walanta Tatiwe raq aming kuqtaq kra phan phan hupsam wiita klo ronglaq:
Namshiq raq minshiiq miitu ka ratrok asi. Shatmaq ramiishi ngo ranaiq ka asii. Kriika Ngi Tatiwe ma ramram raüta akiinongkuq niitiitsak ranaiq. Jurwa kra ranaiq na phanshi ra jaq sham raüla kriiti ka atsea baiq chang.
“Bejalel, Oholiab kiimaq nanok ahinti tsiimwe khiiqwebi, ju miiwa Tatiwe raq jaqsham sma phaqchi kiimaq asap atsin phaqchi kuqtaq, jurwa asii Tombutiip hai wan miitu phanrap hupsam thun rong ratlaq kra klo asapti thun raq, Tatiwe raq aming kuqtaq kra phan phan kunli miklolaq.”
Tsangshiq raq Mosheq jaqwa Israilnok raq asii Tombutiip hai miitu ümchuwa honglu kuq wantaq hupsam thun kra jaüto. Shatmaq Israilnok mungmaiqse riika tsangshiq honglu ka Mosheq ma wranap tek kuq wan ruqli kuqto.
Tsangshiq raq phungtutek na, ashun asheati maiqlare thun kra shong thüto. Kiimaq amang maq achu jaü raüta, tsangshiq ka tsangshiq raq kamwantlaq Tatiwe jaq khong na kiinong kuqto.
Kiimaq ngi raq phuno we, Arkipas ma ara bomtsi ara tiichong wan nong tiikang, “Tatiwe raq ümniima apaiq jaqsham jamlai wa kuqtaq kra, athuk atsom maq shiingut laq ngu wa” nguta apaiq ma chong nong rong laq.
Ju riimin ramwe ajong jaqsham ka maiqmii raq rit mak phan. Shiikeawe raq Aron ka jamkho shongtaq kiikhiisiitiq shong chang.