DUNGWVNC 31:6 - ASII LAKDAP Bible (BSI)

⁶ Kiimaq Ngi raq Dan phan wa Ahisamakh se Oholiab kiimin apaiq rai jaqsham dam miitu tsea wan kang she. Kiimaq Ngi raq maiq ahinti tsiimwe khiiqwebi thun wiita ma taksma phaqchi jonghea pheakuq kang she. Krai mren Ngi raq aming kuq kang kra phan phan tsangshiq raq phanrap ka thep thep miklolot.

Hawa Naga Bible 2001

⁶ Piq rulc vdvmz yauk shuimc tvkoc Dan phvnx wawc Ahisamak saz Oholiab kuex ngaz rueq thvl taq shec tauk. Vganc tuiuz thenc yaq thamtharc lotlaz muinz vyungx khvmc juing ngaz rueq kuq shec tauk, kvkhoc rvtueq tsuingshiq rueq shuimc tvkoc nvr tauk:

DUNGWVNC 31:6 Referencias Cruzadas

1 HOKHVMX 3:12

ümniiraq ijaq wa jamlai wa jaü laü kra ngi raq mikuqha. Ngi raq ümniima maiq ahinti juwe riimin milap wan shaq kiimaq rawiichii niimin jurmin lap wan lot mak chang phan anyan phaqchi tsaühea kiimaq taksu tsii kra ümniima mikuqha.

DUNGWVNC 28:3

Kiimaq Ngi raq jaqsham smabi hon atsii juju mo kuqkang kriibi thun ka wiita healaq. Laüta tsangshiq ma Aron rohun khu akhea thun kra klo ronglaq nguta chonglaq. Kra raütiq apaiq raq akhum ka Ngi shiikumpan ramwe jaqsham miitu kiinongke chang miraq.

DUNGWVNC 31:5

longseng po thun kra aheawiq chum raüta among na tiitsom shaq wan miitu; pe thaq na awat raüta waiqwun miitu; kiimaq phanrap ka atsomwiq haihun wan miitu phaqchi kuqkang.

DUNGWVNC 35:10

“Namshiq phong na taksma tsiimwe khiiqwebi thun ka walanta Tatiwe raq aming kuqtaq kra phan phan hupsam wiita klo ronglaq:

DUNGWVNC 35:34

Tatiwe raq apaiq ma kiimaq apaiq jaq treti Ahisamakh se Oholiab, Dan phan wa kriima tsangnai jaqsham tsiimwe khiiqwe phaqchi kra nanok ahin ma shrinke miitu phaqchi ka kuqto she.

DUNGWVNC 35:35

Tatiwe raq tsangnai ma phanrap phanrii jaqsham sma thun ka among na wat raüta shaq wan, sumla sürii wan, müsaisai raihi-nairai kheataq wan; raiwai maq, mintiitii maq, kiimaq unirai riiqshii maq kheataq wan ningkun ka kuqto; kiimaq laihin kheataq phaqchi min kuqtoshe. Tsangshiq ka phanrap phanrii jaqsham atsin siisaq kiimaq phan phan sumla sürii jaqsham ka atsin siisaq.

DUNGWVNC 35:4

Mosheq raq Israilnok mungmaiqse tlotli ma nguto, “Tatiwe raq akha aming kuqto:

DUNGWVNC 36:8

Kra jaqshamtibi phong na pinthum jaqsham smabi thun raq Tatiwe Asi Tombutiip ka haito. Tsangshiq raq kra tiip ka müsaisai raihi-nairai khea ka raiwai, mintiitii rai, kiimaq unirai raishii ka riishot riishaq raüta ataq kiimaq cherubim sumla phong ka khea kiijaq achhang raüta awaiq khea thum thun roqshi ka adam na triiche raüta haito.

DUNGWVNC 38:23

Apaiq jaqthütiwe ka Oholiab riito. Apaiq ka Ahisamakh se. Apaiq ka Dan phan wa. Apaiq ka among na awat raüta sumla waiqti, ariikom süriiti, kiimaq apaiq ka müsaisai raihi-nairai maq, raiwai, mintiitii, kiimaq uniraishii maq khea taqti.

DUNGWVNC 6:26

Aron nai Mosheq ma Tatiwe raq akha chongto, “Israilnok maiq phan thun ka Ejip mung wa shea wan ronglaq.”

Luke 10:1

Arjai maq hali, Tatiwe raq ajaqshisetiim roqmiishi ri wenai kra tseato. Raüta wenai nai maq, apaiq kai chang chela thun nai maiqhiq shong thun kiina, apaiq ma sinkhu na trahokai tiikito.

Acts 13:2

Tsangshiq ka Shiikeawe shomnoq, amang maq achu jaü sitlaq liipan na, “Barnabas nai Saul ka ngi miitu pong na raithü ronglaq. Tsangnai ka i jaq sham miitu, ngi raq ashong kun she,” nguta Asii Wenyi raq tsangshiq ma chongkuqto.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.