DUNGWVNC 36:1 - ASII LAKDAP Bible (BSI)

¹ “Bejalel, Oholiab kiimaq nanok ahinti tsiimwe khiiqwebi, ju miiwa Tatiwe raq jaqsham sma phaqchi kiimaq asap atsin phaqchi kuqtaq, jurwa asii Tombutiip hai wan miitu phanrap hupsam thun rong ratlaq kra klo asapti thun raq, Tatiwe raq aming kuqtaq kra phan phan kunli miklolaq.”

Hawa Naga Bible 2001

¹ “Bezalel, Oholiab nuiyc Yehowa rueq vthenc vtuiuz nuiyc vtuiuz vtay kuex kuq tueq, vganc thamx waz bix lotlaz muex Yehowa rueq nvr tueq phvnx ruip saz maq vsawc Tap kuex guirc nuex rax yaq htenc kuex shuimc kay wuez rax,” ngoz tueq jungx tueq.

DUNGWVNC 36:1 Referencias Cruzadas

1 HOKHVMX 7:14

Awe kiimin Tajar chela na siti riito. Shatmaq kra akhing niika atsaikaiwi she riito. Awe kiimin jatiiq jintiiqtiwe miiki ngam jaqsham na smajongwe riito. Kiimaq apaiq ma anyung ka Naphtali phan wa. Huram ka pinthum anyan phaqchi saptiwe kiimaq tsiimtsii smawe riito. Hokhamwe Solomon raq apaiq ka miiki ngam tiiqwe jaqsham kra arangho miitu tiichong wa kiita apaiq ka chochi khiq kito.

1 KAÜWA WERAÜ 2:20

Hur se mang ka Uri. Kiimaq asaü mang ka Bejalel.

1 KAÜWA WERAÜ 28:21

Ramwebi nai Lewinok miika Shomjam na tsangshiq jaqsham ka apheake wishe. Kiimaq phan phan jaqsham kaiwa asap atsinti thun ka ümnaq khrumke miitu khekham miishe sitlo. Kiimaq mungmaiqse kunli kiimaq tsangshiq khuthaq na welabi thun kun li ka ümbomtai miitu ümwokhong na siisaq khekham maq sitlo.”

Tvtsvmc 119:6

Ngi raq ümnaq aming thun kunli kra langlata siha jiila, ngi ma jea tiingaümak miraq.

DUNGWVNC 12:28

Raütiishe tsangshiq ka kihoto. Raüta Tatiwe raq Mosheq nai Aron ma jamlai aming wa kuqtaq kra kloto.

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 28:3

Kiimaq Ngi raq jaqsham smabi hon atsii juju mo kuqkang kriibi thun ka wiita healaq. Laüta tsangshiq ma Aron rohun khu akhea thun kra klo ronglaq nguta chonglaq. Kra raütiq apaiq raq akhum ka Ngi shiikumpan ramwe jaqsham miitu kiinongke chang miraq.

DUNGWVNC 31:11

ramram chang tel kra, kiimaq ahomwiq-homseng honglu Asii Khok na kechang thun kra klo miitu ningkun kuq kang she. Tsangshiq raq arthun hupsam klotlaq akhing na Ngi raq ümniima aming kuq kang kra phan phan klo ratlo.”

DUNGWVNC 36:2

Kiimaq Mosheq raq Bejalel, Oholiab, kiimaq jaqsham smabi ahinti thun wiita Tatiwe raq asap atsin phaqchi kuqtaqti thun kra, kiimaq juju riiwa jaqsham khrumke lungwiitibi thun kra heato. Raüta Mosheq raq tsangshiq ma jaqsham ka phaho rongliishe nguta chongkuqto.

DUNGWVNC 38:23

Apaiq jaqthütiwe ka Oholiab riito. Apaiq ka Ahisamakh se. Apaiq ka Dan phan wa. Apaiq ka among na awat raüta sumla waiqti, ariikom süriiti, kiimaq apaiq ka müsaisai raihi-nairai maq, raiwai, mintiitii, kiimaq uniraishii maq khea taqti.

DUNGWVNC 39:1

Bejalel nai akongtibi raq raiwai, mintiitii, kiimaq uniraishii maq pinthum athuk atsom rohun ramwebi raq Asii Khok na shiikumpan jaqsham tlaq akhing na samchang taqto. Tsangshiq raq ramwe rohun thun ka Aron miitu ka Mosheq lümaq Tatiwe raq aming kuqtaq kra phan phan kloto.

WEAWEA 7:9

Shatmaq Mosheq raq Kohathaiq phan miika hit-leng thun wa kiimaq minsaü pongwetiim kiiwa ashi min kuq mak dea, Jamkhano ngukla tsangshiq raq asii hupsam thun shiikum pantlaq thun kriika tsangshiq raq phaq na siisaq pi chang.

Matthew 28:20

Kiimaq ngi raq namshiq ma aming ümchuwa kuq kang kra tsangshiq raq lang raüta si miitu wiita shrin kuq rong laq. Kiimaq ngi ka namshiq rai wranaiqshe, ara mangjong hiq ara thum ranaiq na saüli adam na siruq misi kang!”

Luke 1:6

Tsangnai wiita ka Shiikeawe maklii na kechu maiqse sii riito. Tsangnai ka Tatiwe tri raütu nai aming thun kra, kunkun lang raüta siti maiqta ashi.

Hebrews 8:2

Apaiq ka ümchaü, Asii thaq niimin Asii Khok siqlaitap niishe nga raüta, Ajong Pinthum Ramwe ma ja raüta, Shiikeawe shomnoq jaqsham tlo. Riita ara chongtiikai, ramungtan na sitlaq, Shiikeawe shomnoq chang chiisan jolitiip sitlaq kriika, Tati Shiikeawe raq ahai. Maiqse jaq maq ahai ka riimak.