DUNGWVNC 36:1 - Hawa Naga Bible 2001

¹ “Bezalel, Oholiab nuiyc Yehowa rueq vthenc vtuiuz nuiyc vtuiuz vtay kuex kuq tueq, vganc thamx waz bix lotlaz muex Yehowa rueq nvr tueq phvnx ruip saz maq vsawc Tap kuex guirc nuex rax yaq htenc kuex shuimc kay wuez rax,” ngoz tueq jungx tueq.

ASII LAKDAP Bible (BSI)

¹ “Bejalel, Oholiab kiimaq nanok ahinti tsiimwe khiiqwebi, ju miiwa Tatiwe raq jaqsham sma phaqchi kiimaq asap atsin phaqchi kuqtaq, jurwa asii Tombutiip hai wan miitu phanrap hupsam thun rong ratlaq kra klo asapti thun raq, Tatiwe raq aming kuqtaq kra phan phan kunli miklolaq.”

DUNGWVNC 36:1 Referencias Cruzadas

1 HOKHVMX 7:14

Vwaz kuex Tire ghaqyungx nuex vthueyc kay wuez nvyrvyx jek yauk shuimc thenc hvlc waz rvtueq; vnyuiuz kuex Naphtali phvnx wawc rvtueq. Huram kuex thenc tuiuz hvlc nuiyc tak lak tuiuz tay vhttax yauk maq shuimc thenc hvlc waz rvtueq. Nvyrvyx yauk shuimc httax mvhttax nuex seng vtueq tvkuiux raz shunshvlc tvkoc Hokhvmx Solomon rueq gvl tueq kuex tay kuy jix waz rvtueq.

1 KAÜWA WERAÜ 2:20

Hur saz kuex Uri rvtueq, vsuiuz kuex Bezalel rvtueq.

1 KAÜWA WERAÜ 28:21

Shomc waz bix nuiyc Lewi miqsaz htenc kuex Shomc Yuimx nuex shuimc juing yauk shuimc kuex phvlc kuy yoalx shex rvtueq. Lvmx ruip saz nuex vthenc vtuiuz yauk shuimc jix hez rueq mnoz muex romc kuy tvkoc thuinz pinhtumc tvtsanc wuez yaq. Miq lotlaz nuiyc tsuingshiq walaungx bix rueq muinz mnoz rueq nvr shuiux kvjaz kuex phvnx wuez shuex,” ngoz tueq jungx tueq.

Tvtsvmc 119:6

Mnoz nvrc bomc htenc lotlaz kuex ngaz rueq tay phvnx ruiux yuq, ngaz yvlc svy rvhumc taungx rvmuq.

DUNGWVNC 12:28

Kvruex yimaq tsuingshiq kuex kaz wvnc vtueq Yehowa rueq Moshe nuiyc Arun muex nvr tueq kvkhoc rvwuez tueq.

DUNGWVNC 25:8

Miq htenc rueq ngvy tvkoc vsawc tap kuex m-guirx wuez shueq, kvkhoc ngoz ruiux ngaz kuex tsuingshiq rulc httax taungx.

DUNGWVNC 28:3

Arun kuex ngaz muex shuimc kuy tvkoc shomc waz yaungx vtueq yauk shuimc tvkoc, ngaz rueq vkuq vthenc vtuiuz jix htenc kuex gvl vtueq, piq tvkoc marrarc kuex tvkuk shuiuz.

DUNGWVNC 31:11

ruimruimc puiz tix nuiyc Vsawc Baung tvkoc vhomc vtumc vshot kuex tvhungx shuimx kaz lot shuex. Ngaz rueq mnoz muex jungx kuq phaungx rulc rv-ngvlc tsuingshiq rueq vhtenc vruex rvkhauk laz tvhungx rax,” ngoz tueq jungx tueq.

DUNGWVNC 36:2

Moshe rueq Bezalel, Oholiab nuiyc Yehowa kox wawc thenc tuiuz tharc vlvp shec jix lotlaz, kvmaq vromc kuy thuinz vhttax jix htenc kuex gvl vtueq, yauk shuimc phaungc wvnc tvkoc tsuinghez muex jungx tueq.

DUNGWVNC 38:23

Piq muex romc naungc kuy jix Dan phvnx wawc Ahisamak saz Oholiab kuex jek waz thamx waz yauk shuimc thenc tuiuz jix, vromkomz tvhungx thenc jix, khelbuenx ruiyshawx, khuingc wuil nvm-yaz, pasic nvm-yaz nuiyc khvymvnz vnyel maq tauk thenc jix rvtueq.

DUNGWVNC 39:1

Vsawc Baung nuex yauk shuimc jix shomc waz bix rueq svmc juing svp rvp hvlc khoz vkhvy htenc kuex tsuinghez rueq khuingc wuil nvm-yaz, pasic nvm-yaz, khelbuenx ruiyshawx maq kuk wuez tueq. Yehowa rueq Moshe muex nvr tueq rulc rv-ngvlc Arun tvkoc shomc waz khoz vkhvy kuex kuk wuez tueq.

WEAWEA 7:9

Kohat taungx hez kuex miqmac rueq lawc mawc httuiyq httvmx yaq Tap nuex seng vtueq hup svmx htenc kuex phauk nuex pic juing ningkhvnc nuex Moshe rueq tsuingshiq tvkoc renc nuiyc manx kuex kuq muq doc.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

Luke 1:6

Tsuingnueyc kuex Tishox htumc nuex vtsuing vrux miq ningkhvnc nuex Taungjix tvrac htenc nuiyc nvrc bomc htenc lotlaz kuex phvnx wuez tueq.

Hebrews 8:2

Vpiq kuex Vsawc Pinhtumc Baung nuex Shomc Wayungx yauk shuimc shuimx yaq, kvruex baung kuex raungmungx ngoz yaq miqsaz yauk maq tvhungx muq, Tishox rueq vtvhungx tap muik shauk rvtueq.