DUNGWVNC 36:2 - Hawa Naga Bible 2001

² Moshe rueq Bezalel, Oholiab nuiyc Yehowa kox wawc thenc tuiuz tharc vlvp shec jix lotlaz, kvmaq vromc kuy thuinz vhttax jix htenc kuex gvl vtueq, yauk shuimc phaungc wvnc tvkoc tsuinghez muex jungx tueq.

ASII LAKDAP Bible (BSI)

² Kiimaq Mosheq raq Bejalel, Oholiab, kiimaq jaqsham smabi ahinti thun wiita Tatiwe raq asap atsin phaqchi kuqtaqti thun kra, kiimaq juju riiwa jaqsham khrumke lungwiitibi thun kra heato. Raüta Mosheq raq tsangshiq ma jaqsham ka phaho rongliishe nguta chongkuqto.

DUNGWVNC 36:2 Referencias Cruzadas

1 KAÜWA WERAÜ 28:21

Shomc waz bix nuiyc Lewi miqsaz htenc kuex Shomc Yuimx nuex shuimc juing yauk shuimc kuex phvlc kuy yoalx shex rvtueq. Lvmx ruip saz nuex vthenc vtuiuz yauk shuimc jix hez rueq mnoz muex romc kuy tvkoc thuinz pinhtumc tvtsanc wuez yaq. Miq lotlaz nuiyc tsuingshiq walaungx bix rueq muinz mnoz rueq nvr shuiux kvjaz kuex phvnx wuez shuex,” ngoz tueq jungx tueq.

1 KAÜWA WERAÜ 29:5

thamx thalc jix miq htenc rueq shuimc juing hup vsvmx lotlaz tvkoc kuq tauk. Majuiuc Yehowa muex yauk noalc kuy kay uraq lac raungc raq vshuinx?”

DUNGWVNC 25:2

“Israel miqsaz rueq ngaz muex yauk noalc mhtawc kuq phueq. Miqwaz rulx rueq menjenc thuinz maq kuq yaq yauk noalc htenc kuex mnoz rueq thoz taq shuiuz.

DUNGWVNC 25:40

Ngaz rueq nuimshiq muex kanx maq tvkhic kuq phaungx vromz yac ikhoc tvhungx guirc tvkoc rvwvl shuiuz.

DUNGWVNC 28:3

Arun kuex ngaz muex shuimc kuy tvkoc shomc waz yaungx vtueq yauk shuimc tvkoc, ngaz rueq vkuq vthenc vtuiuz jix htenc kuex gvl vtueq, piq tvkoc marrarc kuex tvkuk shuiuz.

DUNGWVNC 31:6

Piq rulc vdvmz yauk shuimc tvkoc Dan phvnx wawc Ahisamak saz Oholiab kuex ngaz rueq thvl taq shec tauk. Vganc tuiuz thenc yaq thamtharc lotlaz muinz vyungx khvmc juing ngaz rueq kuq shec tauk, kvkhoc rvtueq tsuingshiq rueq shuimc tvkoc nvr tauk:

DUNGWVNC 35:10

“Nuimshiq nuex httax yaq vshuimc vthenc jix miq lotlaz kuex Yehowa rueq nvr yaq rulc rv-ngvlc kaz vtueq shuimc wuez rax:

DUNGWVNC 35:2

Nuimshiq rueq raungx tvruk kuex miqmac yauk shuimc shuimx wuez shuinz, yuq muinz raungx mvshix raungnuiyq kuex vsawc rvtueq, Ngaz, Yehowa tvkoc vlekuq shec nyec tvkuiyq guilc raungnuiyq rvtueq. Kvruex raungnuiyq yauk shuimc jix miq kuex vthueyc murx tvgurc rax.

DUNGWVNC 36:1

“Bezalel, Oholiab nuiyc Yehowa rueq vthenc vtuiuz nuiyc vtuiuz vtay kuex kuq tueq, vganc thamx waz bix lotlaz muex Yehowa rueq nvr tueq phvnx ruip saz maq vsawc Tap kuex guirc nuex rax yaq htenc kuex shuimc kay wuez rax,” ngoz tueq jungx tueq.

DUNGWVNC 36:3

Tsuinghez rueq vsawc Tap kvruex guirc tvkoc Israel miqsaz rueq vshomc kuq laq hup svmx htenc kuex Moshe kox wawc lvp wuez tueq. Yuq muinz Israel miqsaz tsuingshiq rueq shomc kuy juing phvnx ruip saz kuex wvraungx nvp tek laq wuez ruiux yaq.

Acts 14:23

Phungc ruip rawx nuex phungc walaungx bix thvl taq vtueq, phuiuz svy mamc ruiux, vjux thoz lot yix, tsuingshiq kvmluimx wuez yaq Taungjix yauk nuex lekuq tueq.

Colossians 4:17

Taungjix rueq kuq tueq yauk shuimc kuex tvlot laz shuimc tvkoc Archippu muex tvtay jungx kuq shuinz.

Hebrews 5:4

Ukhaq muinz miqmac shauk pumz kuex shomc wayungx yaungc tvtsanc nganc kvthvlc lot muq. Tishox rueq Arun kuex shomc wayungx muex thvl taq shec tueq ikhoc, vpiq rueq thvlc tvy rvhumc ruiux yuq jix shomc wayungx muex yaungx lvp tuex.