DUNGWVNC 35:35 - ASII LAKDAP Bible (BSI)

³⁵ Tatiwe raq tsangnai ma phanrap phanrii jaqsham sma thun ka among na wat raüta shaq wan, sumla sürii wan, müsaisai raihi-nairai kheataq wan; raiwai maq, mintiitii maq, kiimaq unirai riiqshii maq kheataq wan ningkun ka kuqto; kiimaq laihin kheataq phaqchi min kuqtoshe. Tsangshiq ka phanrap phanrii jaqsham atsin siisaq kiimaq phan phan sumla sürii jaqsham ka atsin siisaq.

Hawa Naga Bible 2001

³⁵ Tsuingshiq muex thamx waz vthenc vtuiuz, phvnx ruip saz tvhungx tvdungc thenc juing, khvymvnz vnyel, khuingc wuil nvm-yaz, pasic nvm-yaz, khelbuenx ruiyshawx nuiyc vganc khvymvnz htenc kuex tauk thenc yaq yauk shuimc, hpaqjic phvnx ruip maq shuimx thenc yaq phaqjic, phvnx ruip saz tvhungx lot yaq vthenc vtuiuz tharc kuq tueq. Tsuingshiq kuex phaqjic phvnx ruip saz tuiuz thenc wvnc vtueq, phvnx ruip saz tvhungx tvdungc thenc hvlc jix hez muex tvyaungc tueq.

DUNGWVNC 35:35 Referencias Cruzadas

1 HOKHVMX 3:12

ümniiraq ijaq wa jamlai wa jaü laü kra ngi raq mikuqha. Ngi raq ümniima maiq ahinti juwe riimin milap wan shaq kiimaq rawiichii niimin jurmin lap wan lot mak chang phan anyan phaqchi tsaühea kiimaq taksu tsii kra ümniima mikuqha.

1 HOKHVMX 7:14

Awe kiimin Tajar chela na siti riito. Shatmaq kra akhing niika atsaikaiwi she riito. Awe kiimin jatiiq jintiiqtiwe miiki ngam jaqsham na smajongwe riito. Kiimaq apaiq ma anyung ka Naphtali phan wa. Huram ka pinthum anyan phaqchi saptiwe kiimaq tsiimtsii smawe riito. Hokhamwe Solomon raq apaiq ka miiki ngam tiiqwe jaqsham kra arangho miitu tiichong wa kiita apaiq ka chochi khiq kito.

2 KAÜWA WERAÜ 2:14

Anyung ka Dan phan wa kiimaq awe ka Tajar chelati nokti. Apaiq riika chaq maq, kampho maq, kiimaq miiki maq, jin maq, long maq, kiimaq pe maq phanrap phanrii haihun asap atsin siisaq. Apaiq ka khu akhea ka amin rong maq, mintiitii rong maq, kiimaq kheashii rong maq, kiimaq müsaisai raihi-nairai khea maq klo ka atsin siisaq. Apaiq riika awat raüta phan phan sumla khatwaiq atsin. Apaiq ma jamlai phan sumla wa tok raüta kuq jiiq, kra phan phan miklo lot. Apaiq ka ümsenginok tsiimwe khiiqwebi rai kiimaq ümwe Hokhamwe Dawit rai jaqsham wanti rai misham dam laq.

YOBA 7:6

Aran phan chang ahü rilung thum wan miiq miiq, kheataqti longchikii se siimko maq riita siimko na rehihi tiijo tlaq ira nam ma aphiq lin sung wan tlo.

DUNGWVNC 26:1

“Asii Tombutiip, Ngi asi Tombutiip mong thun kriika müsaisai raihi-nairai ka raiwai, raishii kiimaq unirai shii maq shot raüta ataq thumjong thum roqshi kriimaq hailaq. Kiimaq kriithun ka rai maq cherubim sumla thun ka khea kiijaq waiq chhang chang.

DUNGWVNC 31:3

Kiimaq Ngi raq apaiq khum na iningkun ka asho awo tiimakuq kang she. Ngi raq apaiq ma taksu tsii kuq kang, jaqsham sma phaqchi kuq kang. Kiimaq phanrap phanrii awaiq angon jaqsham phaqchi kra kuq kang.

DUNGWVNC 31:6

Kiimaq Ngi raq Dan phan wa Ahisamakh se Oholiab kiimin apaiq rai jaqsham dam miitu tsea wan kang she. Kiimaq Ngi raq maiq ahinti tsiimwe khiiqwebi thun wiita ma taksma phaqchi jonghea pheakuq kang she. Krai mren Ngi raq aming kuq kang kra phan phan tsangshiq raq phanrap ka thep thep miklolot.

DUNGWVNC 35:31

Raüta Shiikeawe raq apaiq ka apaiq ningkun maq asho awo tiima kuqto. Kiimaq apaiq ma jaqsham sma, asap atsin, taksu tsii ka phanrap awaiq angon jaq sham phaqchi,

DUNGWVNC 36:1

“Bejalel, Oholiab kiimaq nanok ahinti tsiimwe khiiqwebi, ju miiwa Tatiwe raq jaqsham sma phaqchi kiimaq asap atsin phaqchi kuqtaq, jurwa asii Tombutiip hai wan miitu phanrap hupsam thun rong ratlaq kra klo asapti thun raq, Tatiwe raq aming kuqtaq kra phan phan kunli miklolaq.”

ISAIA 28:26

Apaiq raq awak shamsea ka atsin, jamkhano ngukla Shiikeawe raq apaiq ma shrinkuqto.

ISAIA 38:12

Irilung paq ka chumbaiq raüta thumto, Tombutiip tiitham runbaiq tlaq ikha, Kheathum pantei wa chumbaiqtlaq ikha, Ngi raq tiimakang Shiikeawe raq itsitsü paq chumbaiqto she nguta tiimakang.

Acts 19:6

Paul raq ajaq nai maq tsangshiq khu na sham raüta achu jaükuqto. Kiimaq Asii Wenyi ka tsangshiq khum niishe satkito. Krai mren she, tsangshiq ka atse atsaq min tiitai mak phan bom miishe bomtrang hoto. Kiimaq Shiikeawe raq achongkuq tsütsa kra tlü chongkuqto.

Acts 19:8

Paul ka jipi lü tsam tingkhit sinagok na walili raüta, nokwe ma Shiikeawe bomtsi ka tsangshiq ma achaq awaq maq chong kuqto. Kiimaq tiitho tiipha phanchan chongkuq raüta, tsangshiq tsantsii ka Shiikeawe puk na nyap wan lamphan na tiinin ja wan hajaq nguta pinthum shiikut chaqto.

1 Corinthians 1:5

Namshiq ka Khristo rai pumshi hanshi she jawan lan kra lümaq, phanrap na chiithe lüwa siisaq she jawan lan kata. Shiikeawe Tsütsa Ahea kra nanok ma chongke wan lam na namshiq bom asa na kiimaq Shiikeawe bomtsi anyan phaqchi sap wan lam na chiithe she jawan lan.

1 Corinthians 1:7

Krai mren, namshiq raq achu shiiman thumli asho awo she lap wan lan. Ümchaü sanha, arphan ara lap wan mai dea nguta ngo chang min ahü she. Kiimaq nashiq Tati Jesuq Khristo saüho ka maklii khamthii maq khe wan tlan. Apaiq ka ranaiqshishi misaüho she. Raüta maiqse ma apaiq khushü chhainyii jonglu kra mitiichhi kuq.

1 Corinthians 12:12

Khristo pum ka ashi li. Shatmaq apum ashi na akhum ka pong panpan sitlo. Apum ka ashi li. Shatmaq akhum pan ka apawiq sitlo. Li jiimin, apum ka ashi li.

1 Corinthians 12:4

Riita Asii Wenyi raq Phungmaiqse ma kuq tlaq kongphiq ka phanphan asi. Shatmaq kra thun ka Asii Wenyi raq akuq siisaq.

1 Corinthians 12:8

Kra Asii Wenyi riisii hali, maiq ashi ma taksma tsütsa chongkuq tlo. Kiimahali kra Asii Wenyi riisii hali, maiq weshi miika anyan phaqchi tsütsa chongkuq tlo.

Galatians 3:2

Riita ümchaü min, namshiq raq, ngi ma riikhaqli maq chongkuq rongphiita: Namshiq khum na Shiikeawe Asii Wenyi lap wan lan kriika, Tsütsa Ahea ma kamwan lanta sha, sha Thungtri aming lang wan lan tiiwa lap wan lan?

Galatians 3:5

Riita, Shiikeawe raq namshiq ma, Asii Wenyi kuqtaq, kiimaq apaiq raq, namshiq phong na awang chang pahea jaq sham wan taq, kriika, namshiq raq Thungtri aming lang lanta sha, sha Tsütsa Ahea tai lanta, kriima kamwan lan tiiwa sham kuqta?

1 Timothy 3:15

Kiimaq, ngi ka ümkhiimiiwa jaqlo kiina saüthin wan mang la tiihit rotki ha jiila, ara lak na nashiq Phungmaiqse ka jamkhii singa chang wa, kra miitu tsii chongkuq tiikang ara lang rong laq. Nashiq ka Shiikeawe setiim. Jamshiti. Ara jamshiti ngutiikai arka, Shiikeawe setiim phungtu sitlaq kra ngo nangnga chongtiikang. Shiikeawe ka pattup pat-sa siwan ruq li. Shiikeawe manphan tengteng bomtsi ka, phungtuti raq thüda wan tlo. Kiimaq tum akhiiq na saiqsam wan tiikai ikha, kai shreng laita ahea wiq, tsapsaü kapse maq thü wan tiikai.

1 Timothy 4:16

Ümbom ümsa na, ümrong ümrai na, maiqla ashi nguta kamto maq silaq. Asii bomtsi shrinkuq tlaü kra, jaqkhon ka tiiphashat maq, shrinkuq laq. Laüta ümrilung na tsapkapkap maq lang laüta silaq. Kra ümrilung jaqsham kra lü miitiq, ümkhum kra mitiichhii wan haü. Kiimaq nanok ümbom tai wantibi rilung kiimin mitiichhü wan.

2 Timothy 2:15

Shiikeawe raq ümniika maiqshaq jaqshise ashi dea nguta wea wan li chang miitu, tsapkapkap maq shra jaqsham kra sham laq. Shiikeawe tengman tlaq bomtsi ka khaqshkhaq maq, liichum kra tru chongkuq laq. Shiikeawe bomtsi chongke lam maq, ümniika akhiismin naq tiijeasi kiq.